Osija 12:10 - Библия - Пэ Балтитко Романи чиб (Романэс) 2019

¹⁰ Мэ ракирдём пророкэнгэ, Мэ прибарьякирдём дыкхибэна сыр сунэ́ ваш тумэ́нгэ: Мэ дыём бут годэ́-пхэныбны́тка (притчы) пир пророкэ́ндэ.

Biblija - Pe Baltitko Romani čib (Romanes) 2019

¹⁰ Me rakirdjom prorokenge, Me pribarjakirdjom dykhibena syr suné vaš tuménge: Me dyjom but godé-phenybnýtka (pritčy) pir prorokénde.

Osija 12:10 Referans Kwoze

4 Kralip 17:13

Тэды Рай Дэвэ́л пирда́л сарэ́ Пэ́скирэ пророкэ́ндэ, пирда́л кажнонэ́стэ, приракхэлас Израилё и Юдас, ракири́: “Рисён тумарэ́ фуе́ дромэндыр, и ракхэ́н Мирэ́ припхэныбэна́, упхэныбэна́ Мирэ́, пир саро́ сыкляибэн, саво́ Мэ припхэндём дадэ́нгэ тумарэнгэ, и саво́ Мэ дыём тумэ́нгэ пирда́л Мирэ́ пророкэ́ндэ.”

Езэкилё 20:49

Тэ́ньци мэ пхэндём: “О, Раё Дэ́вла, Дэ́вла! Ёнэ ракирэ́на пэ ма́ндэ: “На ракирэ́ла, хай, Ёв приме́ро (притча).”

Ioil 2:28

И пало́ (после) дава́ явэ́ла адя́кэ, со Мэ да́ва пхэрдэ́с Миро Ду́хо кажнонэ́ лочакэ (плотякэ); тумарэ́ чхавэ́ и тумарэ́ чхая́ явэ́на тэ ангилпхэнэн, тумарэ́ пхуранэ́ мануша́ явэ́на тэ дыкхэ́н сунэ́, и тумарэ́ тэрнэ́ мануша́ явэ́на тэ дыкхэ́н дыкхибэна.

Ереме́ё 19:1

Адя́кэ пхэндя́ Рай Дэвэ́л ма́нгэ, Еремеёскэ: “Джа́ и кин кхоро́ ґлэятыр, и лэ пэ́са манушэ́нгирэ пхурыдырэн и пхурыдырэ раша́н,

Ереме́ё 7:25

Далэ́ дывэсэ́стыр сыр тумарэ́ дада́ выгинэ́ Египто́скирэ пхувья́тыр кэ ададывэ́с, Мэ бичхававас кэ тумэ́ сарэ́ Мирэ́ писхарье́н, Мирэ́ пророкэ́н, Мэ бичхававас лэн кажно дывэ́с тася́рлэс (ра́нэс) пэ ра́нко;

2 Коринфянэнгэ 12:7

Соб (кай) ма́нгэ тэ на пхутёвав дивоскирэ дыкхибнаса, ма́нгэ исын дыны́ пхусады́ буст (колючка) дрэ лоч сы́рбы дына́ри (слу́га) налачхэ́стыр, соб (кай) ёв тэ мэнчынэл ман ваш дова́, соб (кай) ма́нгэ тэ на пхутёвав.

2 Коринфянэнгэ 12:1

Ѓа́да, нанэ ни сави́ льго́та ма́нгэ тэ шаравпэ. Нэ мэ роспхэнава пал дыкхибэна и сыкадыипэна ма́нгэ Ра́стыр-Дэвлэ́стыр.

Apostolengiri Butý 2:17

“И дрэ палатунэ́ (последня) дывэса́, – ракирэ́ла Дэвэ́л, – Мэ чхува́ва Миро Ду́хо (Фа́но) пэ кажно лоч (плоть), тумарэ́ чхавэ́ и чхая́ явэ́на тэ ангилпхэнэн и тэрнэ́ мануша́ явэ́на тэ дыкхэ́н дова́, со Дэвэ́л дэ́ла лэ́нгэ, а пхурэ́ мануша́ явэ́на тэ дыкхэ́н сунэ́;

Amoso 7:14

Тэ́ньци Амасо отпхэндя́, и пхэндя́ Амасияскэ: “Мэ на со́мас проро́ко, и мэ на сом чхаво́ пророкоскиро. Нэ мэ со́мас чхупна́ри (пастухо) пэ стада, и мэ кэдыём му́ри пэ сикоморитка кашта́.

Osija 3:1

И пхэндя́ Рай Дэвэ́л ма́нгэ: “Джа́ нэвэ́стыр, кам джувля́, сави́ исын камлы (пирамни) ромны́ ромэстэ, нэ сави́ камэ́ла и явирэ муршэ́н. Нэ ту кам ла, адя́кэ-паць, сыр Рай Дэвэ́л сыкавэ́ла ла́ска чхаворэнгэ Израилёскирэнгэ, савэ́ дыкхэ́на пал явирэ дэвлорэндэ и выкэдэна марикля зюмоса, со пэкэна лэ́нгэ Наюды́тка на́цыи.

Ереме́ё 25:4

И бичхавэлас Рай Дэвэ́л тумэ́нгэ сарэ́ Лэ́скирэ дынарье́н-пророкэ́н, пэ зло́ко (пэ ра́нко) бичхавэлас Ёв, нэ тумэ́ на шундлэ́, и тумэ́ на причхудэ кан тэ шунэ́н.

Ереме́ё 19:10

И ту пхагирэса кхоро́ анги́л манушэ́нгирэ якха́, савэ́ явэ́на ту́са,

Ниеми́я 9:30

Ужакири лэ́нгиро рисибэн кэ Ту, Ту учхакирдян бут бэ́рги и пририпирэсас лэ́нгэ Пэ́скирэ Духо́са пир пророкэ́ндэ, нэ ёнэ на шундлэ́. И ту пиридыян лэн тэ васта́ явирэ народэнгэ.

3 Kralip 19:10

Ёв пхэндя́: “Захачиём мэ пал Растэ-Дэвлэ́стэ пал болыбна́скирэ-янголэнгирэстэ; пал-дова́ со чхавэ́ Израилёскирэ мэкнэ́ Тыро́ заве́то, алта́ри Тырэ́ роспхагирдэ́ и замардэ́ Тырэ́ пророкэ́н куртала́са; и мэ яцёмпэ екхджино́, нэ ёнэ родэ́на тэ отлэн миро джиибэ́н.”

3 Kralip 17:1

И пхэндя́ Или́я Фесвитянино, екх манушэ́ндыр, савэ́ дживдэ́ кэ Галаа́до, Ахавоскэ: “Тэ явэ́л джидо́ Рай Дэвэ́л, Дэвэ́л Изра-илёскиро, анги́л Савэ́стэ мэ сом тэрдо́! Дрэ далэ́ бэрша́ на явэ́ла ни пахлын (роса), ни брышы́нд, ко́ли фэ́ни (то́ка) явэ́ла пир миро лав”

3 Kralip 13:1

И, ґа́да, Дэвлэ́скиро ману́ш явдя́ Юдэя́тыр пир Ра́скирэ-Дэвлэ́скиро лав дро Вефи́лё, дрэ дова́ часо, сыр Еровоа́мо сыс тэрдо́ пашы́л алта́рё, соб (кай) тэ хачкирэл дро́га смо́лы.

Čysly 12:6

И пхэндя́: “Шунэ́н Мирэ́ лава́: ко́ли тэ явэ́л тумэ́ндэ Ра́скирэ-Дэвлэ́скиро проро́ко, тэды Мэ отчхакиравапэ лэ́скэ дрэ дыкхибэ́н, и дро суно́ Мэ ракиравас лэ́са;

Езэкилё 17:2

“Манушэ́скиро чхава! Дэ, соб (кай) ёнэ шэрэ́ тэ пхагирэн и пхэн притча Израилёскирэ кхэрэ́скэ.

Vygiiben 20:2

“Мэ сом Рай Дэвэ́л, тыро́ Дэвэ́л, Саво́ вылыджия́ тут Египто́скирэ пхувья́тыр, писхарибнаскирэ кхэрэ́стыр;

Левито 23:42

И явэ́на тумэ́ тэ дживэ́н эфта́ дывэса́ дрэ буды; кажно пэ́скиро ману́ш, Израильтянино исын банго́ тэ дживэ́л дрэ буды,

Osija 13:4

Нэ Мэ сом Рай-Дэвэ́л, тыро́ Дэвэ́л Египто́скирэ пхувья́тыр, ту́кэ на трэй тэ джинэ́с явирэ дэвлорэн апри́ч Ма́ндэ: пал-дова́ со нанэ ние́кх апри́ч Ма́ндэ, Саво́ зракхэ́ла.