Osija 12:13 - Библия - Пэ Балтитко Романи чиб (Романэс) 2019

¹³ О Рай Дэвэ́л вылыджия́ (яндя́) Израилё Египто́стыр пир пророкостэ, и Ёв приракхця лэс пир пророкостэ.

Biblija - Pe Baltitko Romani čib (Romanes) 2019

¹³ O Raj Devél vylydžijá (jandiá) Izrailjo Jegiptóstyr pir prorokoste, i Jov prirakhcia les pir prorokoste.

Osija 12:13 Referans Kwoze

Psalmy 77:20

Тыро́ дром сыс пир мо́рё (дэрья́в) и Ту пиригиян барэ́ паня́ и Тырэ́ шпэры (сляды) на джиндлэ́.

Mihiejo 6:4

Пал-дова́ со Мэ вылыджиём тумэн Египто́скирэ пхувья́тыр, Мэ выракхцём тумэн писхарьенгирэ састырэндыр; и Мэ бичхадём анги́л тумэ́ндэ Мойза́с, Аронос и Мириам.

Vygiiben 13:3

И пхэндя́ Мо́йза манушэ́нгэ: “Рипирэн дава́ дывэ́с, дрэ саво́ выгинэ́ тумэ́ Египто́стыр, писхарьенгирэ кхэрэ́стыр, пал-дова́ со зоралэ́ вастэ́са вылыджия́ тумэн Рай Дэвэ́л одотхы́р, и на хан квашэно;

1 Kralip 12:8

Ке́ли явдя́ Яково дро Еги́пто, и дада́ тумарэ́ задынэ го́дла кэ Рай Дэвэ́л, тэды Рай Дэвэ́л бичхадя́ Мойза́с и Аароно́с, и ёнэ вылыджинэ́ тумарэ́ дадэн Египто́стыр и чхудэ́ лэн тэ бэшэ́н пэ дава́ штэ́то.

Vygiiben 14:19

И гия́ Ра́скирэ-Дэвлэ́скиро Янго́ло, саво́ гия́ анги́л Израильтянэнгиро ста́но, и гия́ пала́л пал лэ́ндэ; гия́ и облокоскиро сты́лбо лэ́нгирэ мо́стыр, и тэрдия́ пала́л пал лэ́ндэ;

Čysly 12:8

уштэ́нца кэ ушта́ Мэ ракира́ва лэ́са, и дыкхно (бицялэс), а на дро цямло пхэныбэ́н, и патри́н (о́бразо) Ра́скирэ-Дэвлэ́скири ёв дыкхэ́ла; сыр тумэ́ на дара́ндынэ тэ выракирэн Мирэ́ писхари́скэ Мойза́скэ?”

Osija 2:15

И Мэ да́ва ла́кэ винаграды́тка барья одотхы́р и до́ло Ахороскиро, сыр вуда́р тэ ужакирэл лачхипэ́н. Одо́й ёй явэ́ла тэ багал, сыр дрэ дывэса́ ла́кирэ тэрныпнаскирэ, и сыр дро дывэ́с, ке́ли ёй гия́ криг Египто́скирэ пхувья́тыр.

Osija 11:1

Пэ зло́ко (пэ ра́нко) кра́ли Израилёскиро хасёла! ‘Сыр Израилё сыс бия́то, ёв яця́ дро́го Ма́нгэ, и Мэ кхардём Мирэ́ чхавэ́с Египто́стыр.

Džiibén 28:2

Ушты́, джа́ дрэ Месопотамия, дро Вафуилоскиро кхэр, тырэ́-да́киро дад, и лэ одотхы́р пэ́скэ ромня́, Лаваноскирэ чхаендыр, тырэ́-да́кирэ пшалэстыр;

Džiibén 29:20

Яково дынариндя́ пал Рахилятэ эфта́ бэрш; нэ ёнэ сыкадынэ лэ́скэ пал вари-кицы́ дывэса́, пал-дова́ со лэ́скэ сыс пир ило́ ёй.

Яви́р Зако́но 26:5

Ту отпхэн и пхэн анги́л Растэ-Дэвлэ́стэ, Дэвлэ́стэ тырэстэ: ‘Дад миро сыс Арамеянино, саво́ лодыя, и гия́ дро Еги́пто и лыя́ тэ дживэ́л одо́й набутэ манушэ́нца, и выгинэ́ одо́й лэ́стыр барэ́ мануша́, зоралэ́ и бут;