Osija 1:1 - Библия - Пэ Балтитко Романи чиб (Романэс) 2019

¹ Акэ, исын лав Ра́скирэ-Дэвлэ́скиро, саво́ явдя́ Осия́скэ, чхавэ́скэ Беероскирэ́скэ дрэ долэ́ дывэса́, ке́ли раиндлэ́ штар кра́лья Юдэя́кирэ: Ози́я, Иоафа́мо (Ёфамо), Аха́зо, и Езэки́я и дрэ долэ́ са́ма дывэса́, ке́ли кралиндя́ пэ Израилё о Еровоа́мо (Иеровоамо), чхаво́ Ёасоскиро (Иоасоскиро).

Biblija - Pe Baltitko Romani čib (Romanes) 2019

¹ Ake, isyn lav Ráskire-Devléskiro, savó javdiá Osijáske, čhavéske Biejeroskiréske dre dolé dyvesá, kiéli raindlé štar králja Judejákire: Ozíia, Ioafámo (Jofamo), Aházo, i Jezekíia i dre dolé sáma dyvesá, kiéli kralindiá pe Izrailjo o Jerovoámo (Iierovoamo), čhavó Joasoskiro (Ioasoskiro).

Osija 1:1 Referans Kwoze

Римлянэнгэ 9:25

И Ёв адя́кэ-паць пхэндя́ Осияскэ: “На Мирэ́ манушэ́н Мэ ява́ва тэ кхарав Мирэ́ манушэ́нца, и одолья, савья́ Мэ на покэрдём (сави́ на яця́ пир ило́ Ма́нгэ), Мэ ява́ва тэ кхарав ‘мирэ́ дрогонаса.’

Mihiejo 1:1

Акэ, сыс лав Ра́скирэ-Дэвлэ́скиро, саво́ явдя́ Михеёскэ Морасфеёстыр дрэ долэ́ дывэса́, ке́ли сыс трин кра́лья Юдэя́кирэ: Иофа́мо, Аха́зо и Езэки́я. Дава́ лав Дэвэ́л сыкадя́ лэ́скэ дрэ сунэ́, со явэ́ла Самарияса и Ерусалимоса.

Isajos 1:1

Акэ, исын Исаёскиро, Амосо́скирэ-чхавэ́скиро дыкхибэ́н, саво́ ёв дыкхэ́лас пал Юдэ́я и Ерусалимо, дрэ долэ́ дывэса́, ке́ли Ози́я, Иофа́мо, Аха́зо и Езэки́я сыс Юдэя́кирэ кра́лья.

Amoso 1:1

Лава́ Амосо́скирэ, кон сыс екх чхупна́ри (пастухо) дрэ Фекоя [Тэкоа-ю.о.], савэ́ лэ́скэ Рай Дэвэ́л сыкадя́ дрэ сунэ́, дрэ одолэ́ дывэса́, ке́ли о Ози́я сыс кра́ли пэ Юдэ́я, и дрэ дывэса́, ке́ли о Иеровоамо, чхаво́ Иоасоскиро, сыс кра́ли пэ Израилё дуй бэрш анги́л пхувья́киро тринскирибэн.

4 Kralip 15:32

Пэ яви́р бэрш Факеёскиро, Ремалииноскирэ чхавэ́скиро, кон сыс Израилёскиро кра́ли яця́ крали́са Иоафамо, Ози́яскиро чхаво́, кон сыс кра́ли пэ Юдэ́я.

4 Kralip 14:16

И пасия́ о Иоа́со пэ́скирэ дадэ́нца, и гарадо́ сыс дрэ Сама́рия Израилёскирэ кралье́нца. И яця́ крали́са о Еровоа́мо, лэ́скиро чхаво́, пэ штэ́то лэ́скиро.

2 Petr 1:21

пал-дова́ со мануша́ ние́кхвар вагэдыр (ґарэдыр) на ангилпхэнэнас пир пэ́скири во́ля, а дава́ ракирдэ́ свэ́нта Дэвлэ́скирэ мануша́, ке́ли Свэ́нто Ду́хо (Фа́но) лыджия́ лэн.

Joannostir 10:35

Ко́ли Ёв кхардя́ дэвлэнца одолэ́н, кэ савэ́ сыс Дэвлэ́скиро лав, а Свэ́нто Чхиныбэ́н на могинэ́ла тэ парудёл,

Заха́рия 1:1

Пэ охто́то (бидуе́нгиро дэ́што) чхон, пэ яви́р бэрш Дариёскиро, сыс лав Ра́скирэ-Дэвлэ́скиро кэ Заха́рия, Варахияскиро чхаво́, Идоскирэ-чхавэ́скиро, кон сыс проро́ко; пхэны:

Jona 1:1

И, акэ, явдя́ лав Ра́скирэ-Дэвлэ́скиро Ёнаскэ (Ионаскэ), чхавэ́скэ Амафиёскирэскэ, пхэни́:

Ioil 1:1

Лав Ра́скирэ-Дэвлэ́скиро, со явдя́ Иоилёскэ, чхавэ́скэ Вафуилоскирэскэ [Пэтуилоскирэскэ-ю.о.]

Езэкилё 1:3

Сыс Ра́скирэ-Дэвлэ́скиро лав кэ Езэкилё, Вузияскирэ чхавэ́скэ, раша́скэ пэ Халдеенгири пхув, пашы́л рэка (лэнь) Ховар, и сыс пэ лэ́стэ одо́й Ра́скирэ-Дэвлэскро васт.

Ереме́ё 1:4

И сыс кэ мэ, Еремеёскэ, лав Ра́стыр-Дэвлэ́стыр и пхэндя́:

Ереме́ё 1:2

Лэ́скэ бичхадя́ Рай Дэвэ́л Пэ́скиро лав, дрэ дывэса́ Иосияскирэ (Ёсияскирэ), кон сыс Юдэя́киро кра́ли дро дэшутрито бэрш, сыр ёв сыс кра́ли.

4 Kralip 13:13

И пасия́ Иоа́со пэ́скирэ дадэ́нца, а Еровоа́мо бэстя́ пэ лэ́скиро троно. И гарадо́ сыс Иоа́со дрэ Сама́рия Израилёскирэ кралье́нца.

4 Kralip 14:23

Пэ дэшупанджто бэрш Амасияскиро, Иоасоскирэ-чхавэ́скиро, кон сыс кра́ли пэ Юдэ́я, яця́ крали́са Еровоа́мо, Иоасоскиро чхаво́, Израилёскиро кра́ли, дрэ Сама́рия, и сыс ёв крали́са штардэша́ екх бэрш.

4 Kralip 15:5

И домардя́ Рай Дэвэ́л дукхаса крали́с, и сыс ёв насвало́ проказаса кэ пэ́скиро мэрибнаскиро дывэ́с, и дживдя́ дро яви́р кхэр. А Иофа́мо, крали́скиро чхаво́, сыс барыдырэ́са пэ кхэр и рикирдя зор пэ пхувья́кирэ манушэ́ндэ.

4 Kralip 15:7

И пасия́ о Аза́рия пэ́скирэ дадэ́нца, и гарадэ́ лэс дадэ́нца лэскирэнца дро Давидо́скиро фо́ро. И яця́ крали́са Иофа́мо, лэ́скиро чхаво́, пэ штэ́то лэ́скиро.

2 Паралипоменоно 27:1

Биш тэ пандж бэрш сыс Иоафамоскэ, ке́ли ёв яця́ крали́са, и дэшушов бэрш ёв сыс крали́са дро Ерусалимо; лав лэ́скирэ-да́киро сыс Иеруша́, Садокоскири чхай.

2 Паралипоменоно 28:1

Биш бэрш сыс Ахазоскэ, ке́ли ёв яця́ крали́са, и дэшушов бэрш ёв сыс крали́са дро Ерусалимо; и ёв на кэрдя́ лачхэ́с дрэ Ра́скирэ-Дэвлэ́скирэ якха́, сыр кэрдя́ Дави́до, лэ́скиро дад;

2 Паралипоменоно 29:33

Яви́р свэ́нта дыибэна́ Ра́скэ-Дэвлэ́скэ сыс шовшэла́ барэ́ кхэритконэ́ мурдалэ́ндыр (ското́стыр) и трин тысёнцы тыкнэ́ мурдалэ́ндыр (ското́стыр).

Isajos 7:1

Сыс дрэ долэ́ дывэса́, ко́ли Аха́зо, Иофамо́скиро чхаво́, Ози́яскиро чхаво́ сыс кра́ли пэ Юдэ́я, о Рецыно, Сирия́киро кра́ли, о Факеё, Ремалиёскиро чхаво́, кра́ли Израилёскиро, гинэ́ марибна́са пэ Ерусалимо, нэ на лынэ́ лэс.