Osija 11:7 - Библия - Пэ Балтитко Романи чиб (Романэс) 2019

⁷ Мирэ́ мануша́ бандинэ, соб (кай) тэ дурьён криг Ма́ндыр. На дыкхи́ пэ дова́, со ёнэ кхарна Ман тэ помогинав, Най Вучэдыронэс, ние́кх лэ́ндыр на барьякирэ́ла Лэс.

Biblija - Pe Baltitko Romani čib (Romanes) 2019

⁷ Miré manušá bandine, sob (kaj) te durjon krig Mándyr. Na dykhí pe dová, so jone kharna Man te pomoginav, Naj Vučedyrones, nijékh léndyr na barjakiréla Les.

Osija 11:7 Referans Kwoze

Ереме́ё 8:5

Со́скэ кадалэ́ Мирэ́ мануша́ Ерусалимо́стыр пэрэ́на буты́р [отджана-р.с.] и зоралэды́р чачипнастыр? Ёнэ рикирэнапэ зоралэ́с кэ хохаибэ́н, ёнэ на камэ́на тэ рисён.

Osija 14:4

Асуро (Асирия) буты́р на явэ́ла тэ ракхэ́л амэн, амэ на ява́са тэ традас уклистэ́, и амэ на ява́са буты́р тэ ракирас пэ буты́ амарэ́ вастэнгири: ‘Тумэ́ сан амарэ́ дэвэла́’; пал-дова́ со и пироты (бидадэнгирэ чхаворэ́) латхэ́на ла́ска Ту́тэ.”

Osija 11:2

Ёнэ, Мирэ́ проро́ки, кхардэ́ лэс, нэ ёв дурия лэ́ндыр. Лэ́скирэ мануша́ янэ́нас Ваалоскэ свэ́нта дыибэна́, и тхувалякирдэ дрогонэ́ смолэнца вычхиндлэ́ муенгэ барэстыр.

Osija 7:16

Ёнэ рисинэ́ палэ, нэ на кэ Са́мо Барыдыр; ёнэ исын сыр дошвало лу́ко. Лэ́нгирэ тхага́рья пэрэ́на куртала́тыр пал пэ́скири чиб, со ракирдя́ холямипэн (дерзости). Пэ пхув Египто́скири лэ́ндыр явэ́на тэ санпэ.

Ереме́ё 3:11

Тэ́ньци пхэндя́ Рай Дэвэ́л ма́нгэ, Еремеёскэ: “Израиле, саво́ отгия́ патяибнастыр, сыкадя́ пэс чачунэдыр, сыр здыибнаскири Юдэ́я.

Pritčy 14:14

Бэдэ-илэ́скиро ману́ш чалёла пэ́скирэ фуе́ бутендыр, нэ лачхо́ ману́ш явэ́ла чало пэскирэндыр.

Psalmy 81:11

Мэ сом Рай Дэвэ́л, Тыро́ Дэвэ́л, Саво́ вылыджия́ тут Египто́скирэ пхувья́тыр: отпхандэ буґлэс Тыро́ муй и Мэ пхэрдякирава лэс.

Osija 4:16

Палдава́ Израилёскирэ мануша́ исын пхарэ́-шэри́тка (нарта) сы́рбы пхарэ́-шэри́тко рэ́ца (тёлка) исын; акана́ сыр дава́, Мэ, Рай Дэвэ́л, ява́ва тэ чаравав лэн сы́рбы бакрорэс пэ бари фэ́лда.

Ереме́ё 14:7

‘Раё Дэ́вла! Мэк амаро́ чорипэ́н тэ допхэнэл пэ амэ́ндэ, кэр вари-со Тырэ́ лавэ́стыр; пал-дова́ со амэ бут отпыям Ту́тыр – амэ кэрдя́м грэ́хи проти Ту́тэ.

Isajos 26:10

Ко́ли грэхитконэ́ манушэ́с потангинэна, тэ́ньчи на ґалёла ёв чачипэ́н: ёв явэ́ла тэ кэрэ́л накуч дурэды́р пэ пхув патывалэнгири и на подыкхэла пэ Ра́скирэ-Дэвлэ́скиро барипэ́н.

Ереме́ё 2:19

Фуипэ́н, со ту кэрдя́н, пирисыклякирэла тут, и тыро́ отпхэныбэ́н Ма́ндыр бангякирэла тут: палдава́ джа́ и дыкх, сыр кирко и биба́хт ту́кэ, со ту ячкирдян Ман, Рас-Дэвлэ́с, и со ту́тэ нанэ дар анги́л Ма́ндэ”, – пхэндя́ Рай Дэвэ́л, Рай Дэвэ́л болыбна́скирэ-янголэ́нгиро.

Ереме́ё 7:25

Далэ́ дывэсэ́стыр сыр тумарэ́ дада́ выгинэ́ Египто́скирэ пхувья́тыр кэ ададывэ́с, Мэ бичхававас кэ тумэ́ сарэ́ Мирэ́ писхарье́н, Мирэ́ пророкэ́н, Мэ бичхававас лэн кажно дывэ́с тася́рлэс (ра́нэс) пэ ра́нко;

Ереме́ё 7:26

нэ ёнэ на кандынэ́ Ман, и ёнэ на причхудэ кан тэ шунэ́н, нэ ёнэ пхарьякирдэ пэ́скирэ мэня. Ёнэ кэрдэ́ фуеды́р пэ́скирэ дадэндыр.