Osija 10:11 - Библия - Пэ Балтитко Романи чиб (Романэс) 2019

¹¹ О Ефреме, саво́ исын сы́рбы высыклякирды рэца (тёлка), савьякэ камэлапэ тэ штакирэл гива́, нэ Мэ чхува́ва ґа́мо пэ лэ́скири тхулы мэн: Мэ зачхувава Ефремос тэ тырдэл плуго, а Юда явэ́ла тэ пашынэл (тэ пхаравэл) пхув, а Яково явэ́ла тэ рандэл (тэ розмарэл) комки.

Biblija - Pe Baltitko Romani čib (Romanes) 2019

¹¹ O Jefriemie, savó isyn sýrby vysykliakirdy reca (tjolka), savjake kamelape te štakirel givá, ne Me čhuváva ĥámo pe léskiri thuly men: Me začhuvava Jefriemos te tyrdel plugo, a Juda javéla te pašynel (te pharavel) phuv, a Jakovo javéla te randel (te rozmarel) komki.

Osija 10:11 Referans Kwoze

Osija 4:16

Палдава́ Израилёскирэ мануша́ исын пхарэ́-шэри́тка (нарта) сы́рбы пхарэ́-шэри́тко рэ́ца (тёлка) исын; акана́ сыр дава́, Мэ, Рай Дэвэ́л, ява́ва тэ чаравав лэн сы́рбы бакрорэс пэ бари фэ́лда.

Ереме́ё 50:11

‘Пал-дова́ со тумэ́, мануша́ Вавилоно́стыр, радындлэпэ, и тумэ́ свэнкиндлэ кэ вучипэ́н, тумэ́, савэ́ росчордэ Миро мэкно́ миштыпэ́н – Мири́ нацыя. Тумэ́ радындлэпэ, ухнэ (ухтынэ) пэ́скэ сыр рэца (тёлка) пэ чар, и тумэ́ грымитындлэ сы́рбы ґэншта (граё).

Яви́р Зако́но 25:4

На замуздын муй гурувэскэ, ке́ли ёв молотинэла.

Римлянэнгэ 16:18

Палдава́ адасавэ́ мануша́ дынаринэна на амарэ́ Ра́скэ-Дэвлэ́скэ, Исусо́скэ Христосо́скэ, а пэ́скирэ налачхэ́ камибнаскэ; ёнэ хахавэ́на (дэ́на дукха́) лачхэ́-илытконэ манушэ́н гудлэ́ и хоханэ́ лавэ́нца.

Osija 11:4

Мэ притырдавас лэн ковлэ́ дорье́нца (шылорэнца) манушытконэ́ ласкаса, и Мэ со́мас ваш лэ́нгэ сы́рбы кодова́, кон лэ́ла криг ґа́мо лэ́нгирэ жандэндыр, и Мэ ковлэс чалякирдём лэн.

Osija 9:1

На ра́дынпэ древа́н (бут), Изра́иле кэ вучипэ́н, сыр яви́р манушы́тка на́цыи (народы), пал-дова́ со ту дуриян тырэ́ Дэвлэ́стыр пир биладжакунэ́ рэ́нды (де́лы). Ту́кэ яця́ пир ило́ плэскирибэн пал биладжаипэ́н пэ кажно шу́рна (гумно).

Osija 3:1

И пхэндя́ Рай Дэвэ́л ма́нгэ: “Джа́ нэвэ́стыр, кам джувля́, сави́ исын камлы (пирамни) ромны́ ромэстэ, нэ сави́ камэ́ла и явирэ муршэ́н. Нэ ту кам ла, адя́кэ-паць, сыр Рай Дэвэ́л сыкавэ́ла ла́ска чхаворэнгэ Израилёскирэнгэ, савэ́ дыкхэ́на пал явирэ дэвлорэндэ и выкэдэна марикля зюмоса, со пэкэна лэ́нгэ Наюды́тка на́цыи.

Osija 2:5

Пал-дова́ со лэ́нгири дай кхэлдя биладжакунэс; ёй сыс пхари́ лэ́нца напатывалэ́с: пал-дова́ со ёй пхэндя́: “Мэ джа́ва пал мирэ́ камлытконэндэ, савэ́ дэ́на ма́нгэ миро маро́, и миро пани́, и мири́ вы́лна (шэрсь), миро ґандладо (лёно), миро оливи́тко дзэт (елеё) и миро пибэ́н.”

Isajos 28:24

Ци сарэ́ дывэса́ кэрэ́ла буты́ ману́ш, саво́ обкэрэла пхув тэ чхувэ́л зя́рка, саво́ розрискирэла (розмарэла) комки и рандэла пхув?

Ереме́ё 28:14

Пал-дова́ со адя́кэ ракирэ́ла болыбна́скирэ-янголэ́нгиро Рай Дэвэ́л, Дэвэ́л Израилёскиро: “Мэ чхува́ва саструно ґа́мо пэ мэн сарэ́ Наюдытконэ́ нацыенгэ, соб (кай) ёнэ тэ дэн ра́да тэ дынаринэ́н Навуходоносороскэ, крали́скэ Вавилоно́стыр; и ёнэ явэ́на тэ дынаринэ́н лэ́скэ: Мэ адя́кэ-паць и фэлдытконэ мурдалэ́н (зверен) дыём лэ́скэ!’”

Ереме́ё 46:20

“Еги́пто исын сы́рбы древа́н ґожо рэца (тёлка), нэ явэ́ла хасибэ́н, паш-ратитконэ́ рига́тыр явэ́ла,

Mihiejo 4:13

“‘Газдэпэ и обкэр гив, о чхаё Сионо́скири, пал-дова́ со Мэ кэра́ва ту́кэ саструно шынг (ро́го), и Мэ кэра́ва ту́кэ харкунэ́ (меди́тка) ная (копыты), и ту розмарэса пэ котэра́ бут манушы́тка на́цыи,’ и ту отдэса сыр обсвэнцындлэ лэ́нгиро дорэсыбэ́н Ра́скэ-Дэвлэ́скэ, со ёнэ лынэ́ явирэндыр, и лэ́нгиро миштыпэ́н Барэ́ Ра́скэ пир сари́ пхув.”