Osija 11:10 - Библия - Пэ Балтитко Романи чиб (Романэс) 2019

¹⁰ Ёнэ джа́на пала́л пал Растэ-Дэвлэ́стэ; Ёв явэ́ла тэ рыкинэл сы́рбы шчэр (ле́во). Сыр Ёв лэ́ла тэ рыкинэл, тэ́ньчи Лэ́скирэ бияты явэ́на тэ джа́н сыгэды́р тринскирибнаса пал-панендыр (западостыр).

Biblija - Pe Baltitko Romani čib (Romanes) 2019

¹⁰ Jone džána palál pal Raste-Devléste; Jov javéla te rykinel sýrby ščer (liévo). Syr Jov léla te rykinel, tén'či Léskire bijaty javéna te džán sygedýr trinskiribnasa pal-paniendyr (zapadostyr).

Osija 11:10 Referans Kwoze

Amoso 1:2

И ёв пхэндя́: “О Рай Дэвэ́л явэ́ла тэ ґреминэл Сионо́стыр, и Ёв пхэнэ́ла Пэ́скирэ заня́са Ерусалимо́стыр; и явэ́на тэ тугинэн зоралэ́с санэ буди (хижыны) чхупнарьенгирэ, и вышутёла фе́ля (макушка) пэ вучипэ́н Кармилоскиро.”

Ioil 3:16

И Рай Дэвэ́л адя́кэ-паць загриминэла Сионо́стыр, и Ёв пхэнэ́ла Пэ́скирэ заня́са Ерусалимо́стыр; болыбэ́н и пхув явэ́на тэ тринскирэнпэ; кэ Рай Дэвэ́л явэ́ла гаравибнаскиро штэ́то ваш Лэ́скирэ манушэ́нгэ, и Ёв явэ́ла сыр тва́рдыма / диз (крепость) чхаворэнгэ Израилёскирэнгэ.

Isajos 31:4

Пал-дова́ со адя́кэ пхэндя́ ма́нгэ Рай Дэвэ́л: “Сыр шчэр (ле́во), сыр лэ́скиро тыкноро, саво́ на отдэ́ла пэ́скиро дорэсыбэ́н (добыча), мэк и годлэн пэ лэ́стэ чхупна́рья, адя́кэ Рай Дэвэ́л, болыбна́скирэ-янголэ́нгиро, джа́ла тэ марэ́лпэ пал бэ́рга Сио́но, пал бэ́ргица лэ́скири.

Ереме́ё 25:30

Палдава́ ту, Ереме́ё, ангилпхэн (пророчын) лэ́нгэ сарэ́ кадалэ́ лава́ и пхэн лэ́нгэ: “Рай Дэвэ́л загриминэла вучипна́стыр, и Ёв пхэнэ́ла Пэ́скирэ заня́са Пэ́скирэ свэнтонэ́ штэто́стыр; Ёв загриминэла зоралэ́с пэ Пэ́скири пхув, сы́рбы кодолэ́, савэ́ тасавэна винаградо, пэ сарэ́ндэ, кон дживэ́ла пэ пхув.

Ереме́ё 31:9

Ёнэ гинэ́ роибнаса, и Мэ лыджа́ва лэн мангипнэнца. Мэ джа́ва анги́л лэ́ндэ пашы́л панитка рэ́ки (лэня́) пир маму́й дром, соб (кай) ёнэ тэ на обштавэнпэ. Пал-дова́ со Мэ сом Дад Израилёскиро, и Ефре́мо исын Миро англатуно́ чхаворо́.

Isajos 64:2

Сыр хачкирдэ́ ягатыр, сави́ билавэла (плавинэла), сыр пане́стыр, саво́ кэрадёла, соб (кай) тэ джинэ́н Тыро́ лав джиндло́ Тырэ́ вэргэ́нгэ; соб (кай) тэ издран анги́л Ту́тэ народы.

2 Petr 2:10

и дава́ буты́р сарэ́стыр чилавэ́ла одолэ́ манушэ́н, савэ́ джа́на пир на́лачхо лочакиро камибэн и пхагирэна Дэвлэ́скиро право. Кадасавэ́ хоханэ́ сыклякирибнаскирэ хасякирдэ́ ладж, ёнэ кэрэ́на, со исын пир годы́ лэ́нгэ и на дарэ́на тэ калякирэн ду́хи, савэ́ исын дро Болыбна́скиро Раё.

Римлянэнгэ 8:1

Тэды, нанэ какана́ нисаво́ обракирибэн ваш одолэ́нгэ, савэ́ дживэ́на дрэ Исусо́стэ Христосо́стэ на пир лоч (плоть), а пир Ду́хо (Фа́но).

Apostolengiri Butý 24:25

И пал-дова́ со Па́вли ракирдя́ пал чачипэ́н, и пал-дова́, соб (кай) тэ обрикирэл пэс дро джиибэ́н анги́л сэ́ндо, саво́ анги́л явэ́ла, о Феликсо страхадыя и пхэндя́: “Какана́ джа́, нэ сыр явэ́ла ма́ндэ часо, мэ кхара́ва тут”;

Joannostir 8:12

Нэвэ́стыр Ису́со ракирдя́ манушэ́нца и пхэндя́ лэ́нгэ: “Мэ сом дуд дро дава́ свэ́то: одова́, кон джа́ла пал Ма́ндэ, на явэ́ла тэ псирэ́л дро калыпэ́н, а явэ́ла лэ́стэ джиибна́скиро дуд.”

Заха́рия 10:12

И Мэ зоралякирава лэн дрэ Растэ-Дэвлэ́стэ, и ёнэ лэ́на тэ псирэ́н дро лав Лэ́скиро”, – ракирэ́ла Рай Дэвэ́л.

Заха́рия 8:7

Адя́кэ ракирэ́ла янголэ́нгирэ-болыбна́скиро Рай Дэвэ́л: ‘Акэ, Мэ выракхава Мирэ́ манушэ́н вастокоскирэ рига́тыр и рига́тыр, кай пэрэ́ла кхам;

Avakumo 3:16

Ке́ли мэ шундём, мирэ́ маса́ лынэ́ тэ издран, мирэ́ ушта́ лынэ́ тэ издран локхэс далэ́ занятыр: кирныпэн загия́ дрэ мирэ́ кокалы́; и мэ яцём тэ тринскиравпэ пэ пэ́скиро штэ́то. Нэ ма́нгэ трэй тэ явав штыл дро дывэ́с дарано, ке́ли явэ́ла вэ́рго пэ мирэ́ манушэ́ндэ пэ́скирэ халадэнца.

Mihiejo 4:5

Сарэ́ мануша́ псирэ́на и мангэ́напэ лавэ́са лэ́нгирэ дэвлорэндыр, нэ амэ ява́са тэ псирас, и мангаспэ Ра́скирэ-Дэвлэ́скирэ лавэ́са, амарэ́ Дэвлэскирэса пэ сарэ́ ве́ки.

Amoso 3:8

Шчэр лыя́ тэ рыкинэл – кон на явэ́ла тэ дарэл? О Рай Дэвэ́л пхэндя́ – кон на явэ́ла тэ ангилпхэнэл?

Amoso 3:4

Ци явэ́ла шчэр (ле́во) тэ брилинэл дро вэш, ко́ли ёв на дыкхэ́ла вари-со тэ роскушэл дандэнца? Ци явэ́ла тэ выдэл шчэр зан пэ́скирэ хашха́тыр (логовостыр) –, ко́ли ёв ничы́ на ухтылдя.

Osija 3:5

Пало́ (после) дава́ чхавэ́ Израилёскиро рисёна, и ёнэ явэ́на тэ родэ́н Рас-Дэвлэ́с, лэ́нгирэ Дэвлэ́с, и лэ́нгирэ крали́с Давидо́с: и ёнэ явэ́на тэ дарэ́н Ра́стыр-Дэвлэ́стыр и тэ рисён кэ Лэ́скиро лачхипэ́н дрэ палатунэ́ (последня) дывэса́.

Ереме́ё 33:9

Тэ́ньци лав ‘Ерусалимо’ явэ́ла тэ радынэл манушэ́н, ёнэ явэ́на тэ шарэ́н лэс, и тэ дэн паты́в анги́л сарэ́ Наюдытконэ́ нацыендэ пир пхув, савэ́ явэ́на тэ шунэ́н пал саро́ лачхипэ́н, со Мэ кэрдём лэ́нгэ: и ёнэ явэ́на тэ дарэ́н, и тэ издран сарэ́ лачхипнастыр и сарэ́ миштыпна́стыр, со Мэ кэра́ва далэ́ фороскэ.”

Ереме́ё 7:9

Сыр да тумэ́ ишчо (инкэ́) чорэна, замарэна, кэрэ́на биладжаипэ́н, совлахана хоханэ́с, хачкирэна дро́га смо́лы Ваалоскэ, и тумэ́ псирэ́на тэ отдэ́н паты́в явирэ дэвлорэ́нгэ, конэ́с тумэ́ на джинэ́на,

Ереме́ё 7:6

ко́ли тумэ́ на явэ́на тэ притасавэн чужонэ́ манушэ́с, пиротос (сиротас) и пивля (удова), и тумэ́ на явэ́на тэ прочхувэн набанго рат пэ дава́ штэ́то, и тумэ́ на явэ́на тэ псирэ́н тэ отдэ́н паты́в явирэ дэвлорэ́нгэ пэ тумари́ дош (би́да);

Ереме́ё 5:22

Со да тумэ́, на дарэ́на Ма́ндыр? – пхэндя́ Рай Дэвэ́л. “Со да тумэ́, на явэ́на тэ тринскирэнпэ анги́л Ма́ндэ? Ма́ндыр, Кон кэрдя́ прахостыр ме́жа морёскэ вечнонэ статутоса, соб (кай) мо́рё (дэрья́в) тэ на пириджал? И мэк лэ́скирэ валны чхурдэ́ла упрэ́, нэ ёнэ на лэ́на упралыпэ́н, ёнэ ривинэна, нэ ёнэ нашты́ (на могинэ́на) тэ пириджан пирда́л дая́ ме́жа.

Ереме́ё 2:2

“Джа́ и пхэн ясвэ́нца дрэ манушэ́нгирэ [чхакирэ-р.с.] кана́ Ерусалимо́стыр, пхэни́: ‘Адя́кэ ракирэ́ла Рай Дэвэ́л: ‘Мэ рипирава тут, Израилё, савэ́ лачхэ́ сыс тырэ́ мануша́ тэрнал, тумари́ паты́в, со сыс сы́рбы тэрнэндэ анги́л совэ́л, сыр тумэ́ гинэ́ пал Ма́ндэ пэ чхучэ́ прахи, пэ пхув, со на чхудэ́ гива́ ишчо (инкэ́).

Isajos 49:10

На явэ́на ёнэ тэ бокхалён, на явэ́на ёнэ би панескиро (трушалэ), кхам лэн на пэкэла; Кодова́, Кон тангинэла (жалинэла) лэн, лыджа́ла лэн и янэ́ла кэ пани́.

Isajos 42:13

Рай Дэвэ́л выджа́ла сыр древа́н зорало́ мурш, сыр мурш марибны́тко, Ёв ґаздэ́ла зэвлыныпэ́н, Ёв кхарэ́ла кэ Пэ и дэ́ла го́дла марибныткэс, Ёв сыкавэ́ла Лэ́скирэ вэргэ́нгэ, со Ёв исын зорало́.

Isajos 2:5

О, Яково́скиро кхэр! Явэ́н, ява́са тэ псирас дро Ра́скирэ-Дэвлэ́скиро дуд (свэ́то).

Psalmy 119:120

Мири́ лоч (плоть) издрала дара́тыр анги́л Ту́тэ; ма́ндэ исын трашаибэ́н анги́л Тыро́ сэ́ндо.

Psalmy 2:11

Дынаринэ́н Ра́скэ-Дэвлэ́скэ дара́са и радынэ́нпэ издраняса.

Ióvo 37:1

Далэ́стыр миро ило́ адя́кэ-паць издрала, и кхарэ́лапэ (двигинэлапэ) лэ́скирэ штэто́стыр.

Sykadyipén 10:3

и ёв дыя́ го́дла адя́кэ зоралэ́с, сыр шчэр (ле́во) рыкинэла. И ке́ли ёв дыя́ го́дла, тэды эфта́ гро́мы пхэндлэ́ пэ́скирэ заненца (глосенца).

Isajos 66:2

Пал-дова́ со саро́ дава́ кэрдя́ Миро васт, и саро́ дава́ сыс, – ракирэ́ла Рай Дэвэ́л. “Акэ, пэ конэ́стэ Мэ подыкхава: пэ одолэ́стэ, кон исын на пхутькирдо, пхагнэ духо́са, кон издрала анги́л Миро лав.

Isajos 66:5

Шунэ́н Ра́скирэ-Дэвлэ́скиро лав одолэ́, кон издрала анги́л Лэ́скиро лав! Тумарэ́ пша́ла на рикирэ́на дро ило́ тумэн, ёнэ традэ́на тумэн пал Миро лав и ракирэ́на: “Мэк Рай Дэвэ́л тэ сыкавэ́л Пэс дро Пэ́скиро барипэ́н, и амэ подыкхаса, сыр тумэ́ явэ́на тэ радынэ́нпэ.” Нэ ёнэ явэ́на ладжакирдэ́.

Езэкилё 26:16

Зджана сарэ́ морёскирэ (дэрьявэ́скирэ) тхага́рья пэ́скирэ тронэндыр, злэна пэ́стыр лэ́скирэ урибэна́, злэна пэ́стыр розсудэ ризы, нэ ёнэ урьенапэ дара́са, бэшэна пэ пхув, явэ́на тэ издран, явэ́на тэ дивинэнпэ трашаса пал ту́тэ.

Isajos 11:11

Явэ́ла дро дова́ дывэ́с адя́кэ: ишчо (инкэ́) протырдэла Рай Дэвэ́л Пэ́скиро васт, соб (кай) тэ рискирэ́л ячаибэ́н Пэ́скирэ народо́стыр, саво́ ячэ́лапэ кэ Асуро, дро Еги́пто, кэ Патросо, кэ Хусо, кэ Еламо, кэ Сенааро, кэ Емафо, пэ островы, савэ́ исын пир мо́рё (дэрья́в).

Ереме́ё 50:4

Дрэ долэ́ дывэса́ и дро дова́ часо’, – ракирэ́ла Рай Дэвэ́л, – ‘чхавэ́ Израилёскирэ и сарэ́ чхавэ́ Юда́скирэ явэ́на кхэтанэ́, и ёнэ явэ́на, рови, соб (кай) тэ родэ́н Рас-Дэвлэ́с, пэ́скирэс Дэвлэ́с.

Заха́рия 10:10

Мэ адя́кэ-паць рискира́ва лэн палэ Египто́скирэ пхувья́тыр и Асириятыр, скэда́ва лэн, и Мэ лыджа́ва лэн пэ Галаадоскири пхув и пэ Лива́но адя́кэ пэ ґара́, сыр на ухты́лла (на́доси) штэ́то ваш лэ́нгэ.