Mihiejo 7:7 - Библия - Пэ Балтитко Романи чиб (Романэс) 2019

⁷ Нэ мэ кокоро́ ява́ва тэ дыкха́в пэ Растэ-Дэвлэ́стэ, мэ ява́ва тэ ужакирав Дэвлэ́с, Саво́ ракхэ́ла ман; Миро Дэвэ́л шунэ́ла ман.

Biblija - Pe Baltitko Romani čib (Romanes) 2019

⁷ Ne me kokoró javáva te dykháv pe Raste-Devléste, me javáva te užakirav Devlés, Savó rakhéla man; Miro Devél šunéla man.

Mihiejo 7:7 Referans Kwoze

Psalmy 37:7

Яв штыл (споко́йно) анги́л Растэ-Дэвлэ́стэ, ужакир, пака Рай Дэвэ́л затэрдёла, на холясов зоралэ́с пэ одолэ́стэ, савэ́скэ исын мишто́ тэ дживэ́л, и пэ одолэ́стэ, кон думинэ́ла тэ кэрэ́л фуипэ́н.

Isajos 45:22

Кэ Мэ обрисён и тумэ́ зракхэнапэ, сарэ́ яго́ры (краи́) пэ пхув, пал-дова́ со Мэ сом Дэвэ́л и нанэ явирэ́с.

Isajos 25:9

И пхэнэ́на дрэ дова́ дэвэс: “Акэ, Ёв исын амаро́ Дэвэ́л! Пэ Лэ́стэ сыс амаро́ лачхо́ ужакирибэ́н и Ёв зракхця́ амэн! Кадава́ исын Рай Дэвэ́л; пэ Лэ́стэ сыс амаро́ лачхо́ ужакирибэ́н; ла́са тэ радынаспэ Лэ́скирэ Зракхибнастыр.”

Psalmy 25:5

Лы́джа ман тэ кэра́в пир Тыро́ чачипэ́н, сыкля́кир ман, пал-дова́ со Ту сан Дэвэ́л, Саво́ зракхэ́ла; пэ Ту́тэ исын наде́я со дывэ́с ма́ндэ.

Psalmy 130:5

Мэ ужакирава лачхипэ́н Ра́стыр-Дэвлэ́стыр, миро ди ужакирэ́ла и рикирэ́ла наде́я пэ Лэ́скиро лав.

Psalmy 109:4

Пал миро ило́ ёнэ ячнэ́ ма́нгэ мирэ́ вэ́рги, нэ мэ мангавпэ Дэвлэ́скэ пал лэ́ндэ.

Isajos 12:2

Акэ, Дэвэ́л исын Миро зракхибэ́н; допатяв Лэ́скэ и на дарав, пал-дова́, со Рай Дэвэ́л исын зор мири́, багаибэн миро – Рай Дэвэ́л; Ёв сыс Миро зракхибэ́н.”

Psalmy 65:2

Ту, Дэ́вла, сан мол, соб (кай) тэ шарэ́н Тут пэ Сио́но и Ту́кэ мануша́ дэ́на совла́х.

Džiibén 49:18

Пэ тыро́ подрикирибэ́н (помошч) мэ розгинава, Раё Дэ́вла!

Psalmy 38:15

И мэ сом сыр ману́ш, саво́ на шунэ́ла, и савэскири чиб на дэ́ла ра́да тэ отпхэнэл.

Isajos 8:17

Палдава́ мэ допатява Ра́скэ-Дэвлэ́скэ, Саво́ гарадя Пэ́скиро муй Яково́скирэ (Израилёскирэ) кхэрэ́стыр, мэ патя́ва Лэ́скэ.

Psalmy 50:15

И кхар Ман дрэ дывэса́, ке́ли Ту́тэ исын бари дар, и Мэ зракха́ва тут, и ту барьякирэса кэ вучипэ́н Ман.”

Isajos 17:7

Дро дова́ дывэ́с о ману́ш явэ́ла тэ дыкхэ́л пэ Создыибнаскирэстэ, и лэ́скирэ якха́ явэ́на тэ сыкавэ́н паты́в Свэнтонэ́ Израилёскирэскэ,

Дание́лё 3:17

Амаро́ Дэвэ́л, Савэ́скэ амэ дынарина́с, исын зорало́ и зракхэ́ла амэн бовэстыр, росхачкирдэ яга́са, и тырэ́ вастэ́стыр, о кра́лё, Ёв зракхэ́ла.

Osija 12:6

И ту, Яково́скиро ўнуко (непото), рисёв палэ кэ Дэвэ́л тыро́: ракх (дыкх) тангипэ́н (лачхэ́-илы́ткима) и чачуно́ сэ́ндо, и ўса́ды (сак) ужакир лачхипэ́н тумарэ́ Дэвлэ́стыр.

Ioil 1:19

О Раё Дэ́вла! Мэ зоралэ́с кхара́ва Тут, пал-дова́ со яг похая чаритка фэ́лды пэ чхучи́ пхув, и хачкирибэ́н хачкирдя́ сарэ́ дрэвицы пэ фэ́лда.

Avakumo 2:1

И мэ ява́ва тэ тэрдёвав пэ стрэ́га, и мэ ява́ва пэ вало тэ дыкха́в, со Ёв отпхэнэ́ла ма́нгэ, соб (кай) ма́нгэ тэ отпхэнав пэ миро жалиныбэн пэ Лэ́стэ.

Čysly 5:28

Ко́ли джувлы́ на сыс магирды и сыс жужы (чысто), тэды ячэ́лапэ састы и явэ́ла пхари́ семёстыр (салятыр).

Psalmy 85:5

Дэ́вла! Ту, Саво́ зракхэ́са амэн. Ри́скир палэ амэн, кэр адя́кэ, соб (кай) Тырэ́ холякири зор тэ пириячэл пэ амэ́ндэ,

Roiben 3:24

“Мири́ до́ля исын дрэ Дэвлэ́стэ” – раки́рла миро ди – “палдава́ мэ ужакирава лачхипэ́н Лэ́стыр.”

Avakumo 2:3

Пал-дова́ со дава́ дыкхибэ́н сыкавэ́ла пэ часо (цы́ро), саво́ ишчо (инкэ́) явэ́ла, нэ ёв явэ́ла тэ ракирэ́л пал ко́нцо (яго́ро), и ёв на явэ́ла тэ хохавэ́л. На дыкхи́ пэ дава́, со ёв зарикирэлапэ, ужакир лэс. Пал-дова́ со ёв явэ́ла, соб (кай) тэ на явэ́л, ёв на зарикирэлапэ (на отпарувэлапэ).