Osija 10:2 - Библия - Пэ Балтитко Романи чиб (Романэс) 2019

² Лэ́нгиро ило́ росчхудо пэ паш, акана́ Рай Дэвэ́л пхагирэ́ла тэлэ́ лэ́нгирэ алта́ри (жэ́ртва), Ёв пхагирэ́ла пэ котэра́ лэ́нгирэ сты́лбы вычхудэ́ муенца / патренца (образэнца).

Biblija - Pe Baltitko Romani čib (Romanes) 2019

² Léngiro iló rosčhudo pe paš, akaná Raj Devél phagiréla telé léngire altári (žértva), Jov phagiréla pe koterá léngire stýlby vyčhudé mujenca / patrienca (obrazenca).

Osija 10:2 Referans Kwoze

Mihiejo 5:13

Мэ адя́кэ-паць хасякира́ва тырэ́ вычхиндлэ́ муя́ (истуканы), и тырэ́ вычхудэ́ образы тырэ́ машкиралыпнастыр: ту буты́р на явэ́са тэ бандякирэс шэро́ тэлэ́ анги́л долэ́ предметы, со тырэ́ васта́ кэрдэ́.

3 Kralip 18:21

И тэды подги́я кэ сарэ́ мануша́ и пхэндя́: “Ци ґара́ (длу́гэс) тумэ́ явэ́на тэ ланган пэ дуй ґэра́? Ко́ли Рай Дэвэ́л (Яхва́) исын Дэвэ́л, то джа́н пала́л пал Лэ́стэ, нэ ко́ли Ваало, то джа́н пала́л пал лэ́стэ.”

Jakov 4:4

Напатяибнытка мурша́ и джувля́! Ци на джинэ́на тумэ́, со малыпэн (дружба) грэхитконэ́ манушэ́нца свэто́стыр исын проти Дэвлэ́стэ? И адя́кэ, кон выкэдэ́ла пэ́скэ малэ́с (друго́с) адалэ́ свэто́стыр, одова́ явэ́ла проти Дэвлэ́стэ.

Jakov 1:8

адасаво́ ману́ш исын балвалитко и чхурдэлапэ пэ дуй рига́, нанэ зорало́ пир ду́хо (фа́но) дрэ сарэ́ пэ́скирэ дрома́.

Софония 1:5

и кодолэ́н, кон кэрэ́ла паты́в кодолэ́нгэ, савэ́ исын дро болыбнытко свэ́то, пэ кхэрэ́скирэ фе́ли (макушки), и кодолэ́н, савэ́ кэрэ́на паты́в Ма́нгэ, Ра́скэ-Дэвлэ́скэ и совлахана Мирэ́ лавэ́са, и савэ́ адя́кэ-паць совлахана Молохоса;

Luka 16:13

Ние́кх дына́ри (слуга) на могинэ́ла тэ дынарьел дуе рангэ, ци екхэ́с тэ явэ́ла тэ на камэл, нэ явирэ́с тэ камэл, ци явэ́ла чачуно́ кэ екх, а пэ явирэ́стэ явэ́ла тэ дыкхэ́л вучипна́стыр. Тумэ́нгэ нашты́ тэ дынаринэ́н Дэвлэ́скэ и барвалыпнаскэ.”

Матфеё 6:24

Нико́н на могинэ́ла тэ дынаринэ́л дуе рангэ, ци екхэ́скэ явэ́ла тэ сыкавэ́л паты́в, нэ яви́р явэ́ла на пир ило́; ци явэ́ла чачуно́ кэ екх, а кэ яви́р явэ́ла на пир ило́. Тумэ́нгэ нашты́ тэ дынаринэ́н (тэ служынэн) Дэвлэ́скэ и барвалыпнаскэ.

Заха́рия 13:2

И явэ́ла дро дова́ дывэ́с’, – ракирэ́ла Рай Дэвэ́л, янголэ́нгирэ-болыбна́скиро, – ‘Мэ чхина́ва криг идолэнгирэ лава́ далэ́ пхувья́тыр, и пал лэ́ндэ нико́н буты́р на лэ́ла тэ рипирэл. Мэ адя́кэ кэра́ва, со кокорэ́ хоханэ́ пророкэ́н и нажужо ду́хо Мэ традава криг пхувья́тыр.

Osija 7:8

О Ефре́мо кхэтанякирдяпэ (змешындя пэс) машки́р Наюдытконэ́ манушэ́ндэ; Ефре́мо исын сы́рбы парамо [маро́-р.с.], со пэкэлапэ напирискирдо.

Ереме́ё 43:13

Ёв пхагирэ́ла тэлэ́ обсвэнцона сты́лбы (статулы) дро Бэфсамисо (Бэф-Сэмэса), со исын пэ пхув Египто́скири, и мангипнытка (дэвлорэнгирэ) штэ́ты дро Еги́пто ёв хачкирэ́ла сарэ́са яга́са.’”

Isajos 44:18

Ёнэ ничи́ на джинэ́на и на ґалёна: Рай Дэвэ́л закэрдя лэ́нгирэ якха́, соб (кай) тэ на дыкхэ́н и лэ́нгирэ илэ, тэ на ґалён.

1 Kralip 5:4

И уштынэ́ ёнэ тася́рлэс пэ зло́ко пэ яви́р дывэ́с, и ґа́да, Дагоно сыс пашто́ мо́са пэ пхув анги́л Дэвлэ́скиро ковчэго; шэро́ Дагоноскиро и дуй лэ́скирэ васта́ сыс паштэ́ отчингирдэ, кажно (сва́ко) розмардэс, пэ прого, яця́пэ екх Дагоноскиро шталто (торсо).

1 Ian 2:15

На дэн паты́в свэтоскэ, и дова́, со исын дро свэ́то: кон дэ́ла паты́в свэтоскэ, кодолэ́ манушэ́скэ исын надрого Дад:

Osija 3:4

Пал-дова́ со чхавэ́ Израилёскирэ ячэ́напэ бут дывэса́ би крали́скиро, би тхагари́скиро, би свэнтонэ́-дыибна́скиро, би обсвэнцындлэ́-стылбо́скиро, би эфодо́скиро, би терафимо́скиро.

Osija 12:11

На дыкхи́ пэ дова́, со Галаа́до кэрэ́ла намиштэс (и́долы) сыр Авено, и лэ́скирэ мануша́ ячэ́напэ (кончынэна) нисоса, на дыкхи́ пэ дава́, со ёнэ янэ́на гурувэ́н сыр свэ́нто дыибэ́н дро Гилгало, нэ лэ́нгирэ алтарьендыр явэ́на руи́ны машки́р лесьни фэлдэнгирэ.

Vygiiben 23:24

тэды на клонинпэ (на кэр шэрэ́са) лэ́нгирэ дэвлорэ́нгэ, и на дынарин лэ́нгэ, и на пирилэ лэ́нгирэ рэ́нды, нэ пхагир лэн, и роспхагир лэ́нгирэ сты́лбы:

Левито 26:30

Мэ роспхагирава кэ пхув тумарэ́ вучипэна́, и роспхагирава тумарэ́ сты́лбы, и чхурдава тэлэ́ тумарэ́ тру́пы пэ тумарэ́-идолэнгирэ котэра́, и ячэ́на джунгалэ́ (брытка) тумэ́ Мирэ́ дескэ;

Pritčy 11:18

Фуй ману́ш кэрэ́ла дошвалы буты́, нэ одова́, кон росчхувэла чачипэ́н, дорэсэ́ла мишто́ мазу́ри (награда).

Езэкилё 14:5

Мэк тэ ґалён Израилёскиро кхэр дрэ пэ́скиро ило́, со пал сарэ́ ёнэ пэ́скрэ кэрдэ́ дэвлорэ́ кэрдэ́пэ ёнэ чу́жа ваш Ма́нгэ.’