Naumo 1:3 - Библия - Пэ Балтитко Романи чиб (Романэс) 2019

³ Рай Дэвэ́л насыгэс холясо́ла (ґара́ / длу́гэс ужакирэ́ла) и Лэ́стэ исын баро́ зоралыпэ́н. И Ёв на ковлякирэла ило́ анги́л бибахталэндэ: сыр о Рай Дэвэ́л псирэ́ла, тэды ґаздэ́напэ рискирибнаскири балва́л и штормо, и о́блоки сыр пра́хо вурняна тэл Лэ́скирэ ґэра́.

Biblija - Pe Baltitko Romani čib (Romanes) 2019

³ Raj Devél nasyges xoliasóla (ĥará / dlúges užakiréla) i Léste isyn baró zoralypén. I Jov na kovliakirela iló angíl bibahtalende: syr o Raj Devél psiréla, tedy ĥazdénape riskiribnaskiri balvál i štormo, i óbloki syr práho vurniana tel Léskire ĥerá.

Naumo 1:3 Referans Kwoze

Psalmy 147:5

Амаро́ Рай Дэвэ́л исын баро́ и древа́н зоралыпнаскиро, нанэ ме́ра пэ Лэ́скиро годыпэ́н.

Ниеми́я 9:17

Ёнэ на закамлэ тэ поддэнпэ, на пририпирдэ ди́вы тырэ́, савэ́ ту кэрдя́н лэ́нца, и рикирдэ мэн упрэ́ и пир пэ́скири во́ля палэ чхудэ́ анги́л пэ́стэ шэралэс, соб (кай) тэ явэ́н писхарье́нца. Нэ Ту, сан Дэ́вла, Саво́ выкэдэ́ла тэ отмэкэ́л грэ́хи, Саво́ длэнгэс вырикирэ́ла, и Ту на ячкирдян лэн.

Psalmy 145:8

Рай Дэвэ́л исын лачхэдескиро (милосно) и тангипнаскиро и, Ёв насыг холясо́ла, и исын древа́н лачхэ́-илэ́скиро.

Psalmy 104:3

Ту чхудя́н бэльки (страпилы) тэл стрэ́ха (чхаки́н) ваш шука́р шту́бы (комо́ры), со исын тэл паня́, Ту кэрдя́н облокэндыр Пэ́скэ марибны́тко вурдэ́н, Ту псирэса ўсендзе (везде) пэ балвалякирэ пхака́,

Psalmy 103:8

Рай Дэвэ́л исын лачхэ́-илэ́скиро и тангинэла сарэ́н, Ёв насыгэс холясо́ла и исын барвало́ тэ сыкавэ́л Лэ́скири лачхэ́-илы́ткима.

Jakov 1:19

Джинэ́н, мирэ́ дро́га пшала́лэ: мэк кажно ману́ш буты́р тэ шунэ́л ле́нтэс/поволинькэс (насыгэс) тэ ракирэ́л, ле́нтэс тэ холясол.

Заха́рия 9:14

И явэ́ла упра́л лэ́ндэ Рай Дэвэ́л, и сыр блискавица вурняла яври́ марибны́тко буст (стрела) Лэ́скири, и загриминэла Рай Дэвэ́л дро ро́го (труба) и сыкадёла машки́р паш-дывэсы́тко (южно) рискирибнаскири балва́л.

Isajos 66:15

Акэ, дрэ яг Рай Дэвэ́л явэ́ла, и лэ́скирэ вурдэна́ – сыр зоралы́ балва́л. И явэ́ла, соб (кай) тэ сыкавэ́л Пэ́скири холы́ зорья́са тэ сыкавэ́л Пэ́скирэ лава́ пал холы́ хачкирдэ́ яга́са.

Ióvo 9:4

Дэвэ́л исын годо́ илэ́са и зоралыпнаса: кон тэрдёлас дрэ стонка маму́й Лэ́стэ, ци кодова́ ячэ́лапэ дро рама́нё (покоё)?

Čysly 14:18

“О Рай Дэвэ́л ґара́ (длу́гэс) ужакирэ́ла и Ёв исын бутэ́-тангипнаскиро, Саво́ отмэкэ́ла грэ́хи и чорипэ́н, и Ёв на ячкирэ́ла би отпхэныбнаскиро, нэ Ёв чхувэ́ла ка́ра пал дадэ́нгиро чорипэ́н пэ чхавэ́ндэ кэ три́то и шта́рто ро́до.

Sykadyipén 1:7

Акэ, Ёв явэ́ла облокэ́нца, и кажно (сва́ко) ману́ш удыкхэ́ла Лэс, и кодолэ́, савэ́ пхусадэ́ Лэс чхурдыбнытконэ бустяса (копьёса) и сарэ́ пхувья́кирэ ро́ды явэ́на тэ дэн го́дла ясвэ́нца анги́л Лэ́стэ. Мэк адя́кэ тэ явэ́л. Ами́нь.”

Матфеё 26:64

Ису́со пхэндя́ Лэ́скэ: “Адя́кэ, сыр Ту пхэндя́н; нэ Мэ пхэна́ва тумэ́нгэ: Ададывэсатунэ дывэсэ́стыр тумэ́ дыкхэ́на Чхавэ́с Манушэ́скирэ, Саво́ явэ́ла тэ бэшэ́л пэ о́блоки болыбна́скирэ пир чачи́ (право) риг Дэвлэ́скирэ Зорьякири.”

Jona 4:2

И ёв мангдя́пэ Ра́скэ-Дэвлэ́скэ и пхэндя́ ёв: “О Раё Дэ́вла! Саро́ дава́ на пир мирэ́ лава́, со мэ пхэндём, ке́ли мэ ишчо (инкэ́) со́мас пэ пэ́скири пхув? Палдава́ мэ и насцём вагэдыр (ґарэдыр) кэ Фарсисо: пал-дова́ со мэ на джиндём, со Ту сан лачхэ́-дескиро Дэвэ́л, Саво́ сыкавэ́ла ла́ска, Саво́ ле́нтэс холясо́ла и кэрэ́ла бут-бут лачхипэ́н, Кон жалинэла тэ кэрэ́л бэдыпэн.

Дание́лё 7:13

Дыкха́вас мэ дро рати́тко дыкхибэ́н, акэ, болыбнытконэ облокэ́нца джа́лас о Чхаво́ манушэ́нгиро, догия́ кэ Пхурыдыр, ґаратунэ́-дывэсэнгиро и сыс лыджино кэ Ёв.

Isajos 19:1

Ангилпхэныбэ́н пал Еги́пто. – Акэ, Рай Дэвэ́л исын бэшто́ пэ болыбэ́н и явэ́ла дро Еги́пто. И издрана Лэ́скирэ мо́стыр и́долы Египто́скирэ, и ило́ Египто́скиро биладёла (ростаинэла) дрэ лэ́стэ.

Psalmy 66:3

Пхэнэ́н Дэвлэ́скэ: “Савэ барэ́ кэ дар исын Тырэ́ бутя́! Тырэ́ вэ́рги ячэ́на тэ кандэ́н Тут пал Тыро́ зоралыпэ́н.

Psalmy 62:11

На ри́скир ило́ тэ тасавэн манушэ́н, на пхутёв чорибнаса. Ко́ли розбарвалёса, усае́кх на отдэ́ пэ́скиро ило́ барвалыпнаскэ.

Ióvo 38:1

И отпхэндя́ Рай Дэвэ́л Иовоскэ рискирибна́скирэ балвалятыр (бурятыр) лавэ́нца:

Ióvo 10:14

Ко́ли мэ кэра́ва грэ́хи, тэ́ньчи Ту зарикирэса лэн дрэ годы́. И Ту на отчхакирэса ман мирэ́ чорипна́стыр.

Ioil 2:13

И рискирэ́н тумаро́ ило́, а на урибэ́н, рисён кэ Рай Дэвэ́л, тумаро́ Дэвэ́л, пал-дова́ со Ёв исын лачхэ́-де́скиро и бут исын ла́ска Лэ́стэ. Ёв ле́нтэс (насыгэс) холясо́ла, и Ёв исын лачхэ́-илы́тко; и Ёв тангинэла (жалинэла) анги́л дова́, сыр тэ кэрэ́л биба́хт.

Psalmy 50:3

Амаро́ Дэвэ́л явэ́ла и Ёв исын на штыл; яг, сави́ ха́ла саро́, джа́ла анги́л Лэ́стэ и явэ́ла древа́н штормитко балва́л.

2 Kralip 22:10

Бандякирдя Ёв болыбэ́н и гия́ тэлэ́; и калыпэ́н тэл Лэ́скирэ ґэра́;

Isajos 29:6

Рай Дэвэ́л, болыбна́скирэ-янголэ́нгиро, явэ́ла кэ ту громоса и зоралэ́ заня́са, со пхув явэ́ла тэ издрал, зоралэ́ балваляса, яга́са, сави́ саро́ схачкирэ́ла.

Ереме́ё 4:13

Акэ, вэ́рго джа́ла тэлэ́ сы́рбы о́блоки и лэ́скирэ марибны́тка вурдэна́ явэ́на сыр рискирибнаскири балва́л, а лэ́скирэ граё исын сыгэды́р орлэндыр (кидэндыр). “Бида амэ́нгэ! Пал-дова́ со амэ хасиям!”

Osija 8:7

Ёнэ посеиндлэ балва́л, и ёнэ счхинэна штормо: сыр гива́ лэ́ндэ сарэ́са на явэ́на пэ ґэро́й (колосо); на явэ́ла прибарипэн дро яржо́. Ко́ли и выбарьёла лэ́ндэ вари-со, то э чу́жа мануша́ накхавэна (проглынинэна) яржо́ (гив).