Osija 10:10 - Библия - Пэ Балтитко Романи чиб (Романэс) 2019

¹⁰ Ко́ли тэ явэ́л Миро выкэдэибэн, то Мэ высыклякирава лэн. Манушы́тка на́цыи (народы) явэ́на тэ кэдэнпэ проти лэ́ндэ, ке́ли ёнэ бангякирэна лэн пал дуе-молытко чорипэ́н.

Biblija - Pe Baltitko Romani čib (Romanes) 2019

¹⁰ Kóli te javél Miro vykedeiben, to Me vysykliakirava len. Manušýtka nácyi (narody) javéna te kedenpe proti lénde, kiéli jone bangiakirena len pal duje-molytko čoripén.

Osija 10:10 Referans Kwoze

Езэкилё 5:13

И пириячэ́ла Мири́ холы́, и штылёла Миро холякирибэ́н пэ лэ́ндэ, и явэ́ла Ма́нгэ пир ило́, и ґалёна, со Мэ, Рай Дэвэ́л, Дэвэ́л, ракиравас дро Пэ́скиро зэвлыныпэ́н, ко́ли кончынэлапэ Мири́ хор холы́ пэ лэ́ндэ.

Osija 4:9

И явэ́ла адя́кэ: со явэ́ла манушэ́нца, дова́-паць явэ́ла рашанца. И Мэ пхарэ́с сэндякирава лэн пал дова́, со ёнэ кэрдэ́, и Мэ отда́ва палэ пал лэ́нгирэ рэ́нды (де́лы).

Ереме́ё 16:16

“Акэ, Мэ бичхава́ва пэ лэ́ндэ бут мачхибнарье́н, – дава́ Мэ, Рай Дэвэ́л, ракира́ва, – и ёнэ явэ́на тэ ухтылэ́н (тэ старэн) лэн, а тэ́ньчи Мэ бичхава́ва пэ лэ́ндэ бут карэдынитконэн (охотникэн), и ёнэ традэ́на криг лэн кажнонэ́ бэрга́тыр, и кажнонэ́ бэргицэндыр и шчэлендыр дрэ скалы.

Матфеё 22:7

И ке́ли кра́ли шундя́ пал дава́, древа́н холя́сыя, и ёв бичхадя́ пэ́скирэ халадэ́н и ёнэ мулякирдэ́ кадалэ́ замарибнарьен и хачкирдэ́ тэлэ́ фо́ро.

Osija 8:10

На дыкхи́ пэ дова́, со ёнэ бичхавэнас (покиндлэ) почасту́нки (да́ры) машки́р Наюды́тка на́цыи, акана́ Мэ кэдава лэн и ёнэ лэ́на тэ чуинэн (тэ пиридживэн) пхарэ́с тэл ґа́мо крали́стыр, тхагарьенгирэстыр.

Osija 8:1

Причхувэ́н ро́го (труба) кэ ушта́ тумарэ́. Ёв, вэ́рго, явэ́ла сыр о́рло (ки́до) проти Кхэр Ра́скирэ-Дэвлэ́скиро , пал-дова́ со ёнэ пхагирдэ́ Миро Завето и кэрдэ́ бу́нто проти Миро Зако́но.

Езэкилё 23:46

Палдава́ адя́кэ ракирэ́ла Рай Дэвэ́л, Дэвэ́л: “Кхарэ́н манушэ́н пэ лэ́ндэ, отдэ́н лэн пэ пхарипэ́н и чорибэн.

Езэкилё 23:9

Палдава́ Мэ отдыём ла дрэ ла́кирэ-камлэнгирэ васта́, дрэ Асуроскирэ–чхавэ́скирэ васта́, пал савэ́ндэ традэласпэ ёй.

Езэкилё 16:42

Адя́кэ Мэ пириячава тэ холясовав древа́н пэ ту́тэ, и отджала ту́тыр Миро зэвлыныпэ́н, и Мэ пириячава тэ холясовав.

Езэкилё 16:37

палдава́, акэ, Мэ скэда́ва сарэ́ тырэ́ камлытконэн, савэ́н ту камэсас и сарэ́н одолэ́н, савэ́н ту древа́н на камэсас. Мэ кэдава лэн сарэ́ ригэ́ндыр пэ ту́тэ, и Мэ откэрава анги́л лэ́ндэ тыро́ нангипэ́н, соб (кай) ёнэ тэ дыкхэ́н сари́ тыри́ ладж.

Ереме́ё 21:4

‘Адя́кэ ракирэ́ла Рай Дэвэ́л, Израилёскиро Дэвэ́л: ‘А́кэ, Мэ рискира́ва палэ мардытка, со исын дрэ тумарэ́ васта́, савэ́нца тумэ́ марэнапэ Вавилоно́скирэ крали́са и Халдее́нца, савэ́ обчхудэ трусця́л тумэн халадэнца яври́, пал барунэ́ ва́нты, и Мэ скэда́ва лэн машкира́л дава́ фо́ро.

Ереме́ё 15:6

Тырэ́ мануша́ мэкнэ́ Ман!’, – ракирэ́ла Рай Дэвэ́л, – тумэ́ дынэпэ палэ. Палдава́ Мэ протырдава (ґазда́ва) Пэ́скиро васт пэ тумэ́ндэ, и Мэ хасякира́ва тумэн: Мэ кхиныём тэ отмэкав (тэ простинав) тумэ́нгэ.

Isajos 1:24

Палдава́ адя́кэ пхэнэ́ла Рай Дэвэ́л, болыбна́скирэ-янголэ́нгиро, Зорало́ Израилёскиро: “О, ґазда́ва Мэ Пэс пэ одолэ́ндэ, кон нанэ Ма́нца, Мэ сыкава́ва Мирэ́ вэргэ́нгэ!

Яви́р Зако́но 28:63

И явэ́ла адя́кэ, со сыр радындяпэ Рай Дэвэ́л, ке́ли кэрдя́ тумэ́нгэ лачхипэ́н и кэрдя́ буты́р тумэн, адя́кэ явэ́ла тэ радынэ́лпэ Рай Дэвэ́л, хасякири тумэн и традыи тумэн, и явэ́на вытрадынэ́ тумэ́ пхувья́тыр, пэ сави́ джа́са, соб (кай) тэ лэс ла.

Osija 10:9

О, Израилё Тырэ́ манушэ кэрдэ́ буты́р грэ́хи сыр и дро долэ́ дывэсэ́ дрэ Гива́, – одо́й тумэ́ ячнэ́пэ. Ци со марибэ́н дрэ Гавао́но (Гива́) проти чхавэ́ндэ, савэ́ кэрэ́на чорипэ́н, на догия́ кэ ёнэ?

3 Kralip 12:28

И, лый годыпэ́н (порадины), кра́ли кэрдя́ дуе́н сувнакунэн тэрнэ́ гурувэ́н и пхэндя́ манушэ́нгэ: “На тумэ́нгэ тэ псирэ́с дро Ерусалимо; ґа́да, исын тырэ́ дэвэла́, Израилё, савэ́ вылыджинэ́ тут Египто́скирэ пхувья́тыр.

Ióvo 39:10

Ци дэ́са ра́да ту шэлэнца тэ припхандэс бусонэ гурувэ́с кэ ле́сьни (борозны)? Ци явэ́ла ёв тэ пхаравэл пхув пал ту́тэ?

Osija 4:19

Балва́л учхакирэ́ла лэн пэ́скирэ пхакэнца, и ёнэ явэ́на ладжакирдэ́ лэ́нгирэ свэнтонэ́ дыибнэндыр.’