Osija 10:5 - Библия - Пэ Балтитко Романи чиб (Романэс) 2019

⁵ Мануша́, кон дживэ́ла кэ Сама́рия, дарэ́на вычхиндлэ́ гуруворэстыр Беф-Авеностыр. Лэ́нгирэ мануша́ тугинэна зоралэ́с пал лэ́ндэ, и лэ́нгирэ биладжакунэ́ рашая́ явэ́на тэ тринскирэнпэ пал лэ́ндэ, пал лэ́нгиро барипэ́н, саво́ ячкирдя́ лэн.

Biblija - Pe Baltitko Romani čib (Romanes) 2019

⁵ Manušá, kon dživéla ke Samárija, daréna vyčhindlé guruvorestyr Bief-Avienostyr. Léngire manušá tuginena zoralés pal lénde, i léngire biladžakuné rašaja javéna te trinskirenpe pal lénde, pal léngiro baripén, savó jačkirdiá len.

Osija 10:5 Referans Kwoze

Osija 9:11

Ефремоскиро барипэ́н, сыр чириклы вурняла криг – на явэ́ла ни бияныпэ́н, ни пхарипэ́н, нанэ ни кхабныпэн (зачатиё).

Osija 5:8

Пхурдэ́н дро бакрано ро́го дрэ Гива́, пхурдэ́н дро ро́го (труба), дрэ Ра́ма; дэн го́дла зоралэ́с дро Беф-Авэно, дыкх жа пала́л пал пэ́стэ, о Вениамино!

Osija 4:15

На дыкхи́ пэ дава́, со тумэ́, Израилёскирэ мануша́лэ, кэрэ́на биладжаипэ́н, хоць бы тэ на кэрэ́н чорипэ́н Юда́скирэ мануша́. Соб (кай) ёнэ тэ на джа́н пэ Галга́ло, и тэ на ґаздэ́нпэ пэ Бер-Авен, и соб (кай) ёнэ тэ на совлахан: ‘Тэ явэ́л джидо́ Рай Дэвэ́л’

4 Kralip 23:5

И отчхудя дрэ риг ёв раша́н-жрецэн, савэ́н чхудэ́ Юдэя́кирэ кра́лья, соб (кай) тэ тхувлякирэн пэ вучипэна́ дрэ Юдэя́кирэ фо́рья и пашы́л Ерусалимо, – и савэ́ тхувлякирдэ Ваалоскэ, кхамэскэ, и чхонэскэ, и чэргэне́нгэ, и сарэ́ халадыбнаскэ пэ болыбэ́н.

Osija 13:2

Акана́ ёнэ кэрэ́на грэ́хи бутэды́р и барэды́р, и ёнэ кэрдэ́ ваш пэ́скэ вычхудэ́ муя́, и́долы рупэ́стыр пир пэ́скиро джиныбэ́н, сарэ́ кадалэ́ статулы кэрдэ́ графарья (спецы тэ рисынэн) дрэ вастытка бутя́. И ёнэ пхэнэ́на: ‘мэк мануша́, кон янэ́ла свэ́нто дыибэ́н, тэ чамудэн гуруворэ́н.’

Apostolengiri Butý 19:27

И дава́ исын дар ваш амэ́нгэ на дро екх дава́, со амари́ буты́ на явэ́на тэ кутякирэн, нэ и ваш кхангири́ барэ́-дэвэлнякири Артемидакири на явэ́ла тэ гинэлпэ ни дро со, и кокори дэвэлны, савьякэ мануша́ мангэ́напэ дрэ Асия и пир саро́ свэ́то хасякирэ́ла пэ́скиро райкано барипэ́н.”

Софония 1:4

“Мэ пхарэ́с сэндякирава Мирэ́ вастэ́са Юдэ́я, и сарэ́ манушэ́н, савэ́ дживэ́на кэ Ерусалимо, и Мэ хасякира́ва саро́, со яця́пэ Ваалостыр пэ дава́ штэ́то. Мэ хасякира́ва лава́ раша́нгирэ кхэтанэ́ Наюдытконэ́-мангипнаскирэнца идолэ́нгэ;

2 Паралипоменоно 11:15

и чхудя́ ёв пэ́стэ жрецэн пэ вучипэна́, и кэ бузнэ (козлы), и кэ тэрнэ́ гурува, савэ́ ёв кэрдя́.

4 Kralip 17:16

И ячкирдэ́ сарэ́ припхэныбэна́ Ра́скирэ-Дэвлэ́скирэ, пэ́скирэ Дэвлэ́скирэ, и кэрдэ́ пэ́скэ вычхудэ́ муя́ дуе́н гурувэ́н, и кэрдэ́ дэмбитко вешоро, и мангнэпэ сарэ́ духэнгэ болыбнаскирэнгэ, и дынариндлэ́ Ваалоскэ.

4 Kralip 10:29

Усае́кх Еровоамоскирэ грэхэ́ндыр, Наватоскирэ-чхавэ́скирэ, саво́ лыджия́ Израилё дро грэ́хо, лэ́ндыр на отгия́ Ииу́ё, – сувнакунэ́ гурувэндыр, савэ́ сыс дро Вефи́лё, и савэ́ сыс дро Дано.

Сэндарьенгири Лылвари́ 18:24

Миха пхэндя́: “Тумэ́ лынэ́ мирэ́ дэвлорэ́, савэ́н мэ кэрдём, и раша́с, и гинэ́ криг: со ишчо (инкэ́) буты́р, сыр тумэ́ ракирэ́на: “Со ту́кэ?”

Isúso 7:2

Ису́со (Ёхошуа́) Ерихоностыр бичхадя́ манушэ́н дро Гаё, со исын пашы́л Беф-Авено, васточнонэ Вефилёскирэ рига́тыр, и пхэндя́ лэ́нгэ: “Джа́н, обдыкхэн пхув”. Ёнэ гинэ́ и обдыкхнэ Гаё.

2 Паралипоменоно 13:8

И акана́ тумэ́ думинэ́на, соб (кай) тэ вытэрдён проти Ра́скирэ-Дэвлэ́скиро кралипэ́н дрэ Давидо́скирэ-чхавэ́нгиро васт, пал-дова́ со тумэ́ сан древа́н бут, и тумэ́ндэ исын сувнакунэ́ гуруворэ, савэ́н Еровоа́мо кэрдя́ дэвлорэнца тумэ́нгэ.

Isajos 46:2

Пынэ́, пынэ́ кхэтанэ́, на зракхнэ́ одолэ́н, кон лэн лыджалас, и кокорэ́ гинэ́ дро пле́но.

Osija 9:1

На ра́дынпэ древа́н (бут), Изра́иле кэ вучипэ́н, сыр яви́р манушы́тка на́цыи (народы), пал-дова́ со ту дуриян тырэ́ Дэвлэ́стыр пир биладжакунэ́ рэ́нды (де́лы). Ту́кэ яця́ пир ило́ плэскирибэн пал биладжаипэ́н пэ кажно шу́рна (гумно).

Amoso 3:14

“со Мэ дро дова́ дывэ́с пхарэ́с сэндякирава Израилё пал лэ́скирэ чорипэна, и Мэ пхарэ́с сэндякирава пал алта́ри дрэ Вефиль, и явэ́на обчингирдэ шынга́ (ро́ги) пэ алта́рё, и ёнэ пэрэ́на пэ пхув.