Osija 12:6 - Библия - Пэ Балтитко Романи чиб (Романэс) 2019

⁶ И ту, Яково́скиро ўнуко (непото), рисёв палэ кэ Дэвэ́л тыро́: ракх (дыкх) тангипэ́н (лачхэ́-илы́ткима) и чачуно́ сэ́ндо, и ўса́ды (сак) ужакир лачхипэ́н тумарэ́ Дэвлэ́стыр.

Biblija - Pe Baltitko Romani čib (Romanes) 2019

⁶ I tu, Jakovóskiro ŭnuko (niepoto), risjov pale ke Devél tyró: rakh (dykh) tangipén (lačhé-ilýtkima) i čačunó séndo, i ŭsády (sak) užakir lačhipén tumaré Devléstyr.

Osija 12:6 Referans Kwoze

Mihiejo 6:8

О Рай Дэвэ́л сыкадя́ ту́кэ, о манушэ, со исын лачхипэ́н, и со трэй Ра́скэ-Дэвлэ́скэ ту́тыр: тэ кэрэ́с пир чачипэ́н, тэ выкэдэс тэ кэрэ́с лачхипэ́н, и тэ дживэ́с напхутькирдэс анги́л тырэ́ Дэвлэ́стэ!

Mihiejo 7:7

Нэ мэ кокоро́ ява́ва тэ дыкха́в пэ Растэ-Дэвлэ́стэ, мэ ява́ва тэ ужакирав Дэвлэ́с, Саво́ ракхэ́ла ман; Миро Дэвэ́л шунэ́ла ман.

Osija 14:1

[13.16-ю.о.] Мануша́ Самариятыр явэ́на бангэ́ палдова́, со ёнэ кэрдэ́ бу́нто проти лэ́нгирэ Дэвлэ́стэ. Ёнэ пэрэ́на куртала́тыр, лэ́нгирэ бияты явэ́на росчингирдэ (пэкадэ) пэ котэра́, и лэ́нгирэ пхарэ́ джувлятыр отлэна тыкнэмасэн.’

Заха́рия 7:9

“Адя́кэ ракирэ́лас Рай Дэвэ́л янголэ́нгирэ-болыбна́скиро: ‘Кэрэ́н сэ́ндо чачипнытко и сыкавэ́н ла́ска и (жалима) кажно ваш пэ́скирэ пшалэ́скэ;

Jakov 2:13

пал-дова́ со ваш одолэ́ манушэ́нгэ, кон на сыкадя́ тангипэ́н (жалима) кэ яви́р мануша́, сэ́ндо явэ́ла би тангипнаскиро адя́кэ-паць кэ ёв, нэ тангипэ́н исын вучэды́р сэндостыр.

Jakov 1:27

Жужэ́-патяибнаскири и намагирды строгима анги́л Дэвлэ́стэ Дадэ́стэ исын дро дова́, соб (кай) тумэ́ тэ джа́н тэ дыкхэ́н пал пиротэндэ (сиротэндэ) и пивлендэ (удовэндэ), ке́ли ёнэ пхарэ́с пиридживэна и тэ зракхэн пэс бидошакирэнца далэ́ свэто́стыр.

Apostolengiri Butý 26:20

а англэды́р манушэ́нгэ, савэ́ дживдэ́ кэ Дама́ско и кэ Ерусалимо, коригэды́р пир сари́ Юдэякири пхув и Наюдэ́нгэ мэ пхэнавас лав, соб (кай) ёнэ тэ рискирэ́н пэ́скиро джиибэ́н кэ Дэвэ́л и, соб (кай) лэ́нгиро рискирибэн тэ явэ́л мол пир лэ́нгирэ лачхэ́ рэ́нды.

Apostolengiri Butý 2:38

Пэ́три пхэндя́ лэ́нгэ: “Рискирэ́н пэ́скиро джиибэ́н кэ Дэвэ́л, мэк кажно ману́ш тумэ́ндыр тэ болэлпэ дро Исусо́скиро Христосо́скиро лав, соб (кай) тэ отмэкэнпэ тумарэ́ грэ́хи, и тумэ́нгэ явэ́ла отдыибэ́н Дэвлэ́стыр-Свэ́нто Ду́хо (Фа́но).

Заха́рия 8:16

Акэ, бутя́, савэ́ тумэ́ сан бангэ́ тэ кэрэ́н: пхэнэ́н чачипэ́н екх екхэ́скэ, пиро́ чачипэ́н и рама́нё (миро) сэндякирэн кэ по́рта тумари́.

Заха́рия 1:3

нэ ту пхэн лэ́нгэ: ‘Адя́кэ ракирэ́ла Рай Дэвэ́л янголэ́нгирэ-болыбна́скиро: рисён кэ Мэ’, – ракирэ́ла Рай Дэвэ́л янголэ́нгирэ-болыбна́скиро Дэвэ́л’, и Мэ рисёва́ва кэ тумэ́’, – ракирэ́ла Рай Дэвэ́л, янголэ́нгирэ-болыбна́скиро.

Софония 3:8

“Палдава́ ужакирэн Ман”, – ракирэ́ла Рай Дэвэ́л, – “кэ/ жы́ко дава́ дывэ́с, дро саво́ Мэ ява́ва тэ бангякирав. Миро припхэныбэ́н исын дасаво, соб (кай) тэ кэдав кхэтанэ́ кралипэна́ тэ вычхував пэ лэ́ндэ Мири́ холы́, сари́ Мири́ бари холын; пал-дова́ со Мирэ́-зэвлыныпнаскири яг похала сари́ пхув.

Avakumo 2:3

Пал-дова́ со дава́ дыкхибэ́н сыкавэ́ла пэ часо (цы́ро), саво́ ишчо (инкэ́) явэ́ла, нэ ёв явэ́ла тэ ракирэ́л пал ко́нцо (яго́ро), и ёв на явэ́ла тэ хохавэ́л. На дыкхи́ пэ дава́, со ёв зарикирэлапэ, ужакир лэс. Пал-дова́ со ёв явэ́ла, соб (кай) тэ на явэ́л, ёв на зарикирэлапэ (на отпарувэлапэ).

Amoso 5:24

нэ мэк чачуно́ сэ́ндо тэ чхувэлпэ сы́рбы паня́, и чачипэ́н сыр сы́гно рэ́кица (лэнори́).

Ioil 2:13

И рискирэ́н тумаро́ ило́, а на урибэ́н, рисён кэ Рай Дэвэ́л, тумаро́ Дэвэ́л, пал-дова́ со Ёв исын лачхэ́-де́скиро и бут исын ла́ска Лэ́стэ. Ёв ле́нтэс (насыгэс) холясо́ла, и Ёв исын лачхэ́-илы́тко; и Ёв тангинэла (жалинэла) анги́л дова́, сыр тэ кэрэ́л биба́хт.

Osija 10:12

Почхувэн дрэ пхув ваш пэ́скэ пир чачипэ́н; счхинэн тэлэ́ пир лачхэ́-илы́ткима, и ґаздэ́н тумари́ напочхуды фэ́лда; пал-дова́ со исын часо тэ родэ́н Рас-Дэвлэ́с анги́л дова́, сыр Ёв явэ́ла и почхувэла чачипна́са сыр брышындэса пэ тумэ́ндэ.

Osija 4:1

Шунэ́н лав, Ра́скирэ-Дэвлэ́скиро, чхавэ́ Израилёскирэ, пал-дова́ со Рай Дэвэ́л бангякирэла манушэ́н, кон дживэ́ла пэ доя́ пхув: ‘Нанэ патяибэ́н, нанэ лачхипэ́н, и нанэ джиныбэ́н пал Дэвлэ́стэ пэ кодоя пхув.

Ереме́ё 22:15

Ци ту думинэса тэ явэс крали́са пир дова́, со Ту учхакирдян пэс кедроса? Дад тыро́ хая и пия, и ци на кэрдя́ ёв чачуно́ сэ́ндо и саро́ пир чачипэ́н? И ваш дава́ сыс мишто́ лэ́скэ.

Isajos 58:6

Акэ, исын посто, саво́ Мэ выкэдыём: роспхагир хохаибнаскирэ састыра́, роспхандлэ шылэ, отмэк пэ во́ля пхандлэ манушэ́н, злэ пхарипэ́н лэ́ндыр.

Isajos 40:31

А одова́, конэ́стэ пэ Растэ-Дэвлэ́стэ исын наде́я, прилэ́на нэви́ зор, ґаздэ́на пхака́ (крылы), сыр киды (орлы), нашэ́на и на явэ́на кхинэ, праста́на и на кхинёна.

Isajos 31:6

Рисён кэ Одова́, Конэ́стыр тумэ́ отгинэ́ пэ́скэ, чхавэ́ Израилёскирэ!

Isajos 30:18

Палдава́ Рай Дэвэ́л ишчо (инкэ́) ничи́ на кэрэ́ла (ужакирэ́ла), соб (кай) Ёв тэ потангинэл тумэн, ужакирэ́ла, соб (кай) тэ тангинэ́л тумэн; Рай Дэвэ́л исын Дэвэ́л чачипна́скиро; бахталэ́ сарэ́, конэ́стэ исын наде́я пэ Лэ́стэ!

Isajos 8:17

Палдава́ мэ допатява Ра́скэ-Дэвлэ́скэ, Саво́ гарадя Пэ́скиро муй Яково́скирэ (Израилёскирэ) кхэрэ́стыр, мэ патя́ва Лэ́скэ.

Isajos 1:16

Выморэнпэ, явэ́н жужэ́; залэн тумарэ́ налачхэ́ рэ́нды Мирэ́ якхэ́ндыр; пириячэн тэ кэрэ́н чорипэ́н.

Pritčy 21:3

Тэ кэрэ́н чачипэ́н и чачуно́ сэ́ндо исын кучэдыр Ра́скэ-Дэвлэ́скэ сыр свэ́нта дыибэна́.

Pritčy 1:23

Рисён мо́са кэ мэ, ке́ли мэ бангякирава холямэс тумэн: акэ, мэ выпхурдава миро ду́хо (фа́но) пэ тумэ́ндэ, мэ кэра́ва адя́кэ, соб (кай) тумэ́ тэ джинэ́н мирэ́ лава́.

Psalmy 123:2

Ѓа́да, сыр писхарискирэ якха́ дыкхэ́на пэ лэ́скирэ-ра́скиро васт, сыр писхарицакирэ якха́ дыкхэ́на пэ ла́кирэ-ранякиро васт, адя́кэ-паць амарэ́ якха́ ужакирэ́на Рас-Дэвлэ́с, амарэ́ Дэвлэ́с, пака Ёв потангинэла амэн.

Psalmy 37:7

Яв штыл (споко́йно) анги́л Растэ-Дэвлэ́стэ, ужакир, пака Рай Дэвэ́л затэрдёла, на холясов зоралэ́с пэ одолэ́стэ, савэ́скэ исын мишто́ тэ дживэ́л, и пэ одолэ́стэ, кон думинэ́ла тэ кэрэ́л фуипэ́н.

Psalmy 27:14

Рикирэ́н наде́я пэ Растэ-Дэвлэ́стэ, явэ́н муршканэ́ и Ёв зорьякирэла Тумаро ило́; чачо́, рикирэ́н наде́я пэ Растэ-Дэвлэ́стэ.

Džiibén 49:18

Пэ тыро́ подрикирибэ́н (помошч) мэ розгинава, Раё Дэ́вла!

Езэкилё 18:30

Палдава́ Мэ ява́ва тэ сэндякирав тумэн, Израилёскиро кхэр, кажнонэс (сваконэс) пир лэ́скирэ дрома́, – ракирэ́ла Рай Дэвэ́л, Дэвэ́л; ячкирэн пэ́скирэ грэ́хи, рисён кокорэ́ сарэ́ тумарэ́ чорэ́ рэндэ́ндыр, соб (кай) тэ на пэрэ́н тумэ́нгэ тумарэ́ чорипна́стыр.

Ioil 2:12

“Палдава́ акана́”, – ракирэ́ла Рай Дэвэ́л, – “рисён кэ Мэ сарэ́ тумарэ́ илэ́стыр постоса, ровибнаса и тугаса?”

Vygiiben 3:15

И пхэндя́ ишчо (инкэ́) Дэвэ́л Мойза́скэ: “Адя́кэ пхэн Израилёскирэ чхавэ́нгэ: ‘Рай Дэвэ́л (Яхва́), Дэвэ́л тумарэ́ дадэ́нгиро, Авраамо́скиро Дэвэ́л, Исаакоскиро Дэвэ́л и Яково́скиро Дэвэ́л, бичхадя́ ман кэ тумэ́.’ Ѓа́да, Миро лав пэ ве́ко, рипирибэ́н пал Ма́ндэ исын родо́стыр дро ро́до.

Amoso 4:13

Палдава́, акэ, Ёв, Кон выкэрдя бэ́рги, Кон создыя́ балва́л, Кон дэ́ла звесь (зан) манушэ́скэ, пал со ёв думинэ́ла, Кон кэрэ́ла адя́кэ, со зло́ко (ра́нко) парудёла пэ калыпэ́н яври́, и Кон штавэла (стэмпинэла) пир вучэ́ штэ́ты пэ пхув, – Рай Дэвэ́л, янголэ́нгирэ-болыбна́скиро Дэвэ́л, исын Лэ́скиро лав.’