Osija 1:11 - Библия - Пэ Балтитко Романи чиб (Романэс) 2019

¹¹ Тэды чхавэ́ Юда́скирэ и чхавэ́ Израилёскирэ кэдэнапэ кхэтанэ́ и ёнэ чхувэ́на пэ́скэ екхэ шэралэс, и ёнэ джа́на криг чужонэ́ пхувья́тыр, пал-дова́ со баро́ явэ́ла дывэ́с Израилёскиро.

Biblija - Pe Baltitko Romani čib (Romanes) 2019

¹¹ Tedy čhavé Judáskire i čhavé Izrailjoskire kedenape khetané i jone čhuvéna péske jekhe šerales, i jone džána krig čužoné phuvjátyr, pal-dová so baró javéla dyvés Izrailjoskiro.

Osija 1:11 Referans Kwoze

Osija 3:5

Пало́ (после) дава́ чхавэ́ Израилёскиро рисёна, и ёнэ явэ́на тэ родэ́н Рас-Дэвлэ́с, лэ́нгирэ Дэвлэ́с, и лэ́нгирэ крали́с Давидо́с: и ёнэ явэ́на тэ дарэ́н Ра́стыр-Дэвлэ́стыр и тэ рисён кэ Лэ́скиро лачхипэ́н дрэ палатунэ́ (последня) дывэса́.

Ереме́ё 31:33

‘Акэ, исын Заве́то, саво́ Мэ счхувава Израилёскирэ кхэрэса и Юдэя́кирэ кхэрэса. Палэ долэ́ дывэса́’, – ракирэ́ла Рай Дэвэ́л’, – ‘Мэ чхува́ва Миро Зако́но андрэ́ лэ́ндэ и Мэ чхина́ва дава́ дро лэ́нгирэ илэ, и Мэ ява́ва лэ́нгиро Дэвэ́л, и ёнэ явэ́на Мирэ́ мануша́.

Римлянэнгэ 11:15

Ко́ли лэ́нгиро отгиибэн янэ́ла свэтоскэ рама́нё (миро) Дэвлэ́са, тэды со ж явэ́ла, ке́ли Дэвэ́л прилэ́ла лэн нэвэ́стыр? А дава́ явэ́ла сы́рбы отджидыибэн мулэ́ндыр.

Ереме́ё 50:19

Нэ Мэ яна́ва палэ Израилё пэ лэ́скири чаритко фэ́лда (пажыть) и лэ́скирэ мануша́ явэ́на тэ чаравэнпэ пэ Кармило и Васа́но; и лэ́скиро ди явэ́ла чало пэ бэ́рга Ефраимо и Галаа́до.

Ереме́ё 30:3

Акэ явэ́на дывэса́’, – ракирэ́ла Рай Дэвэ́л, – ‘Ке́ли Мэ яна́ва палэ плено́стыр Мирэ́ манушэ́н Израилёстыр и Юдэя́тыр’, – ракирэ́ла Рай Дэвэ́л. ‘И Мэ кэра́ва адя́кэ, соб (кай) ёнэ тэ рисён пэ пхув, сави́ Мэ дыём лэ́нгирэ дадэ́нгэ, соб (кай) ёнэ тэ явэ́н хулая́ пэ ла́тэ.’”

Psalmy 110:3

Тырэ́ мануша́ янэ́на пэс дро Тырэ́-зоралыпнаскиро дывэ́с свэнтонэ́ райканэ слава́са: Тырэ́ тэрнэ́ бияндёна сыр пахлын (роса), сави́ сыс пэ зло́ко (пэ ра́нко).

Ереме́ё 30:7

Пэ биба́хт (бари би́да), явэ́ла баро́ дава́ дывэ́с, со буты́р дасаво нанэ и на явэ́ла, И адя́кэ-паць явэ́ла пхаро́ Яково́скэ, нэ ёв явэ́ла зракхно;

Ереме́ё 30:21

Лэ́нгиро тхага́ри явэ́ла лэ́ндыр кокорэндыр/ лачхэ́-родоскирэндыр, и лэ́нгиро баро́ рай (владыка) явэ́ла лэ́нгирэ манушэ́ндыр, и Мэ кэра́ва адя́кэ, соб (кай) ёв тэ явэ́л пашэдыр; и Ёв подджа́ла кэ Мэ. Пал-дова́ со, кон исын адасаво́ муршкано́, соб (кай) тэ зачхувэл пэ́скиро ило́ тэ явэ́л пашэдыр кэ Мэ?’, – ракирэ́ла Рай Дэвэ́л.

Ереме́ё 32:37

Акэ, Мэ ява́ва тэ кэдав лэн сарэ́ тхэмэндыр (странэндыр), кэ савэ́ Мэ традыём лэн дрэ Мири́ холы́, и дро Миро холякирибэ́н, и дро Мири́ хор холы́, и Мэ яна́ва палэ лэн пэ дава́ штэ́то, и Мэ да́ва лэ́нгэ тэ дживэ́н би дара́киро.

Езэкилё 39:25

Палдава́ адя́кэ ракирэ́ла Рай-Дэвэ́л, Дэвэ́л: ‘Акана́ рискира́ва Мэ Яково́с плено́стыр, и потангинава (пожалинава) саро́ Израилёскиро кхэр, Мэ ява́ва тэ зэвлынав пир Миро свэ́нто лав.

Osija 2:1

Ракирэ́н тумарэ́ пшалэ́нгэ: ‘Мирэ́ мануша́лэ,’ и ракирэ́н тумарэ́ пхэненгэ: ‘Потангиндлы’ (пожалиндлы).’