Osija 10:4 - Библия - Пэ Балтитко Романи чиб (Романэс) 2019

⁴ Ёнэ ракирэ́на хартытка (пуста) лава́, хоханэ́с совлахана, ке́ли счхувэна завето. Палдава́ пхаро́ сэ́ндо ґаздэ́лапэ пэ лэ́ндэ сы́рбы трутитко чар (ядовито), со исын пэ лесьни (борозны) фэлдэнгирэ.

Biblija - Pe Baltitko Romani čib (Romanes) 2019

⁴ Jone rakiréna xartytka (pusta) lavá, xohanés sovlahana, kiéli sčhuvena zavieto. Paldavá pharó séndo ĥazdélape pe lénde sýrby trutitko čar (jadovito), so isyn pe lies'ni (borozny) feldengire.

Osija 10:4 Referans Kwoze

Amoso 6:12

Ци праста́на грая пир бэ́рги? Ци пахинэла пхув ману́ш, одо́й, пэ гурувэстэ? А сыр жа тумэ́ пиририскирдэ чачипэ́н дрэ жэлучоскири трута (ядо), а бар΄якирдо (пло́до) чачипна́скиро дро киркипэн (палыно)?

Amoso 5:7

Тумэ́, кон пирикэрэла чачуно́ сэ́ндо пэ трута (отрава), а чачипэ́н чхурдэна пэ пхув,

Osija 4:2

Мануша́ совлахана, хохавэна, мулякирэна, и чорэна, мурша́ и джувля́ кэрэ́на биладжакунэ́ рэ́нды, ёнэ пхагирэна сарэ́ меры, и манушэ́нгиро рат чхувэ́лапэ екх пал екх.

Юдэ́нгэ 12:15

Дыкхэ́н миштэ́с, соб (кай) нико́н тумэ́ндыр тэ на хасякирэ́л Дэвлэ́скиро бахтякирибэ́н, соб (кай) тэ на явэ́л машки́р тумэ́ндэ кирко́ рукх (корнё), саво́ могинэ́ла тэ янэл фуипэ́н, и соб (кай) лэ́са тэ на явэ́н магирдэ́ бут яви́р мануша́;

2 Ximaske 3:3

лэ́ндэ на явэ́ла паты́в кэ яви́р мануша́, ёнэ явэ́на захалэ́, явэ́на тэ бангякирэн явирэ манушэ́н хоханэ́с, явэ́на тэ на зрикирэн пэс, холынакирэ, на явэ́ла пир ило́ лэ́нгэ лачхипэ́н;

Римлянэнгэ 1:31

Ёнэ исын бигодякирэ, нашты́ лэ́нгэ тэ патяс, нанэ лэ́ндэ ни ла́ска, ни тангипэ́н;

Apostolengiri Butý 8:23

пал-дова́ со мэ дыкха́ва, со ту сан пхэрдо́ киркипнаса и начачипнаса.”

Osija 6:7

Нэ ёнэ сыр Адамо пхагирдэ́ Завето; одо́й ёнэ ячадэ хоханэ́с Ман.

Isajos 5:7

Ра́скирэ-Дэвлэ́скиро, болыбна́скиро-янголэ́нгиро винагра́днико исын кхэр Израилёскиро, а мурша́ Юдэя́тыр – дро́го Лэ́скиро барьякирдо́, саво́ Ёв барьякирдя. Ужакирэлас Ёв, со явэ́ла чачуно́ сэ́ндо, нэ акэ – рат чхувэ́лапэ, ужакирэлас чачипэ́н, нэ акэ – годлэна.

Яви́р Зако́но 29:18

Мэк тэ на явэ́л машки́р тумэ́ндэ муршэ́с, ци джувля́, ци ро́до, ци ро́дыцо (чанг), савэнгиро ило́ тэ отджал бы (хай) акана́ Ра́стыр-Дэвлэ́стыр, Дэвлэ́стыр амарэстыр, соб (кай) ёв тэ псирэ́л тэ дынаринэ́л одолэ́-манушэ́нгирэ дэвлорэ́нгэ; мэк тэ на явэ́л машки́р тумэ́ндэ рукх (корнё), саво́ барьякирэ́ла трута (ядо) и палыно,

Яви́р Зако́но 31:16

И пхэндя́ Рай Дэвэ́л Мойза́скэ: “Ѓа́да, ту пасёса тырэ́ дадэ́нца, и адалэ́ мануша́ лэ́на тэ блэндынэн и тэ псирэ́н пал явирэ дэвлорэндэ долэ́-пхувья́кирэ, пэ сави́ ёнэ заджа́на, и ячкирэна Ман, и пхагирэна Миро завето, саво́ Мэ чхудём лэ́нца;

Яви́р Зако́но 31:17

и захачола Мири́ холы́ пэ лэ́ндэ дро дова́ дывэ́с, и Мэ ячкирава лэн, и Мэ гаравава Миро муй лэ́ндыр, и ёнэ явэ́на традынэ криг, и латхэ́на лэн барэ́ биды и пиридживипэна, и пхэнэ́на ёнэ дро дова́ дывэ́с: “Ци на палдава́ латхнэ́ амэн далэ́ биды, со нанэ Дэвлэ́с (нанэ Дэвэ́л) машки́р амэ́ндэ?”