Mihiejo 7:1 - Библия - Пэ Балтитко Романи чиб (Романэс) 2019

¹ Бида ма́ндэ! Пал-дова́ со мэ, сом сы́рбы ману́ш, кон кэдэла лынаитка му́ри, сы́рбы кодолэ́, кон подкэдэла винаградо (дракх), нанэ ние́кх грозно (вэтка му́ри) тэ хав, нанэ ние́кх спяло мурина, со миро ди камэ́ла.

Biblija - Pe Baltitko Romani čib (Romanes) 2019

¹ Bida mánde! Pal-dová so me, som sýrby manúš, kon kedela lynaitka múri, sýrby kodolé, kon podkedela vinagrado (drakh), nane nijékh grozno (vetka múri) te xav, nane nijékh spialo murina, so miro di kaméla.

Mihiejo 7:1 Referans Kwoze

Osija 9:10

Мэ латхём тут, о Израиле, сы́рбы винаграды́тко (дракхитко) мура пэ чхучи́ (пусто) фэ́лда; Мэ дыкхцём тумарэ́ дадэн сы́рбы пэ́рва баритка (пло́ды) пэ инжыритко дрэ́во дро пэ́скиро пэ́рво сезоно. Нэ ке́ли ёнэ гинэ́ кэ Ваалфегоро, тэды ёнэ отдынэ́ пэс ладжаипнаскэ; ёнэ ячнэ́ джунгалэ́ сы́рбы и́долы, со ёнэ камлэ́.

Isajos 28:4

И зашутинэ лулудяса лэ́скирэ гожонэ урибнастыр, сави́ исын пэ лачхи́ фэ́лда, кэрэ́на адя́кэ, сыр смокваса, сави́ сы́гэс выбария анги́л сроко, и палдава́, кон дыкхэ́ла ла, екха́тыр (сра́зу) лэ́ла вастэ́са и ха́ла екхэ ґлытанкоса.

Isajos 24:13

А машки́р пхув, машки́р народы, явэ́ла адя́кэ, сыр сыс, ке́ли обмарэнас маслины и скэдэнас винаградо, ко́ли саро́ укэдэнас.

Isajos 17:6

И ячэ́напэ лэ́стэ сы́рбы дуй ци трин оливитка му́ри пэ са́мо упратуны рандь, ци штар ци пандж пэ са́мо пхабитко рандь пало́ дова́, сыр вымарэна (укэдэна) умалото оливитконэ каштэ́стыр”, – ракирэ́ла Рай Дэвэ́л, Дэвэ́л Израилёскиро.

Ереме́ё 45:3

‘Ту пхэндя́н: ‘Бида пэ ма́ндэ акана́! Пал-дова́ со Рай Дэвэ́л дочхудя дукх тугаса кэ ило́. Мэ сом кхинякирдо мирэ́ ґондендыр (ўздохэндыр) и мэ нашты́ (на могина́ва) тэ латхав откхиныбэн.’”

Ереме́ё 15:10

Бида ма́нгэ, Еремеёскэ, мири́ дай, со ту бияндян ман тэ кошавпэ, и тэ чингардавпэ сарэ́ пхувья́са! Мэ на дыём никонэ́скэ ловэ́ тэл ко́фо, и ёнэ адя́кэ-паць на дынэ́ ма́нгэ тэл ко́фо, нэ кажно (сва́ко) лэ́ндыр прокошэла ман (кэрэ́ла арманя пэ ма́ндэ).

Ереме́ё 4:31

Пал-дова́ со мэ, Ереме́ё, шундём го́дла сы́рбы джувлятыр, кон пхарэ́с биянэ́ла, дава́ исын джувлякирэ пхарэ́ ґондя́ сы́рбы кодолятэ, кон биянэ́ла пэ́рво мо́ло ла́кирэ биято́с, Ерусалимо́скири го́дла исын сы́рбы кодолятэ, сави́ мэнчынэлапэ зоралэ́с и протырдэла васта́, пхэни́ (ракири́): “Бида ма́нгэ! Миро ди нашавэла зор анги́л мулякирибнаскирэндэ!”

Isajos 24:16

Пхувья́кирэ ягоро́стыр (концостыр) шунаса амэ гилы́: “Тэ славинэлпэ Чачипна́скиро Дэвэ́л!” И пхэндём мэ: “Бида ма́нгэ, би́да ма́нгэ! Чора чорэна, чора чорэна злыдниткэс.”

Isajos 6:5

Мэ пхэндём: “Бида ма́нгэ! Хасиём мэ, пал-дова́, со мэ сом ману́ш нажужэ́ уштэ́нца, мэ джива́ва машки́р манушэ́ндэ нажужэ́ уштэ́нца, и якха́ мирэ́ дыкхэнас Крали́с, Рас-Дэвлэ́с, болыбна́скирэ-янголэнгирэс.”

Psalmy 120:5

Бида ма́нгэ, со мэ сом манушэ́нца кэ Масохо, со мэ джива́ва машки́р Кедароскирэ ша́тры.

Ереме́ё 24:2

Екх кхудо (корзина) сыс древа́н лачхэ́ инжыроса сыр пэ́рва спе́ла му́ри, и яви́р кхудо сыс древа́н адасавэ́ налачхэ́ инжыроса, со лэ́скирэ му́ри сыс нашты́ тэ хас.

Čysly 18:13

Саро́ пэ́рво, со дэ́ла лэ́нгири пхув, савэ́ ёнэ янэ́на Ра́скэ-Дэвлэ́скэ, мэк тэ явэ́н тырэ́; кажно жужо́ (чысто) ману́ш дро тыро́ кхэр сашты́ (могинэ́ла) тэ хал дава́.

Pritčy 20:6

Бут исын мануша́, савэ́ роспхэнэна сарэ́нгэ пал лэ́нгиро лачхипэ́н, нэ кон латхэ́ла патяибнытконэ манушэ́с?

Ереме́ё 5:1

Джа́н упрэ́ и тэлэ́ пир вули́цы (га́сы) дро Ерусалимо, и дыкхэ́н акана́, и доджинэнпэ, и родэ́н пэ англунэ штэ́ты дро фо́ро, ци тумэ́ дэ́на ра́да тэ латхэ́н екхэ манушэ́с, соб (кай) ёв тэ кэрэ́л саро́ пир чачипэ́н, ци, саво́ тэ родэ́л патяибэ́н, и, – ‘Мэ отмэкавас банг Ерусалимоскэ’, – ракирэ́ла Рай Дэвэ́л.