Osija 1:4 - Библия - Пэ Балтитко Романи чиб (Романэс) 2019

⁴ И пхэндя́ Рай-Дэвэ́л лэ́скэ: “Дэ лав лэ́скэ Изреелё, пал-дова́ со ишчо (инкэ́) на́бут и проджа́ла и Мэ дукхавава палэ пал рат дро Изрееле, со прочхудяпэ дро кхэр Ииуёскиро (Игуёскиро), и Мэ кэра́ва адя́кэ, со пириячэна тэ явэ́н кра́лья кхэрэ́стыр Израилёскирэстыр.

Biblija - Pe Baltitko Romani čib (Romanes) 2019

⁴ I phendiá Raj-Devél léske: “De lav léske Izriejeljo, pal-dová so iščo (inké) nábut i prodžála i Me dukhavava pale pal rat dro Izriejelie, so pročhudiape dro kher Iiujoskiro (Igujoskiro), i Me keráva adiáke, so pirijačena te javén králja kheréstyr Izrailjoskirestyr.

Osija 1:4 Referans Kwoze

Osija 1:9

И пхэндя́ Рай-Дэвэ́л Осияскэ: “Дэ лав лэ́скэ Ло-амми́, пал-дова́, со тумэ́ на сан Мирэ́ мануша́, и Мэ на ява́ва тумаро́ Дэвэ́л.”

Osija 1:6

И ёй нэвэ́стыр яця́ пхари́ и ёй бияндя́ чхаёрья. И Дэвэ́л пхэндя́ Осияскэ: “Дэ лав ла́кэ Лорухама, пал-дова́ со Мэ буты́р на ява́ва тэ сыкавав ла́ска пэ кхэр Израилёскиро, соб (кай) тэ отмэкав банг лэ́нгэ.

Езэкилё 23:31

Ту псирэсас тырэ́-пхэнякирэ дромэ́са, палдава́ Мэ да́ва ту́кэ дро васт ла́киро тахта́й (чаша).’

Езэкилё 23:10

Ёнэ откэрдэ ла́киро нангипэ́н, залынэ ла́кирэ чхавэ́н и ла́кирэ чхае́н, а ла мулякирдэ́ куртала́са. Ёй кэрдя́пэ ладжакунэ лавэ́са машки́р джувлендэ, ке́ли ёнэ кэрдэ́ сэ́ндо пэ ла́тэ.

Ереме́ё 23:2

Палдава́ адя́кэ ракирэ́ла Рай Дэвэ́л, Израилёскиро Дэвэ́л пал чхупнарьендэ (пастырендэ), кон чалякирэла Лэ́скирэ манушэ́н: “Тумэ́ росчхурдынэ (рострадынэ) Миро гурто и традынэ лэн криг, и тумэ́ на дыкхнэ́ пал лэ́ндэ. Акэ, Мэ ява́ва тэ сэндякирав тумэн пал биба́хт (тумарэ́ фуй рэ́нды), со тумэ́ кэрдэ́”, – ракирэ́ла Рай Дэвэ́л.

Ереме́ё 3:8

И дыкхця́ Юдэ́я дава́, ке́ли пир причына, со Израилё отгия́ патяибнастыр и лэ́скирэ мануша́ уса́ сыкавэнас камибэн кэ яви́р дэвлорэ́ сы́рбы налачхи джувлы́, то Мэ бичхадём Израилёскирэ манушэ́н криг Пэ́стыр, и дыём лэ́скэ розгиныбнытко лыл (фода), нэ лэ́скири здыибнаскири пхэн Юдэ́я на дарандыя, нэ ёй гия́ и ёй адя́кэ-паць сыкадя́ паты́в кэ яви́р дэвлорэ́.

Isajos 9:6

Пал-дова́ со Бия́то бия́ндыя амэ́нгэ, чхаво́ исын дыно́ амэ́нгэ; Ёв лэ́ла зор дро Пэ́скиро васт, и дэ́на Лэ́скэ лав: Лачхо́ Годыпнари, зорало́ Дэвэ́л, Дад, конэ́стэ исын ве́чно джиибэ́н, далэ́-свэтоскиро Тхага́ри (Князё).

Isajos 7:14

Нэ кокоро́ Рай Дэвэ́л дэ́ла ґерты́к/ досыкаибэн тумэ́нгэ: акэ, э патывалы́ тэрны́ джувлы́ прилэ́ла и биянэ́ла чхавэ́с, и дэ́на Лэ́скэ лав: Эмануило.

4 Kralip 15:29

Дрэ дывэса́ Факеёскирэ, Израилёскирэ-крали́скирэ, явдя́ Феглафеласаро, Асирия́киро кра́ли, и лыя́ Ионо, и Асоро, и Галаа́до, и Галиле́я, сари́ пхув Нефалимоскири, и пирилыджия лэн тэ дживэ́н дрэ Асирия.

4 Kralip 10:17

Сыр явдя́ Ииу́ё дрэ Сама́рия, ёв домардя́ сарэ́н манушэ́н, савэ́ ячнэ́пэ Ахавостэ дрэ Сама́рия адя́кэ, со сарэ́са вымардя лэс, пир Ра́скирэ-Дэвлэ́скиро лав, саво́ Ёв пхэндя́ Илияскэ.

Joannostir 1:42

Ёв яндя́ лэс кэ Ису́со. Ису́со, подыкхи пэ лэ́стэ, пхэндя́: “Ту сан Си́моно, Ианоскиро Чхаво́; тут явэ́на тэ кхарэ́н “Кифа” – дава́ значынэ́ла: бар (Пэ́три).

Luka 1:63

Ёв мангдя́ пхалори тэ чхинэл, и чхиндя́ “Иа́но” лэ́скэ лав и сарэ́ ж дивиндлэ́пэ пэ дава́.

Luka 1:31

И Ту явэ́са пхари́, и биянэса Чхавэ́с, и Ту дэ́са лав Лэ́скэ Ису́со.

Luka 1:13

Нэ Янго́ло пхэндя́ Лэ́скэ: “На андырша, Заха́рия, пал-дова́ со Дэвэ́л шундя́ тыро́ мангипэ́н, и тыри́ ромны́ биянэ́ла чхавэ́с, и ту дэ́са лав Лэ́скэ Иа́но.

Матфеё 1:21

ёй биянэ́ла Чхавэ́с, ту дэ́са Лэ́скэ лав Ису́со, пал-дова́ со Ёв зракхэ́ла Пэ́скирэ манушэ́н грэхэ́ндыр.”

Osija 9:17

Миро, Осияскиро Дэвэ́л, чхувэ́ла лэн криг Пэ́стыр, пал-дова́ со ёнэ на кандынэ́ Лэс; и ёнэ явэ́на псирибна́скирэ мануша́ (скитальцы) машки́р Наюды́тка на́цыи (народы).

Osija 2:22

Пхув шунэла и дэ́ла гив (маро́), и мол (вино), и дзэт (елеё), и адалэ́ ушунэна Изреелёс [Израилёскэ-ю.о.].

Osija 2:13

И Мэ пхарэ́с сэндякирава ла пал кодолэ́ дывэса́, пэ савэ́ ёй тхувалякирдя дро́га смо́лы Ваалэнгэ. Ёй шукарьякирдя пэс чэненца и мирикленца, и ёй гия́ пал ла́кирэ камлытконэ муршэндэ, и тэды ёй бистырдя Ман”, – ракирэ́ла Рай Дэвэ́л.

4 Kralip 15:8

Пэ трия́нда-охто́то бэрш Азарияскиро, крали́скиро Юдэя́тыр, яця́ крали́са о Заха́рия, Еровоамоскиро чхаво́, пэ Израилё дрэ Сама́рия, и сыс крали́са шов чхона́.

Ереме́ё 20:3

И адя́кэ сыс пэ яви́р дывэ́с: Пасхоро вымэкця Еремеёс калодкэндыр, и Ереме́ё пхэндя́ лэ́скэ: “Рай Дэвэ́л на явэ́ла тэ кхарэл тут лавэ́са ‘Пасхоро, а Магор-Мисавиво.

Isúso 19:18

межакирэ ригаса лэнгирьяса сыс: Изреелё, Кесулофо и Сунемо,

4 Kralip 10:1

Ахавостэ сыс эфтадэша́ (битрияндэнгиро шэл) чхавэ́ дро Сама́рия. И чхиндя́ Ииу́ё лыла́, и бичхадя́ дрэ Сама́рия кэ барыдыра́ Изреёлёскирэ, пхурыдырэнгэ и опекунэнгэ Ахавоскирэ чхаворэнгирэнгэ, дасавэ́ лавэ́нца:

Isajos 8:3

Лыём пэ́скэ джувля́ пророчыца дрэ ромня́тэ, ёй бияндя́ ма́нгэ чхавэ́с. И пхэндя́ ма́нгэ Рай Дэвэ́л: “Дэ лэ́скэ лав ‘Магер – шелал – хаш – баз.’

Amoso 9:8

Акэ, якха́ (Мирэ́) Ра́скирэ-Дэвлэ́скирэ дыкхэ́на пэ грэхи́тко кралипэ́н, и Мэ хасякира́ва лэс сарэ́са пхувья́тыр, нэ Мэ сарэ́са на хасякира́ва кхэр Яково́скиро”, – ракирэ́ла Рай Дэвэ́л.