Naumo 2:1 - Библия - Пэ Балтитко Романи чиб (Романэс) 2019

¹ Мулякирибнаскиро джа́ла пэ ту́тэ, Ниневие! Ракх форо́скирэ зорьякирдэ ва́нты! Дыкхэ́н цямкэс пало́ дром, зорьякирэн тумарэ́ фланги! Скэдэ́н бутэды́р тумари́ зор!

Biblija - Pe Baltitko Romani čib (Romanes) 2019

¹ Muliakiribnaskiro džála pe túte, Ninievije! Rakh foróskire zorjakirde vánty! Dykhén ciamkes paló drom, zorjakiren tumaré flangi! Skedén butedýr tumarí zor!

Naumo 2:1 Referans Kwoze

2 Паралипоменоно 25:8

Нэ ту джа́ екхджино́, кэр рэ́ндо, муршканэ́с марпэ пэ марибэ́н. А пэ яви́р (явирчанэс) тут Дэвэ́л равэла тэлэ́ анги́л муй вэргоскиро; пал-дова́ со исын зор Дэвлэ́стэ тэ подрикирэ́л и тэ равэл тэлэ́.”

Ереме́ё 50:23

Сыр дава́ млото (свиринд/хамло), со сыс пир сари́ пхув, яця́ чхиндло́ пэ котэра́ и пхагирдо́! Сыр да Вавило́но яця́ дивоса трашаса машки́р на́цыи?!

Isajos 14:6

саво́ холя́са замарэлас народы, холя́са исыс баро́ Рай дрэ кхэри́тка ро́ды, и традэлас лэн.

Ереме́ё 25:9

акэ, Мэ бичхава́ва, и Мэ ла́ва сарэ́ сэм΄и (ирья́) паш-ратитконэ́ (севернонэ) рига́тыр’, – ракирэ́ла Рай Дэвэ́л, – ‘и Мэ бичхава́ва лэн кэ Навуходоносо́ро, кра́ли пир Вавило́но, Миро писха́ри, и Мэ яна́ва лэн проти дая́ пхув, и проти манушэ́ндэ, кон дживэ́ла пэ дая́ пхув, и проти сарэ́ далэ́ Наюды́тка на́цыи, савэ́ исын трусця́л, и Мэ сарэ́са хасякира́ва лэн, и Мэ кэра́ва адя́кэ, со мануша́ явэ́на тэ дивинэнпэ трашатыр (дара́тыр) пэ лэ́ндэ, тэ дэн шоля сабнаса и лэ́нгэ явэ́ла ве́чно хась/ хасибэ́н.

Psalmy 50:14

Ян свэ́нто дыибэ́н парикирибнаса Дэвлэ́скэ и отдэ́ палэ Най Вучэдырэскирэскэ, пал со ту дыя́н совла́х.

Psalmy 65:2

Ту, Дэ́вла, сан мол, соб (кай) тэ шарэ́н Тут пэ Сио́но и Ту́кэ мануша́ дэ́на совла́х.

Isajos 29:7

Сыр суно́, сыр дыкхибэ́н ратя́киро, ячэ́ла народонэнгиро бутыпэн, савэ́ явэ́на тэ марэ́нпэ Ариилоса, савэ́ явэ́на тэ ґаздэ́напэ пэ лэ́стэ и стасавэна лэс.

Isajos 29:8

И сыр бокхалэ́ манушэ́скэ, саво́ дыкхэ́ла сунэ́, со ёв ха́ла, а уштыя́ – ничи́ нанэ, сыр саво́ древа́н камэ́ла тэ пьел манушэ́скэ, саво́ дыкхэ́ла сунэ́, со ёв пьела, нэ уштыя́ и ничи́ нанэ, ди лэ́скиро млеинэла (исын трушало), адя́кэ явэ́ла народо лэ́нгирэ бутыпнаса, савэ́ марэнапэ бэргаса Сионоса.

Isajos 52:7

Савэ лачхэ́, савэ́ гожа исын пэ бэ́рги одолэ́-манушэ́скирэ ґэра́, саво́ пхэнэ́ла лачхи́ зан (звесь), саво́ пхэнэ́ла пал ра́дыма, роспхэнэ́ла пал зракхибэ́н, саво́ ракирэ́ла Сионоскэ: “Прилыя́ кралипэ́н тыро́ Дэвэ́л!”