Naumo 1:2 - Библия - Пэ Балтитко Романи чиб (Романэс) 2019

² О Рай-Дэвэ́л исын зэвлыныпнаскиро Дэвэ́л, и Ёв отдэ́ла палэ сэндоса. Рай Дэвэ́л отдэ́ла палэ сэндоса, и Ёв исын древа́н дарано дрэ холы́. Рай Дэвэ́л отдэ́ла палэ сэндоса Лэ́скирэ намалэнгэ, и Ёв на потангинэла Лэскирирэ вэргэ́н [пригаравэла Лэ́скири бари холын пэ Лэ́скирэ вэргэ́ндэ-ю.о.].

Biblija - Pe Baltitko Romani čib (Romanes) 2019

² O Raj-Devél isyn zevlynypnaskiro Devél, i Jov otdéla pale sendosa. Raj Devél otdéla pale sendosa, i Jov isyn drieván darano dre xolý. Raj Devél otdéla pale sendosa Léskire namalenge, i Jov na potanginela Leskirire vergén [prigaravela Léskiri bari xolyn pe Léskire vergénde-ju.o.].

Naumo 1:2 Referans Kwoze

Заха́рия 8:2

“Адя́кэ ракирэ́ла янголэ́нгирэ-болыбна́скиро Рай Дэвэ́л: ‘Росхолясыём Мэ пэ Сио́но барэ́ холына́са, и барэ́ холя́са холясыём Мэ пэ лэ́стэ’.

Vygiiben 20:5

на кэр шэрэ́са (на кло́нинпэ) лэ́нгэ и на дынарин (на служын) лэ́нгэ; пал-дова́ со Мэ Рай Дэвэ́л, Дэвэ́л тыро́, Дэвэ́л, Саво́ зэвлынэла (ревнинэла), чхувэ́ла ка́ра пэ чхавэ́ндэ пал дадэнгири банг кэ три́то и шта́рто ро́до, конэ́скэ на сом дро́го Мэ,

Psalmy 94:1

О, Раё Дэ́вла, Саво́ чхувэ́ла ка́ра, Дэвлалэ, Саво́ чхувэ́ла ка́ра (хась), сыкадёв Кокоро́.

Vygiiben 34:14

пал-дова́ со ту́кэ нашты́ тэ мангэспэ явирэ дэвлорэскэ, апри́ч Растэ-Дэвлэ́стэ; пал-дова́ со лав Лэ́скиро-Ревнителё (Зэвлынари); Ёв исын Дэвэ́л Зэвлынари.

Isúso 24:19

Ису́со пхэндя́ манушэ́нгэ: “Тумэ́нгэ нашты́ тэ дынаринэ́н Ра́скэ-Дэвлэ́скэ, пал-дова́ со Ёв, Дэвэ́л, исын свэ́нто, исын Дэвэ́л зэвлыныпнытко (ревнителё), Ёв на явэ́ла тэ вырикирэл тумаро́ проштавибэн (беззакониё) и тумарэ́ грэ́хи.

Юдэ́нгэ 10:30

Амэ джина́са Одолэ́с, Кон пхэндя́: “Мэ отха́ва палэ́ (Мэ отомстинава), и Мэ ява́ва тэ чхував би́да” – ракирэ́ла Рай Дэвэ́л.” И нэвэ́стыр: “Рай Дэвэ́л явэ́ла тэ сэндякирэ́л Пэ́скирэ манушэ́н.”

Isajos 42:13

Рай Дэвэ́л выджа́ла сыр древа́н зорало́ мурш, сыр мурш марибны́тко, Ёв ґаздэ́ла зэвлыныпэ́н, Ёв кхарэ́ла кэ Пэ и дэ́ла го́дла марибныткэс, Ёв сыкавэ́ла Лэ́скирэ вэргэ́нгэ, со Ёв исын зорало́.

Яви́р Зако́но 4:24

пал-дова́ со Рай Дэвэ́л, Дэвэ́л тыро́, исын яг, сави́ ха́ла, исын Дэвэ́л зэвлыныпнаскиро.

2 Petr 2:9

И екх Дэвэ́л джинэ́ла, сыр тэ зракхэ́л дэвлытконэ́ манушэ́н, ке́ли пропатякирэна лэн, и Ёв ракхэ́ла кадалэ́ начачунэ манушэ́н кэ / жы́ко сэндоскиро дывэ́с, соб (кай) тэ чхувэ́л ка́ра пэ лэ́ндэ;

Римлянэнгэ 12:19

Мирэ́ мала́, на кэрэ́н нисаво́ чорипэ́н никонэ́скэ пал пэ́стэ, пша́ла мирэ́, фэды́р ячкирэн штэ́то ваш Дэвлэ́скири холы́; пал-дова́ со, сыр исын чхиндло́: “Ячкирэн дава́ Ма́нгэ, Мэ кэра́ва”, – ракирэ́ла Рай Дэвэ́л.

Mihiejo 5:15

И Мэ выпхэрдякирава тэ отдав фуипэ́н палэ холя́са и холякирибнаса пэ Наюды́тка на́цыи, савэ́ на шундлэ́ Ман.’

Ioil 2:18

Тэ́ньци Рай Дэвэ́л ячэ́ла тэ зэвлынэл пал Лэ́скири пхув, и Ёв сыкавэ́ла Пэ́скиро ило́ пал Лэ́скирэ манушэ́ндэ.

Езэкилё 39:25

Палдава́ адя́кэ ракирэ́ла Рай-Дэвэ́л, Дэвэ́л: ‘Акана́ рискира́ва Мэ Яково́с плено́стыр, и потангинава (пожалинава) саро́ Израилёскиро кхэр, Мэ ява́ва тэ зэвлынав пир Миро свэ́нто лав.

Езэкилё 6:12

Кон исын дур, кодова́ мэрэ́ла мэрибнытконэ франсэндыр, а кон ячэ́лапэ, одова́ мэрэ́ла бокха́тыр. Адя́кэ Мэ выпхэрдякирава пэ лэ́ндэ Мири́ бари холы́.

Ереме́ё 4:4

Обчхинэн пэс ваш Ма́нгэ, Ра́скэ-Дэвлэ́скэ, и злэн цы́па тумарэ́ илэндыр, тумэ́, мануша́лэ Юдэя́тыр, и кон дживэ́ла кэ Ерусалимо, соб (кай) тэ на пэрэ́л Миро холякирибэ́н сыр яг, и соб (кай) тэ захачол адя́кэ, со нико́н на мудькирэла, пал-дова́ со тумэ́ кэрдэ́ биба́хт.

Isajos 51:20

Тырэ́ чхавэ́ ячнэ́ бизорья́кирэ, ёнэ исын паштэ́ пэ сарэ́ вули́цы (га́сы), пхандлэ сыр мирга (серна) дрэ фэлы́ (петля); пэ лэ́ндэ пхэрдия Тырэ́ Ра́скирэ-Дэвлэ́скири холы́; Тырэ́-Дэвлэ́скиро годлыпэн.

Isajos 51:17

Ушты́, ушты́, ґаздэпэ, Ерусалимо, ту, саво́ выпиян Ра́скирэ-Дэвлэ́скирэ вастэ́стыр тахта́й (чаша) холя́са, ту выпиян тахта́й пибнаса, саво́ матякирэла, выпиян лэс сарэ́са.

Ióvo 20:23

И явэ́ла адя́кэ: ёв явэ́ла пэ на́бут (куты́) скэдыно́ тэ пхэрдякирэл пэ́скиро пэр, то тэды Дэвэ́л бичхавэ́ла пэ лэ́стэ Пэ́скири хачкирды холы́, со дэ́лапэ сыр брышы́нд пэ лэ́стэ.

Левито 26:28

тэды и Мэ дрэ холы́ джа́ва пэ тумэ́ндэ, и чхува́ва ка́ра пэ тумэ́ндэ дрэ эфта́ мо́лы пал тумарэ́ грэ́хи,

Римлянэнгэ 13:4

пал-дова́ со барыдыро́ исын Дэвлэ́скиро дына́ри ваш дова́, соб (кай) ту́кэ тэ явэ́л лачхипэ́н. А ко́ли ту кэрэ́са фуипэ́н, тэды да́ро, пал-дова́ со лэ́стэ на ивья́ (на напра́снэс) исын курта́ла; пал-дова́ со ёв исын Дэвлэ́скиро дына́ри, савэ́с Дэвэ́л чхудя́ ваш ка́ра одолэ́ манушэ́скэ, саво́ кэрэ́ла фуипэ́н.

Заха́рия 1:14

И пхэндя́ ма́нгэ Янго́ло, саво́ ракирдя́ ма́нца: “Ушты́ и пхэн: ‘Адя́кэ ракирэ́ла янголэ́нгиро-болыбна́скиро Рай Дэвэ́л: ‘Росхолясыём Мэ пэ Ерусалимо и пэ Сио́но барэ́ холя́са;

Mihiejo 7:18

Кон исын Кадасаво́, Дэ́вла, сыр Ту сан? Кон отмэкэ́ла чорипэ́н и промэкэла чорэ́ рэ́нды манушэ́нгэ Лэ́скирэ мэкнэ́ миштыпна́стыр, савэ́ ячнэ́пэ? Ту на явэ́са ўса́ды (сак) тэ рикирэс холы́, пал-дова́ со Ту радынэсапэ тэ сыкавэс ла́ска.

Езэкилё 38:18

Акэ, явэ́ла дро дова́ дывэ́с, ко́ли Гога явэ́ла пэ Израилё, ґаздэ́лапэ Мири́ холы́.

Езэкилё 36:6

Пал дава́ пхэн пир лав ангилпхэныбэ́н пал Израилёскири бэ́рга, пхэн пэ бэ́рги, бэ́ргицы, фэ́лды и долы: “Адя́кэ ракирэ́ла Рай Дэвэ́л, Дэвэ́л: А́кэ, Мэ пхэндём дава́ дро Миро зэвлыныпэ́н, дрэ Мири́ холы́, пал-дова́, со санпэ тумэ́ндыр народы.”

Езэкилё 8:18

Пал дова́ Мэ ява́ва тэ кэра́в холямипнаса: на потангинэла Мири́ якх, и на поковлёла Миро ило́. Мэк ёнэ тэ годлэн дрэ Мирэ́ кана́ зоралэ́ заня́са, нэ Мэ на шунава лэн.”

Езэкилё 5:13

И пириячэ́ла Мири́ холы́, и штылёла Миро холякирибэ́н пэ лэ́ндэ, и явэ́ла Ма́нгэ пир ило́, и ґалёна, со Мэ, Рай Дэвэ́л, Дэвэ́л, ракиравас дро Пэ́скиро зэвлыныпэ́н, ко́ли кончынэлапэ Мири́ хор холы́ пэ лэ́ндэ.

Roiben 4:11

Рай Дэвэ́л выпхэрдякирдя пэ́скири бари холы́, Ёв вычхудя́ Пэ́скирэ-холякири яг. Ёв хачкирдя́ яг пэ Сио́но, и ёй похая сарэ́са форо́скирэ фундаменты.

Ереме́ё 36:7

Дава́ сашты́ тэ явэ́л, со ёнэ выпхэнэна пэ́скирэ патерья (молитвы) анги́л Растэ-Дэвлэ́стэ, и со ёнэ рисёна пэ́скирэ кажнонэ́ бибахталэ́ дромэ́стыр. Пал-дова́ со бари холын исын и мижэхипэн (мижэх лава́), савэ́ Рай Дэвэ́л пхэндя́ пэ далэ́ манушэ́ндэ.”

Ереме́ё 25:15

И ишчо (инкэ́), со Рай Дэвэ́л, Дэвэ́л Израилёскиро, пхэндя́ ма́нгэ: “Лэ тахта́й (чаша) моляса (виноса), со исын пхэрды́ холя́са Мирэ́ вастэ́стыр, и кэр адя́кэ, соб (кай) сарэ́ Наюды́тка на́цыи, кэ савэ́ Мэ бичхадём тут, тэ пьен лэ́стыр.

Ереме́ё 3:5

Ци ячэсапэ Ту холямо́ пэ сарэ́ ве́ки? Ци явэ́са Ту тэ рикирэс холы́ кэ са́мо ко́нцо (кэ яго́ро)?’ Дыкхэ́н, тумэ́ пхэндлэ́ дава́, нэ тумэ́ кэрдэ́ чорипэ́н ада́кицы бут, кицы́ тумэ́ фэ́ни могиндлэ́!”

Isajos 66:15

Акэ, дрэ яг Рай Дэвэ́л явэ́ла, и лэ́скирэ вурдэна́ – сыр зоралы́ балва́л. И явэ́ла, соб (кай) тэ сыкавэ́л Пэ́скири холы́ зорья́са тэ сыкавэ́л Пэ́скирэ лава́ пал холы́ хачкирдэ́ яга́са.

Яви́р Зако́но 7:10

и Ёв отдэ́ла (рискирэ́ла) палэ пэ лэ́нгиро шэро́ одолэ́нгэ, кон Лэс древа́н бидыкхэла, дро лэ́нгиро муй, хасякири лэн; Ёв на явэ́ла тэ отчхувэл фуипэ́н пэ лэ́скиро шэро́, кон Лэс древа́н бидыкхэла, кокорэскэ одолэ́ манушэ́скэ Ёв отдэ́ла палэ.

Ереме́ё 28:8

Э проро́ки, савэ́ сыс англэды́р ма́ндэ и англэды́р ту́тэ, ангилпхэнэнас адя́кэ-паць пал бут тхэма (страны) и пал барэ́ кралипэна́, пал марибэ́н, пал биба́хт [бари би́да-р.с.] и пал фра́нсы.

Езэкилё 38:19

Дро Миро зэвлыныпэ́н, дрэ Мири́ холы́, Мэ пхэндём: “Чачо́, зоралэ́с явэ́ла тэ издрал Израилёскири пхув.

Vygiiben 34:7

Саво́ ракхэ́ла ла́ска ваш тысёнцы манушэ́нгэ, Саво́ отмэкэ́ла банг и чорипэ́н, и грэ́хо, Саво́ на ячкирэ́ла би отпхэныбнаскиро, Саво́ чхувэ́ла ка́ра пал дадэнгири банг дрэ чхавэ́ндэ и чхавэ́нгирэ чхавэ́ндэ кэ три́то и шта́рто ро́до.”

Čysly 25:11

“О Финеесо, чхаво́ Елизароскиро, Аароно́скирэ-рашаскиро чхавэ́скиро, отлыджия Мири́ холы́ Израилёскирэ чхавэ́ндыр, сыр лыя́ тэ зэвлынэл (тэ чхуинэл накуч) пир Ма́ндэ машки́р лэ́ндэ, и Мэ на хасякирдём Израилёскирэ чхавэ́н дро зэвлыныпэ́н Миро;

Ереме́ё 50:15

Годлэн проти лэ́стэ сарэ́ трусця́л, пал-дова́ со ёв ґаздыя́ васт тэ поддэлпэ, фундаменты лэ́скирэ пынэ́, лэ́скирэ ва́нты радэ тэлэ́, пал-дова́ со дава́ Рай Дэвэ́л дукхавэла палэ, сыр ёв кэрдя́ адя́кэ, адя́кэ-паць кэрэ́н и тумэ́ лэ́скэ.