Osija 10:8 - Библия - Пэ Балтитко Романи чиб (Романэс) 2019

⁸ И адя́кэ-паць явэ́на розмардэ пэ котэра́ вучэ́ штэ́ты пэ Авено, грэ́хо Израилёскиро. Хру́сты сувьенца и жылта хру́сты пхусаденца выбарьёна пэ лэ́нгирэ алта́ри; ёнэ пхэнэ́на бэргэнгэ: ‘Чхакирэн амэн,’ и бэргицэнгэ: ‘Пэрэн пэ амэ́ндэ.’

Biblija - Pe Baltitko Romani čib (Romanes) 2019

⁸ I adiáke-pac' javéna rozmarde pe koterá vučé štéty pe Avieno, grého Izrailjoskiro. Xrústy suv'jenca i žylta xrústy phusadienca vybarjona pe léngire altári; jone phenéna bergenge: ‘Čhakiren amen,’ i bergicenge: ‘Peren pe aménde.’

Osija 10:8 Referans Kwoze

Luka 23:30

Тэды ёнэ явэ́на тэ ракирэ́н бэргэнгэ: ‘Пэрэн пэ амэ́ндэ’, и бэргицэнгэ: Ѓаравэн амэн;’”

Sykadyipén 6:16

и ёнэ ракирэ́нас бэргэнгэ и скалэнгэ: “Пэрэн пэ амэ́ндэ и гаравэн амэн якхэ́ндыр Одолэ́стыр, Саво́ исын бэшто́ пэ троно, и Свэнтонэ́ Бакрорэскирэ холя́тыр,

Isajos 2:19

И ґаздэ́напэ мануша́, дрэ ґебара́ (пешчэры) машкира́л скалы тэ гаравэнпэ Ра́скирэ-Дэвлэ́скирэ дара́тыр и Лэ́скирэ шардэ барипнастыр, ко́ли ґаздэ́лапэ Ёв тэ хасякирэ́л пхув.

Osija 9:6

Пал-дова́ со, акэ, ёнэ джа́на криг, сыр явэ́ла хасибэ́н. О Еги́пто кэдэла лэн кхэтанэ́; О Мемфисо явэ́ла тэ гаравэл лэн. Цукнуда (стрекава) лэ́ла лофо пэ лэ́нгирэ рупувэ́ барвалыпэна (кучипэна); а пхусадытка хру́сты явэ́на дрэ лэ́нгирэ ша́тры.

Amoso 8:14

савэ́ совлахана грэхоса Самарияскирэса, савэ́ ракирэ́на: “Тэ явэ́л джидо́ тыро́ дэвэл, Данё!” И ишчо (инкэ́): “Тэ явэ́л дром цэ́ло кэ Вирса́вия!” Ёнэ пэрэ́на и ние́кхвар на уштэна нэвэ́стыр!

Isajos 32:13

Пэ мирэ́-народоскири пхув явэ́ла тэ барьёл пхусады чар и хру́сты сувьенца, сыр и пэ сарэ́ радымакирэ кхэра́ дро фо́ро, саво́ радынэ́лапэ.

Sykadyipén 9:6

И дрэ долэ́ дывэса́ мануша́ явэ́на тэ родэ́н мэрибэ́н, нэ ёнэ на латхэ́на; ёнэ явэ́на тэ мангэ́н, соб (кай) тэ мэрэ́н, нэ мэрибэ́н нашэла лэ́ндыр.

Mihiejo 1:13

Кон дживэ́ла кэ Лахисо, дэ андрэ́ ґэнштэн дро вурдэ́н марибны́тко; пал-дова́ со чорипэ́н Израилёскиро латхнэ́ дрэ ту́тэ.

Mihiejo 1:5

Саро́ дава́ пал Яково́скиро чорипэ́н, и пал грэ́хи, со кэрдя́ кхэр Израилёскиро. Саво́ исын чорипэ́н Яково́скиро? Ци дава́ на пал Сама́рия? Савэ далэ́ исын вучэ́ штэ́ты дрэ Юдэ́я? Ци дава́ саро́ исын на Ерусалимо́стыр?

Osija 10:5

Мануша́, кон дживэ́ла кэ Сама́рия, дарэ́на вычхиндлэ́ гуруворэстыр Беф-Авеностыр. Лэ́нгирэ мануша́ тугинэна зоралэ́с пал лэ́ндэ, и лэ́нгирэ биладжакунэ́ рашая́ явэ́на тэ тринскирэнпэ пал лэ́ндэ, пал лэ́нгиро барипэ́н, саво́ ячкирдя́ лэн.

Osija 10:2

Лэ́нгиро ило́ росчхудо пэ паш, акана́ Рай Дэвэ́л пхагирэ́ла тэлэ́ лэ́нгирэ алта́ри (жэ́ртва), Ёв пхагирэ́ла пэ котэра́ лэ́нгирэ сты́лбы вычхудэ́ муенца / патренца (образэнца).

Osija 5:8

Пхурдэ́н дро бакрано ро́го дрэ Гива́, пхурдэ́н дро ро́го (труба), дрэ Ра́ма; дэн го́дла зоралэ́с дро Беф-Авэно, дыкх жа пала́л пал пэ́стэ, о Вениамино!

Osija 4:15

На дыкхи́ пэ дава́, со тумэ́, Израилёскирэ мануша́лэ, кэрэ́на биладжаипэ́н, хоць бы тэ на кэрэ́н чорипэ́н Юда́скирэ мануша́. Соб (кай) ёнэ тэ на джа́н пэ Галга́ло, и тэ на ґаздэ́нпэ пэ Бер-Авен, и соб (кай) ёнэ тэ на совлахан: ‘Тэ явэ́л джидо́ Рай Дэвэ́л’

Osija 4:13

Ёнэ янэ́на свэ́нта дыибэна́ пэ вучипэна́ бэргакирэ (фэли), и ёнэ тхувалякирэна дрогонэ́ смолэнца пэ бэ́ргицы, тэл дэмбы, тэл тополи, и тэл тэрэбинто пир дова́, со лэ́нгири зэр (засенка) исын бари, палдава́ лэ́нгирэ чхая́ кэрэ́на биладжаипэ́н и лэ́нгирэ борья камэ́на явирэ муршэ́н.

Isajos 34:13

Ла́кирэ барэ́ фэлатиня́ / колова (дворцы), ла́кирэ тва́рдыми (крепости) забарьёна пхусадэ́ чарьенца; явэ́ла пхув штэтоса, кай шакалы явэ́на тэ дживэ́н и явэ́ла грэдаса (двороса) ваш страусэнгэ.

2 Паралипоменоно 31:1

И пэ ко́нцо (яго́ро) сарэ́ далэскэ, гинэ́ сарэ́ Израильтя́ни, савэ́ одо́й сыс, дрэ Юдэя́кирэ фо́рья, и розмардэ статулы, чингирдэ тэлэ́ свэнцона вэша́, и роспхагирдэ́ вучипэна́ и алта́ри пэ сари́ Юдэ́я и пэ пхув Вениаминоскири, Ефремо́скири и Манасияскири, пэ ко́нцо (яго́ро). И пало́ дова́ рисинэ́ сарэ́ Израилёскирэ чхавэ́, кажно дро пэ́скиро хулаибэн, дрэ пэ́скирэ фо́рья.

4 Kralip 23:15

Адя́кэ-паць и алта́рё, саво́ сыс дро Вефи́лё, и вучипэ́н, саво́ кэрдя́ Еровоа́мо, Наватоскиро чхаво́, саво́ залыджия́ Израилё дро грэ́хо, – адя́кэ-паць и алта́рё дова́ и вучипэ́н ёв роспхагирдя́, и хачкирдя́ дава́ вучипэ́н, стрэиндя дро пра́хо, и схачкирдя́ дэмбы вычхиныбнаса.

3 Kralip 14:16

И отдэ́ла Рай Дэвэ́л Израилё пал грэ́хи Еровоамоскирэ, савэ́ ёв кокоро́ кэрдя́, и савэ́нца залыджия́ дро грэ́хо Израилё.”

3 Kralip 13:34

Дава́ лыджия́ кхэр Еровоамоскиро кэ грэ́хо, и кэ хасибэ́н, и кэ цэ́ло хасибэ́н лэс пхувья́кирэ мо́стыр.

3 Kralip 13:2

И пхэндя́ кэ алта́рё Ра́скирэ-Дэвлэ́скиро лав, и пхэндя́: “Алтаре! Алтаре! Адя́кэ ракирэ́ла Рай Дэвэ́л: Ѓа́да, бияндёла чхаво́ кхэрэ́скэ Давидоскирэскэ, лав лэ́скэ явэ́ла Иосия, и янэ́ла пэ ту́тэ дрэ свэ́нто дыибэ́н раша́н вучэ́ штэтэ́ндыр, савэ́ хачкирэна пэ ту́тэ дро́га смо́лы, и манушэ́нгирэ кокалы́ схачкирэ́ла пэ ту́тэ.

Яви́р Зако́но 9:21

Грэ́хо тумаро́, саво́ тумэ́ кэрдэ́, – гуруво́рэс мэ лыём, хачкирдём сарэ́са лэс дрэ яг, розмардём лэс и сарэс скхостём кэ дова́, со ёв яця́ тыкнинько, сыр пра́хо, и мэ чхурдыём дава́ пра́хо дро сы́гно рэ́кица (лэнори́), сави́ тхадыя бэрга́тыр.

Džiibén 3:8

И шундлэ́ Ра́скирэ-Дэвлэ́скири, Дэвлэ́скири зан (глос), сыр Ёв псирдя́ дрэ у́нта дрэ дова́ дывэ́с пэ васто́ко, сыр спыя хачкирибэ́н; Адамо и лэ́скири ромны́ ґарадынэ Ра́скирэ-Дэвлэ́скирэ, Дэвлэ́скирэ якхэ́ндыр машкира́л кашта́ дрэ у́нта.

Osija 2:6

Палдава́, акэ, Мэ закэрава дром ла́кэ пхусаибнытконэ́ хрустэ́нца (терненца), и Мэ обчхувава ла вантаса, соб (кай) ёй тэ на дэл ра́да тэ латхэл пэ́скирэ дроморэ.

Osija 10:9

О, Израилё Тырэ́ манушэ кэрдэ́ буты́р грэ́хи сыр и дро долэ́ дывэсэ́ дрэ Гива́, – одо́й тумэ́ ячнэ́пэ. Ци со марибэ́н дрэ Гавао́но (Гива́) проти чхавэ́ндэ, савэ́ кэрэ́на чорипэ́н, на догия́ кэ ёнэ?

Amoso 7:9

И вучэ́ штэ́ты, пэ савэ́ янэ́на дыибэна́, явэ́на чхучэ́ (пуста), и свэ́нта штэ́ты Израилёскирэ явэ́на паштэ́ дрэ руи́ны. И Мэ ґазда́ва курта́ла пэ Еровоамоскиро кхэр.”

Naumo 3:11

Ту адя́кэ-паць явэ́са маты, гарадёса, ту адя́кэ-паць явэ́са тэ родэс гарадыибэн вэргостыр.

Isajos 2:21

соб (кай) тэ ґаздэлпэ (тэ заджа́л) пэ бэ́рги Ра́скирэ-Дэвлэ́скирэ дара́тыр и шардэ Лэ́скирэ барипнастыр, ко́ли Ёв ґаздэ́лапэ тэ хасякирэ́л пхув.

Osija 8:5

Тыро́ гуруворо ячкирдя́ тут, э, Сама́рия! Мири́ холы́ ґаздыя́пэ проти лэ́ндэ. Сыр ґара́ (длу́гэс) явэ́ла кэ дова́, ке́ли ёнэ ячэ́напэ бибангипнаскирэ.

Amoso 1:5

И Мэ адя́кэ-паць пхагирава шы́беро (засо́во) пэ по́рта Дамаскоскири и Мэ хасякира́ва манушэ́н, кон дживэ́ла пэ до́ло Авеноскиро и кодолэ́с, кон рикирэ́ла тхагаритко дэсто́ дро Едэно (Бэн-Хададо). Мануша́ Сириятыр джа́на дро пле́но кэ Кира”, – ракирэ́ла Рай Дэвэ́л.

Amoso 3:14

“со Мэ дро дова́ дывэ́с пхарэ́с сэндякирава Израилё пал лэ́скирэ чорипэна, и Мэ пхарэ́с сэндякирава пал алта́ри дрэ Вефиль, и явэ́на обчингирдэ шынга́ (ро́ги) пэ алта́рё, и ёнэ пэрэ́на пэ пхув.