Osija 12:11 - Библия - Пэ Балтитко Романи чиб (Романэс) 2019

¹¹ На дыкхи́ пэ дова́, со Галаа́до кэрэ́ла намиштэс (и́долы) сыр Авено, и лэ́скирэ мануша́ ячэ́напэ (кончынэна) нисоса, на дыкхи́ пэ дава́, со ёнэ янэ́на гурувэ́н сыр свэ́нто дыибэ́н дро Гилгало, нэ лэ́нгирэ алтарьендыр явэ́на руи́ны машки́р лесьни фэлдэнгирэ.

Biblija - Pe Baltitko Romani čib (Romanes) 2019

¹¹ Na dykhí pe dová, so Galaádo keréla namištes (ídoly) syr Avieno, i léskire manušá jačénape (končynena) nisosa, na dykhí pe davá, so jone janéna guruvén syr svénto dyibén dro Gilgalo, ne léngire altar'jendyr javéna ruíny maškír lies'ni feldengire.

Osija 12:11 Referans Kwoze

Osija 8:11

Пал-дова́ со Ефреимо кэрдя́ бут алта́ри (жэртвеники) ваш грэ́хо, ёнэ ячнэ́ ваш лэ́скэ сыр алта́ри тэ кэрэ́н грэ́хи.

Osija 6:8

Галаа́до исын фо́ро, дро саво́ дживэ́на бибахталэ́, и ёв исын магирдо́ ратэ́са.

Osija 4:15

На дыкхи́ пэ дава́, со тумэ́, Израилёскирэ мануша́лэ, кэрэ́на биладжаипэ́н, хоць бы тэ на кэрэ́н чорипэ́н Юда́скирэ мануша́. Соб (кай) ёнэ тэ на джа́н пэ Галга́ло, и тэ на ґаздэ́нпэ пэ Бер-Авен, и соб (кай) ёнэ тэ на совлахан: ‘Тэ явэ́л джидо́ Рай Дэвэ́л’

Osija 9:15

Рай Дэвэ́л ракирэ́ла: ‘Саро́ лэ́нгиро фуипэ́н исын дро Галга́ло, пал-дова́ со одо́й Мэ лыём зоралэ́с тэ на вырикирав лэн: пир дова́ фуипэ́н, со ёнэ кэрдэ́, Мэ традава криг лэн Мирэ́ кхэрэ́стыр, Мэ на ява́ва буты́р тэ прилав лэн. Лэ́нгирэ сарэ́ тхага́рья (кня́зи) бунтынэна.

Osija 10:1

Израилё исын пышно винаграды́тко кашторо, саво́ бутэды́р янэ́ла му́ри пэ́скэ. Со бутэды́р ёв дэ́ла му́ри, то бутэды́р ёв кэрэ́ла алта́ри; со фэдэды́р ячэ́лапэ лэ́скири пхув, то ёнэ бутэды́р гожакирэна (шукарьякирэна) сты́лбы вычхудэ́ муенца / патренца (образэнца).

Jona 2:8

Ке́ли миро ди замыя́ дро ма́ндэ, мэ пририпирдём Рас-Дэвлэ́с, и миро мангипэ́н гия́ упрэ́ кэ Ту, дрэ Тыри́ Свэ́нто Кхангири́.

Amoso 5:5

На родэ́н Вефиль, и на заджа́н дро Галга́ло и на псирэ́н кэ Вирса́вия (Бершэба), пал-дова́ со Гилгалоскирэ мануша́ джа́на дро пле́но, а Вефилятор нисо́ на ячэ́лапэ.”

Amoso 4:4

“Явэ́н дрэ Вефиль, и кэрэ́н грэ́хи, а дро Гилгало кэрэ́н бутэды́р бутэдырьякирэн чорипэна; янэ́н пэ́скирэ свэ́нта дыибэна́ кажно зло́ко (ра́нко), тумарэ́ дэшэнгирья кажна трин дывэса́,

Ереме́ё 10:15

Саро́ дава́ исын чхучипэн (пустота), буты́ пэ сабэн, ёнэ хасёна, ке́ли Рай Дэвэ́л явэ́ла тэ сэндякирэ́л.

Ереме́ё 10:8

Ёнэ исын со кэ екх бигодякирэ и дылынинька, лэ́нгиро сыклякирибэ́н исын чхучо́, соб (кай) тэ дэн паты́в каштэнгэ.

Ереме́ё 2:28

Нэ кай исын тумарэ́ дэвлорэ́, со тумэ́ кэрдэ́ ваш пэ́скэ? Мэк ёнэ тэ уштэ́н, и мэк ёнэ тэ зракхэн тумэн, сыр исын пхаро́ тумэ́нгэ! Пал-дова́ со ту́тэ, Юдэ́я, исын ада́кицы дэвлорэ́, кицы́ исын фо́рья!

Ереме́ё 2:20

‘Пал-дова́ со Мэ ґара́ пхагирдём ґа́мо тырэ́ мэнятыр, Мэ роскусцём Тырэ́ пэнты, и ту пхэндя́н: ‘Мэ на ява́ва тэ кэра́в чорипэ́н: нэ ту тэл кажно бэ́ргица и тэл кажно зэлэно дрэ́во ту дэ́са паты́в идолэ́нгэ, сы́рбы налачхи джувлы́.

3 Kralip 17:1

И пхэндя́ Или́я Фесвитянино, екх манушэ́ндыр, савэ́ дживдэ́ кэ Галаа́до, Ахавоскэ: “Тэ явэ́л джидо́ Рай Дэвэ́л, Дэвэ́л Изра-илёскиро, анги́л Савэ́стэ мэ сом тэрдо́! Дрэ далэ́ бэрша́ на явэ́ла ни пахлын (роса), ни брышы́нд, ко́ли фэ́ни (то́ка) явэ́ла пир миро лав”

Osija 10:2

Лэ́нгиро ило́ росчхудо пэ паш, акана́ Рай Дэвэ́л пхагирэ́ла тэлэ́ лэ́нгирэ алта́ри (жэ́ртва), Ёв пхагирэ́ла пэ котэра́ лэ́нгирэ сты́лбы вычхудэ́ муенца / патренца (образэнца).

Čysly 12:6

И пхэндя́: “Шунэ́н Мирэ́ лава́: ко́ли тэ явэ́л тумэ́ндэ Ра́скирэ-Дэвлэ́скиро проро́ко, тэды Мэ отчхакиравапэ лэ́скэ дрэ дыкхибэ́н, и дро суно́ Мэ ракиравас лэ́са;

4 Kralip 17:13

Тэды Рай Дэвэ́л пирда́л сарэ́ Пэ́скирэ пророкэ́ндэ, пирда́л кажнонэ́стэ, приракхэлас Израилё и Юдас, ракири́: “Рисён тумарэ́ фуе́ дромэндыр, и ракхэ́н Мирэ́ припхэныбэна́, упхэныбэна́ Мирэ́, пир саро́ сыкляибэн, саво́ Мэ припхэндём дадэ́нгэ тумарэнгэ, и саво́ Мэ дыём тумэ́нгэ пирда́л Мирэ́ пророкэ́ндэ.”

Езэкилё 17:2

“Манушэ́скиро чхава! Дэ, соб (кай) ёнэ шэрэ́ тэ пхагирэн и пхэн притча Израилёскирэ кхэрэ́скэ.