Osija 1:6 - Библия - Пэ Балтитко Романи чиб (Романэс) 2019

⁶ И ёй нэвэ́стыр яця́ пхари́ и ёй бияндя́ чхаёрья. И Дэвэ́л пхэндя́ Осияскэ: “Дэ лав ла́кэ Лорухама, пал-дова́ со Мэ буты́р на ява́ва тэ сыкавав ла́ска пэ кхэр Израилёскиро, соб (кай) тэ отмэкав банг лэ́нгэ.

Biblija - Pe Baltitko Romani čib (Romanes) 2019

⁶ I joj nevéstyr jaciá pharí i joj bijandiá čhajorja. I Devél phendiá Osijaske: “De lav láke Loruhama, pal-dová so Me butýr na javáva te sykavav láska pe kher Izrailjoskiro, sob (kaj) te otmekav bang lénge.

Osija 1:6 Referans Kwoze

1 Petr 2:10

тумэн, савэ́ на сыс Лэ́скирэ мануша́, а какана́ тумэ́ ячнэ́ Лэ́скирэ манушэ́нца, ґарэдыр тумэн на тангиндлэ (на жалиндлэ), акана́ исын Дэвлэ́скиро тангипэ́н кэ тумэ́.

Osija 2:23

И Мэ почхувава ла ваш Пэ́скэ пэ пхув, и Мэ сыкава́ва ла́ска пэ ‘Лорухаматэ,’ и Мэ пхэна́ва кэ ‘Лоами’ (на Мирэ́ мануша́): тумэ́ сан Мирэ́ мануша́’! И ёнэ пхэнэ́на: ‘Ту сан амаро́ Дэвэ́л!’”

Osija 2:4

Мэ на сыкава́ва ла́ска ваш ла́кирэ чхаворэнгэ (биятэнгэ), пал-дова́ со ёнэ исын бияты биладжакунэ́ джувлятыр.

4 Kralip 17:6

Пэ еня́то бэрш, сыр лыя́ тэ кралинэ́л Осия, Асирия́киро кра́ли лыя́ Сама́рия, и лыджия́ Израильтянэ́н тэ дживэ́н кэ Асирия, и чхудя́ лэн дрэ Халахо и дро Хаворо, пашы́л рэка (лэнь) Гозано, и дрэ фо́рья Мидиякирэ.

Isajos 27:11

Ко́ли лэ́скирэ рандя́ зашутёна, лэн обпхагирэна; явэ́на джувля́ (манушня) и схачкирэна лэн. Пал-дова́ со ёнэ исын народо бигодякиро, Ёв на потангинэла лэн, Одова́, Кон саро́ создыя́.

Osija 1:8

И, акэ, пало́ (после) дова́, сыр Гомерь дыя́ колы́н Лорухамакэ, ёй яця́ пхари́ и бияндя́ чхаворэс.

4 Kralip 17:20

И отрисия Рай Дэвэ́л сарэ́ Израилёскирэ родэндыр, и примириндя (тэлякирдя) лэн, и отдыя́ лэн дрэ васта́ чорэнгэ, и пэ ко́нцо (яго́ро) отрискирдя лэн Пэ́скирэ мо́стыр.

Amoso 7:8

И пхэндя́ Рай Дэвэ́л ма́нгэ: “Амосэ! Со дыкхэ́са ту?” Мэ пхэндём: “Моловано́ отвесо.” Тэ́ньци Рай Дэвэ́л пхэндя́: “Акэ, Мэ чхува́ва отвесо машки́р Мирэ́ манушэ́ндэ Израилёстыр: Мэ буты́р на ява́ва тэ отмэкав банг лэ́нгэ.

Amoso 9:8

Акэ, якха́ (Мирэ́) Ра́скирэ-Дэвлэ́скирэ дыкхэ́на пэ грэхи́тко кралипэ́н, и Мэ хасякира́ва лэс сарэ́са пхувья́тыр, нэ Мэ сарэ́са на хасякира́ва кхэр Яково́скиро”, – ракирэ́ла Рай Дэвэ́л.