Mihiejo 6:1 - Библия - Пэ Балтитко Романи чиб (Романэс) 2019

¹ Шунэ́н акана́, со Рай Дэвэ́л ракирэ́ла: “Тэрдёв пэ ґэра́, обсэндякир тыро́ рэ́ндо (де́ло) анги́л бэ́рги, и мэк бэ́ргицы тэ шунэ́н тыри́ зан.

Biblija - Pe Baltitko Romani čib (Romanes) 2019

¹ Šunén akaná, so Raj Devél rakiréla: “Terdjov pe ĥerá, obsendiakir tyró réndo (diélo) angíl bérgi, i mek bérgicy te šunén tyrí zan.

Mihiejo 6:1 Referans Kwoze

Ереме́ё 22:29

О пхув, пхув, пхув! Шун Ра́скирэ-Дэвлэ́скиро лав!

Яви́р Зако́но 32:1

“Причху́в кан, болыбэ́н, со мэ ява́ва тэ ракира́в; и шун, пхув, лава́ мирэ́ уштэнгирэ.

Mihiejo 1:2

‘Шунэ́н, сарэ́ манушы́тка на́цыи (народы), пхув и саро́, со исын пэ ла́тэ! Мэк тэ явэ́л Рай Дэвэ́л сыр якхи́тко (свидетелё) проти тумэ́ндэ, о Рай Дэвэ́л Лэ́скирэ свэнтонэ́ Кхангирья́тыр.

Езэкилё 36:1

“Ту, манушэ́скиро чхава, пхэн пир лав ангилпхэныбэ́н, пэ Израилёскирэ бэ́рги, пхэн: ‘Бэ́рги Израилёскирэ! Шунэ́н Ра́скирэ-Дэвлэ́скиро лав.

Psalmy 50:4

Ёв прикхарэла Болыбна́скиро Раё вучипна́стыр и пхув тэ сэндякирэ́л Лэ́скирэ манушэ́н:

Яви́р Зако́но 4:26

то тэды мэ допхэнава тумэ́нгэ ададывэ́с болыбнаса и пхувья́са, со тумэ́ сыг хасякирэна пхув, ваш пэ́скэ, пир сави́ тумэ́ пириджана пал Иорда́но; тумэ́ на явэ́на бут дывэса́ пэ ла́тэ, нэ хасёна;

Езэкилё 36:8

А тумэ́, Израилёскири бэ́рга, розмэкэн тумарэ́ вэ́тки, и тумэ́ явэ́на тэ янэ́н тумарэ́ барьякирдэ́ (пло́ды) ваш Миро народо, Израилё, ёнэ сы́гэс явэ́на.

Isajos 1:2

Шунэ́н, болыбэна, пошун, пхув, пал-дова́ со пхэнэ́ла Рай Дэвэ́л: “Мэ барьякирдём, ґаздыём чхавэ́н, а ёнэ ґаздынэ́пэ пэ Ма́ндэ.

Luka 19:40

И Ису́со отпхэндя́ лэ́нгэ: “Мэ пхэна́ва тумэ́нгэ, со ко́ли ёнэ явэ́на штыл, тэды бара́ явэ́на тэ дэн го́дла.”

Psalmy 50:1

Асафоскиро Пса́лмо. Дэвэ́л дэвлэнгиро, Сарэзорья́киро Рай Дэвэ́л пхэндя́ и кхарэ́ла сари́ пхув ягоро́стыр, кай кхам уштэ́ла и кэ яго́ро (краё), кай кхам джа́ла тэлэ́.

Mihiejo 1:4

Бэ́рги явэ́на тэ билавэн тэл Лэ́стэ, и долы явэ́на тэ пхарадён, сы́рбы мом анги́л яг, сы́рбы паня́, со чхувэнапэ крутыматыр (вучипна́стыр).

Езэкилё 37:4

И пхэндя́ ма́нгэ: “Пхэн пир лав ангилпхэныбэ́н пэ кадалэ́ кокалы́, пхэн лэ́нгэ: ‘Шукэ́ кокалы́! Шунэ́н Ра́скирэ-Дэвлэ́скиро лав!

Ереме́ё 13:15

Шунэ́н тумэ́, и причхувэ́н кан, на пхутён (на барьякирэ́н пэс), пал-дова́ со адя́кэ пхэндя́ Рай Дэвэ́л.

Amoso 3:1

Шунэ́н дава́ лав, со Рай Дэвэ́л пхэндя́ проти тумэ́ндэ, чхавора́лэ Израилёскирэ, проти саро́ кхэри́тко ро́до, саво́ Мэ вылыджиём Египто́скирэ пхувья́тыр, ракири́:

1 Kralip 15:16

И пхэндя́ Самуи́ло Сауло́скэ: “Нэ ужакир, мэ пхэна́ва ту́кэ, со пхэндя́ Рай Дэвэ́л ма́нгэ раты́.” И пхэндя́ лэ́скэ Са́уло: “Ра́кир!”

1 Kralip 12:7

Какана́ тэрдён, и мэ ява́ва тэ сэндякиравпэ тумэ́нца анги́л Растэ-Дэвлэ́стэ пал сарэ́ миштыпэна, савэ́ Ёв кэрдя́ тумэ́нгэ и тумарэ́ дадэ́нгэ.

Mihiejo 5:15

И Мэ выпхэрдякирава тэ отдав фуипэ́н палэ холя́са и холякирибнаса пэ Наюды́тка на́цыи, савэ́ на шундлэ́ Ман.’

Mihiejo 6:2

Шунэ́н, бэ́рги, пал со Рай Дэвэ́л сэндякирэ́ла [жалинэлапэ-ю.о.], и шунэ́н тумэ́, зоралэ́-пхувья́кирэ рикирибнытка (фундаменты), пал-дова́ со Растэ-Дэвлэ́стэ исын сэ́ндо Лэ́скирэ манушэ́нца, и Ёв лыджа́ла рэ́ндо проти Израилё.”

Isajos 3:13

Уштыя́ Рай Дэвэ́л пэ сэ́ндо, Ёв исын тэрдо́, соб (кай) тэ сэндякирэ́л народы.

Езэкилё 6:3

Пхэн: ‘Бэ́рги Израилёскирэ! Шунэ́н Ра́скирэ-Дэвлэ́скиро лав. Адя́кэ ракирэ́л Рай Дэвэ́л, Дэвэ́л пэ бэ́рги, бэ́ргицы, ровы и долы: акэ, Мэ кэра́ва адя́кэ, со курта́ла явэ́ла пэ тумэ́ндэ и роспхагирава тумарэ́ вучэ́ штэ́ты.