Osija 11:12 - Библия - Пэ Балтитко Романи чиб (Романэс) 2019

¹² Ефре́мо обчхудя́ Ман хохаибнаса, и кхэр Израилёскиро фрэнтымаса. Нэ Юда дурэды́р псирэлас Дэвлэ́скирэ дромэ́са и сыс патяибнытконэ свэнтонэнца.

Biblija - Pe Baltitko Romani čib (Romanes) 2019

¹² Jefriémo občhudiá Man xohaibnasa, i kher Izrailjoskiro frentymasa. Ne Juda duredýr psirelas Devléskire dromésa i sys patiaibnytkone sventonenca.

Osija 11:12 Referans Kwoze

Sykadyipén 3:21

Одолэ́с, кон лэ́ла упралыпэ́н, Мэ бэшлякирава лэс тэ бэшэ́л Ма́нца пэ троно, сыр и Мэ, ке́ли Мэ лыём упралыпэ́н и бэсцём Мирэ́ Дадэ́са пэ Лэ́скиро троно.

Osija 12:7

Мэндро исын Хананеянино, савэ́стэ исын хоханэ́ ублады́тка (весы) дро лэ́скиро васт, лэ́скэ исын пир ило́ тэ притасавэл (тэ дукхавэл).

Isajos 44:20

Ёв ха́ла, хохавэлапэ, хохадо ило́ лыджа́ла явирэ дромэ́са лэс; и нисыр ёв на вырискирэла пэ́скиро ило́, на пхэнэ́ла: “Ци нанэ хохаибэ́н дро Миро чачо́ васт?”

Sykadyipén 5:10

И Ту кэрдя́н лэ́ндыр раша́нгиро Кралипэ́н, савэ́ явэ́на тэ кралинэн пэ пхув.”

Sykadyipén 1:6

Саво́ создыя́ амэ́ндыр раша́нгиро Кралипэ́н тэ дынаринэ́л Лэ́скирэ Дэвлэ́скэ и Дадэ́скэ, мэк сла́ва и зоралыпэ́н тэ явэ́л пэ сарэ́ ве́ки. Ами́нь.

1 Коринфянэнгэ 6:2

Ци тумэ́ на джинэ́на, со свэ́нта явэ́на тэ сэндинэ́н саро́ свэ́то? Ко́ли тумэ́нгэ тэ сэндинэ́н свэ́то, тэды со ж тумэ́ на сан мол, соб (кай) тэ сэндинэ́н набарэ́ рэндорэ́ (де́лыцы)?

Mihiejo 6:12

Барвалэ́ мануша́ далэ́ форо́стыр исын древа́н начачунэ [нахрата-ю.о.], и кодолэ́ сарэ́, кон дживэ́ла дро дава́ фо́ро, хохавэнас, и чиб лэ́нгири исын хоханы дро лэ́нгирэ ушта́.

Isajos 29:13

И пхэндя́ Рай Дэвэ́л: “Палдова́ со дава́ народо джа́ла кэ Мэ пэ́скирэ уштэ́нца и шарэла Ман пэ́скирэ чиба́са, нэ ило́ лэ́скиро дур отгия́ Ма́ндыр, и дова́, со ёнэ ґаздэ́на Ма́нгэ паты́в дрэ дар долэса, со сыклякирэ́на манушэ́нгирэ упхэныбэна́,

Psalmy 78:36

Ёнэ шарэнас Лэс на илэ́стыр пэ́скирэ муенца, и лэ́нгирэ чиба́ хохавэнас Лэ́скэ,

Džiibén 32:28

И пхэндя́: “Акана́ лав ту́кэ явэ́ла на Яково, а Израилё; пал-дова́ со ту спробиндян зорья Дэвлэ́са, и ту манушэ́н пиризорьякирэса.”

Osija 12:1

Ефре́мо чаравэлапэ балваляса и традэлапэ пал балва́л вастоко́стыр: ёв со дывэ́с прибарьякирэла хохаибэ́н и голоты́ня (разорениё). Ёнэ адя́кэ-паць кэрна доракирибэ́н (завето) Асуроса (Асирияса), и маслинитко дзэт лыджа́на кэ Еги́пто.

Osija 7:16

Ёнэ рисинэ́ палэ, нэ на кэ Са́мо Барыдыр; ёнэ исын сыр дошвало лу́ко. Лэ́нгирэ тхага́рья пэрэ́на куртала́тыр пал пэ́скири чиб, со ракирдя́ холямипэн (дерзости). Пэ пхув Египто́скири лэ́ндыр явэ́на тэ санпэ.

Osija 4:15

На дыкхи́ пэ дава́, со тумэ́, Израилёскирэ мануша́лэ, кэрэ́на биладжаипэ́н, хоць бы тэ на кэрэ́н чорипэ́н Юда́скирэ мануша́. Соб (кай) ёнэ тэ на джа́н пэ Галга́ло, и тэ на ґаздэ́нпэ пэ Бер-Авен, и соб (кай) ёнэ тэ на совлахан: ‘Тэ явэ́л джидо́ Рай Дэвэ́л’

Osija 4:2

Мануша́ совлахана, хохавэна, мулякирэна, и чорэна, мурша́ и джувля́ кэрэ́на биладжакунэ́ рэ́нды, ёнэ пхагирэна сарэ́ меры, и манушэ́нгиро рат чхувэ́лапэ екх пал екх.

Džiibén 2:11

Екха кхардэ́ Фисоно (Пишоно): ёй тхадэ́ла пир сари́ Хавиласкири пхув, доя́ пхув, кай исын сувнака́й;

Osija 7:3

Ёнэ радынэна крали́с лэ́нгирэ фуипнаса, и тхагарьен лэ́нгирэ хохаибнаса.

Osija 10:13

Тумэ́ пхарадэ пхув ваш фуипэ́н, тумэ́ счхиндлэ чорипэ́н. Тумэ́ ханэ́ хохано́ баритко (пло́до), пал-дова́ со тумэ́ допатяндынэ зоралэ́с дрэ пэ́скирэ дроморэ, дро бутыпэн тумарэ́ зоралыпнаскирэ муршэндэ.