Mihiejo 5:7 - Библия - Пэ Балтитко Романи чиб (Романэс) 2019

⁷ И отячибэн Яково́скирэ манушэ́ндыр явэ́ла машки́р бут манушы́тка на́цыи сы́рбы пахлын (роса) Ра́стыр-Дэвлэ́стыр, сы́рбы спорко брышы́нд пэ чар, савэ́ на явэ́на тэ ужакирэн манушэ́нгирэ (Адамоскирэ) чхавэ́н, савэ́нца на явэ́ла тэ хулаинэ́л ману́ш.

Biblija - Pe Baltitko Romani čib (Romanes) 2019

⁷ I otiačiben Jakovóskire manušéndyr javéla maškír but manušýtka nácyi sýrby pahlyn (rosa) Rástyr-Devléstyr, sýrby sporko bryšýnd pe čar, savé na javéna te užakiren manušéngire (Adamoskire) čhavén, savénca na javéla te xulainél manúš.

Mihiejo 5:7 Referans Kwoze

Mihiejo 5:3

Палдава́ Рай Дэвэ́л ячкирэ́ла Израилё кэ/жы́ко дасаво часо, ке́ли ёй, савьякэ трэй тэ биянэ́л, биянэ́ла, тэды кодолэ́ Лэ́скирэ пшалэ, кон яця́пэ, рисёна палэ кэ Израилёскирэ чхавэ́.

Isajos 44:3

Мэ вычхувава пани́ пэ одолэ́стэ, кон древа́н камэ́ла пани́, и барэ́ панинга́ пэ дова́, со вышутия; Мэ вычхувава Миро ду́хо (фа́но) пэ тыро́ кхэри́тко ро́до и бахтякирибэ́н Миро пэ тырэ́ чхаворэндэ, савэ́ ишчо (инкэ́) явэ́на анги́л.

Яви́р Зако́но 32:2

Почхувэлапэ сыр брышы́нд миро сыкляибэн, сыр пахлын (роса) лава́ мирэ́, сыр тыкно́ брышы́нд пэ зэлэныбэн, сыр ливнё пэ чар:

Osija 14:5

Мэ састякирава лэн далэ́стыр, со ёнэ отпынэ (дуринэ) Ма́ндыр, Мэ сыкава́ва ла́ска лэ́нгэ илэ́стыр; пал-дова́ со Мири́ холы́ рисия́ криг лэ́ндыр.

Psalmy 72:6

Кра́ли явэ́ла сыр брышы́нд пэ фэ́лда чарьяса, сыр баро́ панинг, со чхувэ́лапэ пэ пхув.

Римлянэнгэ 10:20

Исаё муршканэ́с ракирэ́ла: “Ман латхнэ́ одолэ́, савэ́ на родынэ Ман; Мэ сыкадём пэс одолэ́нгэ, савэ́ на пхучнэ́ пал Ма́ндэ.”

Заха́рия 14:8

И явэ́ла дро дова́ дывэ́с: джидэ́ паня́ лэ́на тэ тхадэн Ерусалимо́стыр, паш лэ́ндыр кэ васточно мо́рё (дэрья́в). И паш лэ́ндыр кэ за́падно мо́рё (дэрья́в): лына́скиро и ивантэ́скиро (зимакиро) явэ́ла адя́кэ.

Osija 6:3

Амэ́нгэ трэй тэ джинас буты́р, амэ́нгэ трэй тэ причхувас тэ джинас буты́р Рас-Дэвлэ́с, Лэ́скиро явибэн явэ́ла сыр зло́ко, Ёв явэ́ла сыр брышы́нд, сыр ґаратуно брышы́нд (позднё), со панякирэла пхув.’

Ереме́ё 14:22

Ци исын машки́р Наюды́тка и́долы одолэ́, савэ́ дэ́на брышы́нд? Ци могинэ́ла (сашты́) кокоро́ болыбэ́н тэ дэл барэ́ панинга́? Ци дава́ нанэ Рай Дэвэ́л, амаро́ Дэвэ́л? Палдава́ амэ ява́са тэ ужакирас Тут, пал-дова́ со Ту кэрдя́н саро́ дава́.

Psalmy 110:3

Тырэ́ мануша́ янэ́на пэс дро Тырэ́-зоралыпнаскиро дывэ́с свэнтонэ́ райканэ слава́са: Тырэ́ тэрнэ́ бияндёна сыр пахлын (роса), сави́ сыс пэ зло́ко (пэ ра́нко).

1 Коринфянэнгэ 3:6

Мэ чхудём дрэ пхув, о Аполосо панякирдя, нэ Дэвэ́л дыя́ прибарипэн.

Римлянэнгэ 11:12

Ко́ли дава́, со ёнэ пынэ́, янэ́ла свэтоскэ барвало́ бахтякирибэ́н, и ко́ли лэ́нгиро хасякирибэн янэ́ла барвало́ бахтякирибэ́н Наюдэ́нгэ, тэды ци пэ бут буты́р Юдэ́нгэ кокорэндэ явэ́ла барвало́ бахтякирибэ́н пэ ко́нцо (пэ яго́ро).

Римлянэнгэ 9:30

Со амэ тэды какана́ пхэна́са? На́юды, савэ́ на камлэ́ тэ родэ́н чачипэ́н, дорэснэ́ (долынэ) чачипэ́н пир пэ́скиро патяибэ́н.

Apostolengiri Butý 16:9

И ратя́киро сыс дыкхибэ́н дро сунэ́ Павлискэ: сыкадыя́ ману́ш Македониятыр, ёв сыс тэрдо́ и мангдя́ лэс: “Яв дрэ Македония и помогин (дэ́ васт) амэ́нгэ.”

Apostolengiri Butý 13:46

А Па́вли и Варнава ракирдэ́ муршканэ́с и бидаракирэс пхэндлэ́: “Амэ́нгэ трэй англэды́р сарэ́ндыр тумэ́нгэ тэ роспхэнас Дэвлэ́скиро лав: нэ сыр тумэ́ на приґалёна лэс, тумэ́ далэ́са сэндинэна кокорэ́ пэс, со тумэ́ндэ на явэ́ла ве́чно джиибэ́н, палдава́ амэ какана́ рискираса Дэвлэ́скиро лав Наюдэ́нгэ;

Apostolengiri Butý 11:15

Ке́ли мэ лыём тэ ракира́в, Свэ́нто Ду́хо (Фа́но) згия пэ лэ́ндэ, адя́кэ-паць, сыр англэды́р ёв згия и пэ амэ́ндэ.

Матфеё 28:19

Палдава́ джа́н, сыклякирэ́н сарэ́ на́цыи, болэн лэн дро лав Дадэ́скиро, Чхавэ́скиро и Свэнтонэ́ Духоскиро (Фаноскиро);

Mihiejo 2:12

Нэ Мэ, чачэс, кэдава кхэтанэ́ сарэ́н тумэн, о Яково, Мэ чачипна́са скэда́ва ячкирдэ́ манушэ́н Израилёскирэн; Мэ чхува́ва кхэтанэ́ (кхэтанякирава) лэн сыр бакрэ́н дрэ Восора (Боцра) сы́рбы стада машки́р лэ́нгирэ чарьитка фэ́лды: ёнэ явэ́на зоралэ́с тэ дэн го́дла, пал-дова́ со лэн ада́кицы бут мануша́ исын.”

Amoso 5:15

Бидыкхэн тумэ́ чорипэ́н (биба́хт), нэ выкэдэн лачхипэ́н, и тумэ́ кэрэ́н адя́кэ, соб (кай) тэ явэ́л чачипэ́н пашы́л по́рта (вра́ты) форо́скири, сашты́ тэ явэ́л, со Рай Дэвэ́л, янголэ́нгирэ-болыбна́скиро Дэвэ́л, явэ́ла тэ тангинэ́л одолэ́н, кон ячэ́лапэ манушэ́ндыр Езаскирэндыр (Иосифостыр).”

Ioil 2:32

И явэ́ла адя́кэ дрэ долэ́ дывэса́, со, ко́ли вари-кон явэ́ла тэ кхарэл лав Ра́скирэ-Дэвлэ́скиро, то одова́ зракхэ́лапэ; пал-дова́ со зракхибэ́н явэ́ла пэ бэ́рга Сио́но дро Ерусалимо сыр Рай Дэвэ́л пхэндя́: и ваш кодолэ́нгэ, савэ́ ячнэ́пэ, кон явэ́ла тэ кхарэл Рас-Дэвлэ́с.

Езэкилё 47:1

Тэ́ньци ёв (дава́-паць ману́ш) яндя́ ман (Езэкилёс) палэ кэ Кхангирья́киро вуда́р; акэ, Кхангирья́кирэ прогостыр тхадэ́ла пани́ пэ васто́ко, пал-дова́, со Кхангири́ сыс тэрды фасадоса пэ васто́ко. И пани́ тхадэлас чачэ́-Кхангирья́кирэ рига́тыр пэ паш-дывэсы́тко риг, кай сыс алта́рё.

Isajos 66:19

И Мэ чхува́ва пэ лэ́ндэ ґерты́к (досыкаибэн), Мэ бичхава́ва зракхнэ́ манушэ́н лэ́ндыр кэ народы: дро Фарсисо, дрэ Пула и Луда, кэ одолэ́, кон лэ́ла дро васт лу́ко тэ надтырдэл, дрэ Тубала и дрэ Явана, пэ дуратунэ́ островы, савэ́ на шундлэ́ пал Ма́ндэ и на дыкхнэ́ Мири́ паты́в; и ёнэ пхэнэ́на дрэ народы пал Миро барипэ́н.

Isajos 55:10

Сыр ив и брышы́нд пэрэ́на болыбна́стыр, нэ палэ на рисёна, а пэрэ́на пэ пхув, соб (кай) ёй тэ биянэ́л и тэ барьякирэл; соб (кай) тэ дэл гив (зя́рка) одолэ́скэ, кон чхувэ́ла дрэ пхув, и маро́ одолэ́скэ, кон ха́ла:

Isajos 32:15

Кэ дова́ дывэ́с, ко́ли чхувэ́лапэ пэ амэ́ндэ Ду́хо (Фа́но) упралэстыр и чхучи́ пхув пирикэрлапэ дрэ у́нта (садо), а у́нта (садо) на явэ́на тэ прилэ́н (тэ гинэн) пал вэш.

Сэндарьенгири Лылвари́ 6:36

И пхэндя́ Гедео́но Дэвлэ́скэ: “Ко́ли Ту зракхэ́са Израилё мирэ́ вастэ́са, сыр ракирдян Ту,

Apostolengiri Butý 9:15

И Рай Дэвэ́л пхэндя́ лэ́скэ: “Джа́, пал-дова́ со Мэ выкэдыём лэс, соб (кай) ёв тэ лыджа́л Миро лав анги́л манушэ́ндэ Наюдэ́ндэ, и Израилёскирэ кралье́ндэ чхавэ́ндэ:

Софония 3:13

Мануша́, кон яця́пэ Израилёстыр, на явэ́на тэ кэрэ́н начачипэ́н и тэ ракирэ́н хохаибэ́н, и на латхэлапэ хоханы чиб дро лэ́нгиро муй. Ёнэ явэ́на тэ чаравэнпэ и тэ пасён, и ние́кх на явэ́ла тэ трашавэл лэн.

Mihiejo 5:8

И отячибэн Яково́скирэ манушэ́ндыр явэ́ла машки́р Наюды́тка на́цыи, дро машкира́л бутэ́-кхэри́тка ро́ды (пле́ми) сы́рбы шчэр (ле́во) машки́р вэшытконэ мурдалэ́ндэ (зверендэ), сы́рбы тэрно́ шчэр машки́р бакрэнгиро ґурто; саво́, ко́ли заджа́ла, то явэ́ла тэ штакирэл ґэрэ́нца пэ хасибэ́н, тэ роскушэл пэ котэра́, и нико́н на зракхэ́ла лэ́стыр.

Езэкилё 14:22

И тэ́ньчи ячэ́напэ дрэ лэ́стэ мануша́, чхавэ́ и чхая́, конэ́с вылыджана одотхы́р. Акэ, ёнэ выджа́на кэ тумэ́, тумэ́ дыкхэ́на, со ёнэ кэрэ́на и, савэ́ исын лэ́нгирэ рэ́нды, и тумэ́ бистрэна пал доя́ биба́хт, сави́ Мэ яндём пэ Ерусалимо, пал саро́, со Мэ яндём пэ лэ́стэ.

2 Kralip 17:12

и тэды амэ джа́са пэ лэ́стэ, дро саво́ бы штэ́то ёв тэ на явэ́л, и пэраса пэ лэ́стэ, сыр пэрэ́ла пахлын (роса) пэ пхув; и на ячэ́лапэ лэ́стэ ни екхэ манушэ́с сарэ́ндыр, савэ́ явэ́на лэ́са;

Psalmy 133:3

дава́ исын сы́рбы Ермоноскири пахлын (роса), со джа́ла тэлэ́ пэ Сионо́скири бэ́рга, пал-дова́ со одо́й пхэндя́ бахтякирибэ́н, джиибэ́н пэ сарэ́ ве́ки.

Pritčy 19:12

Кра́ли, саво́ холясо́ла, исын сы́рбы шчэр (ле́во), саво́ рыкинэла, лэ́скири ла́ска исын сы́рбы пахлын (роса) пэ чар.

Дание́лё 11:32

Кодолэ́н, кон кэрэ́ла бипатывалэс проти Завето, ёв прикхарэла кэ пэ гудлэ́ лавэ́нца; нэ э мануша́, кон гинэ́ла Дэвлэ́с, лэ́на зор и явэ́на тэ кэрэ́н, сыр трэй.

Mihiejo 4:7

И Мэ кэра́ва лангалэндыр Миро отячибэн, и Мэ кэра́ва одолэ́ндыр, савэ́н традынэ дур, зоралы́ нацыя.’ И явэ́ла Рай Дэвэ́л тэ раинэл пэ бэ́рга Сио́но, ададывэсатунэ дывэсэ́стыр и пэ сарэ́ ве́ки.”

Mihiejo 7:18

Кон исын Кадасаво́, Дэ́вла, сыр Ту сан? Кон отмэкэ́ла чорипэ́н и промэкэла чорэ́ рэ́нды манушэ́нгэ Лэ́скирэ мэкнэ́ миштыпна́стыр, савэ́ ячнэ́пэ? Ту на явэ́са ўса́ды (сак) тэ рикирэс холы́, пал-дова́ со Ту радынэсапэ тэ сыкавэс ла́ска.

Езэкилё 5:5

Адя́кэ ракирэ́ла Рай Дэвэ́л, Дэвэ́л, Сарэзорья́киро: “Кадава́ исын Ерусалимо! Мэ чхудём лэс машки́р народы, а пашы́л лэ́стэ-пхувья́.

Mihiejo 4:13

“‘Газдэпэ и обкэр гив, о чхаё Сионо́скири, пал-дова́ со Мэ кэра́ва ту́кэ саструно шынг (ро́го), и Мэ кэра́ва ту́кэ харкунэ́ (меди́тка) ная (копыты), и ту розмарэса пэ котэра́ бут манушы́тка на́цыи,’ и ту отдэса сыр обсвэнцындлэ лэ́нгиро дорэсыбэ́н Ра́скэ-Дэвлэ́скэ, со ёнэ лынэ́ явирэндыр, и лэ́нгиро миштыпэ́н Барэ́ Ра́скэ пир сари́ пхув.”

Заха́рия 9:13

Пал-дова́ со Мэ сыр лу́ко надтырдава Пэ́скэ Юдас и пхэрдякирава лу́ко Ефремоса, и ґазда́ва чхавэ́н тырэ́н, Сио́нэ, пэ чхупнар΄яндэ, Иония, и Мэ кэра́ва ту́тыр марибны́тко курта́ла зоралэ́-манушэскири.