Osija 11:5 - Библия - Пэ Балтитко Романи чиб (Романэс) 2019

⁵ Ёв на рисёла палэ пэ пхув Египто́скири, нэ Асуро (Асириятыр) явэ́ла кра́ли лэ́нгэ: пал-дова́ со ёнэ отпхэндлэпэ тэ рисён кэ Мэ.

Biblija - Pe Baltitko Romani čib (Romanes) 2019

⁵ Jov na risjola pale pe phuv Jegiptóskiri, ne Asuro (Asirijatyr) javéla králi lénge: pal-dová so jone otphendlepe te risjon ke Me.

Osija 11:5 Referans Kwoze

Osija 7:16

Ёнэ рисинэ́ палэ, нэ на кэ Са́мо Барыдыр; ёнэ исын сыр дошвало лу́ко. Лэ́нгирэ тхага́рья пэрэ́на куртала́тыр пал пэ́скири чиб, со ракирдя́ холямипэн (дерзости). Пэ пхув Египто́скири лэ́ндыр явэ́на тэ санпэ.

Osija 8:13

Ёнэ янэ́на джидо́ мас сыр свэ́нто дыибэ́н Ма́нгэ, и ёнэ ха́на лэс, нэ Мэ, Рай-Дэвэ́л, на прилава лэн.’ Акана́ Мэ ява́ва тэ рипирав лэ́нгиро чорипэ́н и тэ сэндякирэ́л лэн пал лэ́нгирэ грэ́хи: ёнэ рисёна палэ кэ Еги́пто.

Osija 10:6

Кадава́ идоло кокоро́ явэ́ла лыджино кэ Асирия, сыр да́ро крали́скэ Иаревоскэ (Яревоскэ); нэ Ефремос обухтылэла ладж, и Израилё явэ́ла ладжакирдо́ годэ́ лавэ́стыр, пал саво́ ёнэ гинэ́.

Osija 9:3

Ёнэ на явэ́на тэ дживэ́н пэ пхув Ра́скирэ-Дэвлэ́скири, а Ефре́мо рисёла палэ кэ Еги́пто, и ёнэ явэ́на тэ хан нажужэ́ хабэна дрэ Асирия.

Amoso 5:27

Палдава́ Мэ бичхава́ва тумэн дро пле́но пал Дама́ско”, – ракирэ́ла Рай Дэвэ́л, Кон кхарэ́лапэ янголэ́нгирэ-болыбна́скиро Дэвэ́л.

Amoso 4:6

“И Мэ дыём адя́кэ-паць тумэ́нгэ нангэ данда́, би хабнаскиро дрэ сарэ́ тумарэ́ фо́рья, и на явэ́ла тэ ухтылэл маро́ пэ сарэ́ тумарэ́ штэ́ты, нэ тумэ́ на рисинэ́ кэ Мэ”, – ракирэ́ла Рай Дэвэ́л.

Osija 9:6

Пал-дова́ со, акэ, ёнэ джа́на криг, сыр явэ́ла хасибэ́н. О Еги́пто кэдэла лэн кхэтанэ́; О Мемфисо явэ́ла тэ гаравэл лэн. Цукнуда (стрекава) лэ́ла лофо пэ лэ́нгирэ рупувэ́ барвалыпэна (кучипэна); а пхусадытка хру́сты явэ́на дрэ лэ́нгирэ ша́тры.

Osija 6:1

Дрэ смэнтныма пэ́скири ёнэ пэ зло́ко (ра́нко) явэ́на тэ родэ́н Ман и тэ ракирэ́н: ‘Явэ́н, и рисёваса амэ кэ Рай Дэвэ́л: пал-дова́ со Ёв дукхадя, и Ёв састякирэла амэн; Ёв пэкадя́ амэн, и Ёв пирипхандэла амарэ́ фра́нсы (раны).

Osija 5:13

Ке́ли Ефре́мо дыкхця́ пэ́скири дукх, и Юда дыкхця́ пэ́скиро фра́нсо (рана), тэды гия́ Ефре́мо кэ Асуро, и бичхадя́ пал крали́стэ Иаревостэ (Яревостэ), нэ ёв на дэ́ла ра́да тэ састякирэл тумэн, ци тэ драбакирэл тумэн тумарэ́ рискирдэ́ франсостыр (ранатыр).

4 Kralip 15:29

Дрэ дывэса́ Факеёскирэ, Израилёскирэ-крали́скирэ, явдя́ Феглафеласаро, Асирия́киро кра́ли, и лыя́ Ионо, и Асоро, и Галаа́до, и Галиле́я, сари́ пхув Нефалимоскири, и пирилыджия лэн тэ дживэ́н дрэ Асирия.

4 Kralip 15:19

Тэды явдя́ о Фуло [Пул-ю.о.], Асирия́киро (Арамейцэнгиро) кра́ли, пэ Израилёскири пхув. И дыя́ Менаимо Фулоскэ тысёнцо шэ́кели руп, соб (кай) васта́ лэ́скирэ тэ явэ́н сыс пал лэ́стэ, и соб (кай) тэ кэрэ́л зоралэды́р кралипэ́н дрэ лэ́скиро васт.

Яви́р Зако́но 17:16

Екх, соб (кай) ёв тэ на убарьякирэл (тэ на розлыджал) пэ́скэ бут грэн, и тэ на рискирэ́л манушэ́н дро Еги́пто ваш дова́, соб (кай) тэ убарьякирэл пэ́скэ буты́р грэн, пал-дова́ со Рай Дэвэ́л пхэндя́ тумэ́нгэ: “На рисён буты́р далэ́ дромэ́са”;

Amoso 4:11

“Мэ рававас тэлэ́ тумарэ́ фо́рья, сыр Мэ, тумаро́ Дэвэ́л, радём тэлэ́ Содо́мо и Гомо́ра, и тумэн сыр ґломня выухтылэн ягатыр, со хачия, нэ тумэ́ усае́кх на рисинэ́ кэ Мэ”, – ракирэ́ла Рай Дэвэ́л.