Osija 10:13 - Библия - Пэ Балтитко Романи чиб (Романэс) 2019

¹³ Тумэ́ пхарадэ пхув ваш фуипэ́н, тумэ́ счхиндлэ чорипэ́н. Тумэ́ ханэ́ хохано́ баритко (пло́до), пал-дова́ со тумэ́ допатяндынэ зоралэ́с дрэ пэ́скирэ дроморэ, дро бутыпэн тумарэ́ зоралыпнаскирэ муршэндэ.

Biblija - Pe Baltitko Romani čib (Romanes) 2019

¹³ Tumé pharade phuv vaš fuipén, tumé sčhindle čoripén. Tumé xané xohanó baritko (plódo), pal-dová so tumé dopatiandyne zoralés dre péskire dromore, dro butypen tumaré zoralypnaskire muršende.

Osija 10:13 Referans Kwoze

Ióvo 4:8

Со мэ могиндём тэ дыкха́в, сыс дова́, со кон пхаравэла фуй пхувья́, и кон росчхурдэла биба́хт сыр зя́рки дрэ пхув, одолэ́-паць мануша́ и одова́-паць чхинэна тэлэ́.

Osija 8:7

Ёнэ посеиндлэ балва́л, и ёнэ счхинэна штормо: сыр гива́ лэ́ндэ сарэ́са на явэ́на пэ ґэро́й (колосо); на явэ́ла прибарипэн дро яржо́. Ко́ли и выбарьёла лэ́ндэ вари-со, то э чу́жа мануша́ накхавэна (проглынинэна) яржо́ (гив).

Pritčy 22:8

Кон почхувэла (сеинэла) начачипэ́н сыр гив пэ фэ́лда, кодова́ кэрэ́ла биба́хт (би́да) пэ́скэ, и лэ́скири зор дрэ холы́ кончынэлапэ.

Pritčy 1:31

пал-дова́ тумэ́ явэ́на тэ хан дова́, со тумэ́ сан мол, и тумэ́ явэ́на тэ чалён долэ́стыр, со тумэ́ придуминдлэ.

Psalmy 33:16

Ние́кх кра́ли на лэ́ла упралыпэ́н, ко́ли лэ́стэ исын бут халадэ́, ние́кх зорало́ ману́ш на лэ́ла упралыпэ́н, ко́ли лэ́стэ исын бари зор,

Osija 11:12

Ефре́мо обчхудя́ Ман хохаибнаса, и кхэр Израилёскиро фрэнтымаса. Нэ Юда дурэды́р псирэлас Дэвлэ́скирэ дромэ́са и сыс патяибнытконэ свэнтонэнца.

Psalmy 62:10

Чачо́: манушы́тка чхавэ́ исын сы́рбы бэльвэлякиро пхурдыпэн, манушэ́нгирэ чхавэ́ исын хохаибэ́н. Ке́ли ту поважынэса лэн пэ ублады́тка (весы), тэды ёнэ исын локхэды́р бэльвэлякирэ пхурдыпнастыр (дуновениёстыр).

Psalmy 52:7

Дэвэ́л хасякирэ́ла тут адя́кэ пэ сарэ́ ве́ки и чхурдэ́ла тут криг и выкушэла тут шатратыр и вырискирэла тут корне́нца (рукхэ́нца) пхувья́тыр, кай дживэ́на мануша́. Сэ́ла.

Osija 7:3

Ёнэ радынэна крали́с лэ́нгирэ фуипнаса, и тхагарьен лэ́нгирэ хохаибнаса.

Ekliesiastos 9:11

Мэ рисиём и дыкхцём, со кэрэ́лапэ тэл кхам: со призо выкхэлэла на одова́, кон исын най сыгэды́р, ци марибэ́н на одова́, кон исын най зоралэды́р, ци маро́ на одова́, кон исын най годэдыр, ци барвалыпэ́н на одова́, кон исын най годьварэдыр, ци ла́ска, на одова́, кон исын най фэдэды́р; нэ исын часо и ваканцыя (случаё) ваш кажнонэ́ манушэ́скэ.

Pritčy 19:5

Начачуно якхи́тко явэ́ла сэндякирдо, и кодова́, кон хохавэла, на зракхэ́лапэ.

Pritčy 12:19

Патяибнытка лава́ явэ́на тэ рикирэнпэ ўса́ды (сак), нэ хоханы чиб пэ моменто.

Pritčy 13:2

Ману́ш чалякирэла лачхипна́са сы́рбы пхабатыр пэ́скирэ уштэндыр, нэ напатяибнаскирэ дия́ чалякирэнапэ нахратыматыр.

Isajos 17:11

Дро дова́ дывэ́с ту кэрэ́са саро́ адя́кэ, соб (кай) тыри́ раслина тэ барьёл, и, соб (кай) тася́рлэс (ра́нэс) пэ зло́ко (ра́нко), тыри́ зя́рка тэ лулудёл (тэ цветинэл); нэ дро счхиныбнаскиро (скэдыибнаскиро) дывэ́с явэ́ла ту́га смэнтнымаса пэ руинэнгири груда.

Osija 4:2

Мануша́ совлахана, хохавэна, мулякирэна, и чорэна, мурша́ и джувля́ кэрэ́на биладжакунэ́ рэ́нды, ёнэ пхагирэна сарэ́ меры, и манушэ́нгиро рат чхувэ́лапэ екх пал екх.

Osija 4:8

Ёнэ чалякирэнапэ Мирэ́-манушэ́нгирэ грэхэ́нца, со янэ́на Мирэ́ мануша́, а лэ́нгиро ило́ тырдэлапэ кэ кэрэ́л чорипэ́н.

1 Kralip 24:14

сыр ракирэ́ла пхураны притча: ‘Фуипнастыр джа́ла фуипэ́н.’ А миро васт на явэ́ла пэ ту́тэ.