Mihiejo 7:3 - Библия - Пэ Балтитко Романи чиб (Романэс) 2019

³ Лэ́нгирэ васта́ рискирдэ́ тэ кэрэ́н биба́хт (фуипэ́н): о тхага́ри пхучэла почастунко (да́ро), о сэнда́ри (наенгиро) родэ́ла мыто (взятка), и барэ́ рая выпхэнэна лэ́нгири бибахталы мысля пэ годы́, со ёнэ камэ́на; и ёнэ адя́кэ кхэтанэ́ пиририскирэна чачипэ́н.

Biblija - Pe Baltitko Romani čib (Romanes) 2019

³ Léngire vastá riskirdé te kerén bibáht (fuipén): o thagári phučela počastunko (dáro), o sendári (najengiro) rodéla myto (vziatka), i baré raja vyphenena léngiri bibahtaly myslia pe godý, so jone kaména; i jone adiáke khetané piririskirena čačipén.

Mihiejo 7:3 Referans Kwoze

Mihiejo 3:11

лэ́нгирэ шэралэ́ сэндинэна пал почасту́нки (подарки), лэ́нгирэ рашая́ сыклякирэ́на пал плэскирибэн (покиныбэн), и лэ́нгирэ проро́ки сыклякирэ́на пал ловэ́, на дыкхи́ пэ дова́, со ёнэ рикирэнапэ Ра́скэ-Дэвлэ́скэ и пхэнэ́на ёнэ: “Ци нанэ Рай Дэвэ́л машки́р амэ́ндэ? На явэ́ла биба́хт (би́да) амэ́нгэ.”

Amoso 5:12

Пал-дова́ со Мэ джино́м, со тумэ́ кэрдэ́ бут чорипэна, и тумэ́ндэ исын бут грэ́хи: тумэ́ притасавэ́на чачунэ́ манушэ́н и лэ́на мыты (взятки); тумэ́ рискирэна пэ риг чачипэ́н чорорэ́-манушэ́нгири пэ сэ́ндо [пашы́л форо́скири по́рта-ю.о.].

Ереме́ё 8:10

Палдава́ Мэ да́ва лэ́нгирэ ромне́н явирэ́нгэ, и лэ́нгирэ фэ́лды кодолэ́ манушэ́нгэ, савэ́ явэ́на хулая́ пэ лэ́ндэ. Пал-дова́ со кажно лэ́ндыр тыкнэстыр кэ са́мо барэды́р исын присыклыно и ґа́лко кэ барвалыпэ́н: пророкостыр кэ раша́й – кажно лэ́ндыр кэрэ́ла начачунэс.

1 Коринфянэнгэ 4:5

Тэды на сэндякирэн анги́л дова́, сыр Рай Дэвэ́л явэ́ла, Саво́ дудвалякирэла (обсвэнцынэла) и калэ́ (цёмна) чораханыбэна и откэрэла пэ якха́ адя́кэ-паць ґарадэ́ мысли дро манушы́тко ило́; и тэды сва́ко (кажно) ману́ш дорэсэ́ла (долэла) шарибэ́н Дэвлэ́стыр.

Матфеё 26:15

и пхэндя́: “Со тумэ́ дэ́нас ма́нгэ, ко́ли мэ здава Лэс тумэ́нгэ?” И ёнэ выплэскирдэ лэ́скэ трия́нда рупунэ састэ.

Osija 4:18

Лэ́нгиро матыбэн исын джунгало́ (брыдко), ёнэ дурэды́р кэрэ́на биладжакунэ́ рэ́нды, лэ́нгирэ тхагарьенгэ (князенгэ) трэй илэ́стыр бипатыв.

Езэкилё 22:27

Ла́кирэ тхага́рья исын сыр рува́, савэ́ родэ́на хабэ́н, чхувэ́на рат, хасякирэна манушэ́нгиро ди, соб (кай) тэ латхэ́н барвалыпэ́н напатывалэс.

Езэкилё 22:6

Акэ, Израилёскирэ тхага́рья: кажно (сва́ко) пэ́скирэ зорья́са сыс ту́тэ, соб (кай) тэ чхувэ́н рат.

Ереме́ё 3:5

Ци ячэсапэ Ту холямо́ пэ сарэ́ ве́ки? Ци явэ́са Ту тэ рикирэс холы́ кэ са́мо ко́нцо (кэ яго́ро)?’ Дыкхэ́н, тумэ́ пхэндлэ́ дава́, нэ тумэ́ кэрдэ́ чорипэ́н ада́кицы бут, кицы́ тумэ́ фэ́ни могиндлэ́!”

Isajos 26:21

Акэ, Рай Дэвэ́л выджа́ла Пэ́скирэ штэто́стыр тэ чхувэ́л ка́ра пэ манушэ́ндэ, савэ́ дживэ́на пэ пхув, пал лэ́нгирэ грэ́хи, и пхув откэрэла рат, саво́ прилыя́ дрэ пэ́стэ и на гаравэла пэ́скирэ замардэн.

Isajos 1:23

Тхага́рья (кня́зи) тырэ́ на кэрэ́на пир чачипэ́н, лэ́нгирэ дру́ги (мала́) исын чора. Сарэ́ ёнэ камэ́на мыто, праста́на пал ловэ́. Ёнэ на уштэна (затэрдёна) пал пиротэндэ (сиротэндэ) и пивлякиро (удовакиро) рэ́ндо на доджа́ла кэ ёнэ.

Pritčy 17:23

Фуй ману́ш чхувэ́ла мыто (взятка) палэ брэк, соб (кай) тэ рисёл чачипнастыр пэ сэ́ндо.

Isajos 3:5

Екх явэ́ла тасадо явирэса дро народо, кажно явэ́ла затасадо пэ́скирэ пашатунэса; тэрно́ чхаво́ ґаздэ́лапэ пэ пхурэстэ, бутярно – пэ растэ.

Isajos 5:23

Савэ пал ловэ́ отмэкэна одолэ́с, кон исын банго́, а манушэ́с, саво́ исын чачуно́, обчорэна.

Isajos 32:7

Фрэнто (холямо́) ману́ш кэрэ́ла хасибны́тка рэ́нды: ёв думинэ́ла, пал фуипэ́н, соб (кай) тэ хасякирэ́л чорорэс хоханэ́ лавэ́нца и тэды, ко́ли чороро́ кэрэ́ла пир чачипэ́н.

Езэкилё 9:9

Тэ́ньци пхэндя́ Ёв ма́нгэ: “Израилёскирэ-кхэрэ́скиро и Юдэя́киро чорипэ́н исын баро́, древа́н баро́, и ада́я пхув исын пхэрды́ ратэ́са, и фо́ро исын пхэрдо́ чорипнаса, со кэрэ́нас пэхроми, долэ́стыр, со ёнэ ракирэ́на: “Мэкця́ Рай Дэвэ́л, Дэвэ́л ада́я пхув, и на дыкхэ́ла Рай Дэвэ́л, Дэвэ́л.”

Езэкилё 22:12

Кэ ту мануша́ лэ́на мыто (взятка), соб (кай) тэ чхувэ́н рат, ту дэсас ловэ́ тэло ко́фо (процэнто), и лэсас барэды́р бажын (лихва) ту зорья́са отлэсас миштыпэ́н тырэ́ пшалэстыр, а пал Ма́ндэ бистырдян, – ракирэ́ла Рай Дэвэ́л, Дэвэ́л.

Osija 7:3

Ёнэ радынэна крали́с лэ́нгирэ фуипнаса, и тхагарьен лэ́нгирэ хохаибнаса.

Mihiejo 2:8

“На΄гара тумэ́, кон са́нас Мирэ́ мануша́, ґаздынэ́пэ сыр вэ́рги проти Ма́ндэ – тумэ́ злэна зорья́са упратуно урибэ́н и тэлатуны и́дя манушэ́ндыр, савэ́ джа́на пашы́л бидаракирэс, савэ́ рисёна марибнастыр.

Mihiejo 3:2

Нэ тумэ́ сан мануша́, кон бидыкхэла лачхипэ́н тэ кэрэ́л, нэ тумэ́нгэ исын пир ило́ биба́хт (чорипэ́н): тумэ́, савэ́ лучкирэна цы́па манушэ́ндыр, и лэ́нгири лоч (джидэ́ маса́) лэ́нгирэ кокалэндыр;

Pritčy 16:30

Кон марэла якхаса (пришчуринэ́лапэ), одова́ придуминэла чорипэ́н; кон дандырэла пэ́скирэ ушта́, одова́ кэрэ́ла чорипэ́н.

Ереме́ё 4:22

‘Пал-дова́ со Мирэ́ мануша́ исын налачхэ́, ёнэ на джинэ́на Ман, – ракирэ́ла Рай Дэвэ́л – ‘ёнэ исын на годьварэ́, ёнэ исын годэ́ тэ кэрэ́н биба́хт (чорипэ́н), нэ ёнэ на джинэ́на тэ кэрэ́н лачхипэ́н.”

Езэкилё 34:21

Ко́ли тумэ́ шпулэна (пихинэна) ґэрэ́нца и псикэнца, и бодынэна (марэна) сарэ́ назоралэ (бакрэ́н) пэ́скирэ шынгэнца (рогэ́нца), соб (кай) тэ вытрадэн лэн яври́,