Mihiejo 5:5 - Библия - Пэ Балтитко Романи чиб (Романэс) 2019

⁵ И кадава́ Ману́ш янэ́ла рама́нё (миро). Ке́ли о Асирия́кирэ халадэ́ явэ́на пэ дая́ пхув, и ке́ли ёнэ лэ́на тэ штавэн пир амарэ́ фэлатиня́, тэ́ньчи амэ чхуваса анги́л лэ́ндэ эфта́ чхупнарьен (пастырьен), и охто́ тхагарьен (князьен) манушэнгирэн.

Biblija - Pe Baltitko Romani čib (Romanes) 2019

⁵ I kadavá Manúš janéla ramánjo (miro). Kiéli o Asirijákire xaladé javéna pe daja phuv, i kiéli jone léna te štaven pir amaré felatiniá, tén'či ame čhuvasa angíl lénde eftá čhupnar'jen (pastyr'jen), i ohtó thagar'jen (kniaz'jen) manušengiren.

Mihiejo 5:5 Referans Kwoze

Luka 2:14

“Тэ славинэлпэ Дэвэ́л дрэ упратунэ болыбэна, и тэ явэ́л рама́нё (миро) пэ пхув машки́р манушэ́ндэ, савэ́ндыр Дэвэ́л радынэ́лапэ.”

Заха́рия 10:3

Пэ чхупнарьендэ захачи́я холын Мири́, и бузнэн (козлэн) Мэ ява́ва тэ мара́в; пал-дова́ со явэ́ла янголэ́нгирэ-болыбна́скиро Рай Дэвэ́л кэ ґурто Пэ́скиро, Юда́скиро кхэр, и чхувэ́ла лэн, сыр тхагаритконэ грэс пэ́скирэс пэ марибны́тко фэ́лда.

Joannostir 14:27

Мэ ячкирава рама́нё (миро) тумэ́нгэ, Миро рама́нё Мэ да́ва тумэ́нгэ: нэ на адя́кэ, сыр свэ́то дэ́ла, Мэ да́ва тумэ́нгэ, и мэк тэ на страхадёл тумаро́ ило́, и тэ на дарэл.

Заха́рия 9:10

Тэ́ньци Мэ хасякира́ва марибны́тка вурдэна́ дро Ефре́мо и грэн дро Ерусалимо, Мэ хасякира́ва марибны́тко лу́ко; и Ёв пхэнэ́ла пал рама́нё манушэ́нгэ, и Лэ́скиро кралипэ́н явэ́ла морёстыр (дэрьявэстыр) кэ мо́рё (дэрья́в), и рэка́тыр (лэня́тыр) кэ/жы́ко пхувья́киро яго́ро (кэ ко́нцо).

Ekliesiastos 11:2

Роскэр, со исын ту́тэ, машки́р эфта́ (эфтанэ) манушэ́ндэ, ци адя́кэ-паць машки́р охто́ (бидуе́нгиро дэш) манушэ́ндэ, пал-дова́, со ту на джинэ́са, саво́ бэдыпэн явэ́ла пэ пхув.

Ióvo 5:19

Ёв зракхэ́ла тут шовэ бидэндыр и дрэ эфта́то биба́хт на чилавэ́ла тут.

Sykadyipén 19:14

И халадэ́ болыбны́тка джа́нас пал Лэ́стэ, савэ́ сыс пэ парнэ́ грэ́ндэ и уридэ́ дро парно́ и жужо́ висонытко тхан.

Sykadyipén 17:14

Ёнэ явэ́на тэ марэ́нпэ проти Свэнтонэ́ Бакрорэстэ и Свэ́нто Бакроро́ лэ́ла упралыпэ́н пэ лэ́ндэ, пал-дова́ со Ёв исын Кра́ли Кралье́ндыр, Рай Дэвэ́л ра́ндыр, кхэтанэ́ пэ́скирэ выкэдынэ́ и патяибнытконэ манушэ́нца, савэ́ исын пашы́л Лэ́стэ.

Joannostir 16:33

ґа́да, Мэ пхэндём тумэ́нгэ, соб (кай) тумэ́ тэ явэ́н дро рама́нё Ма́нца. Дро свэ́то мэ́ньки тумэн ужакирэ́на; нэ рикирэнпэ муршканэ́с: Мэ збердындём (пиризорьякирдём) дава́ свэ́то”

Заха́рия 12:6

Дро дова́ дывэ́с Мэ кэра́ва ран Юдаскирэн – сыр хич (скороведа) яга́са машки́р кашта́ и сыр момолы́тко (свети́льнико) машки́р ґарбы (снопы), и ёнэ повымарна сарэ́н пашылатунэн манушэ́н чачэ́ и зэрвонэ (левонэ) рига́тыр, и нэвэ́стыр явэ́на дро Ерусалимо мануша́ пэ лэ́скиро, Ерусалимоскиро штэ́то.

Заха́рия 9:13

Пал-дова́ со Мэ сыр лу́ко надтырдава Пэ́скэ Юдас и пхэрдякирава лу́ко Ефремоса, и ґазда́ва чхавэ́н тырэ́н, Сио́нэ, пэ чхупнар΄яндэ, Иония, и Мэ кэра́ва ту́тыр марибны́тко курта́ла зоралэ́-манушэскири.

Amoso 1:6

Адя́кэ ракирэ́ла Рай Дэвэ́л: “Пал трин чорипэна, со кэрдэ́ мануша́ Газатыр и пал штар чорипэна, Мэ на отмэка́ва пхаро́ сэ́ндо лэ́нгэ, пал-дова́ со ёнэ лыджинэ́ сарэ́ Юдэ́н дро пле́но, соб (кай) тэ бикнэн лэн сыр писхарье́н кэ Эдо́мо.

Amoso 1:3

Адя́кэ ракирэ́ла Рай Дэвэ́л: “Пал трин чорипэна и штар, со кэрдя́ Дама́ско, Мэ на отмэка́ва пхаро́ сэ́ндо лэ́нгэ, палдова́ со ёнэ молотиндлэ Галаа́до саструнэ́ гиваобкэрибнытконэ́нца (молотилкэнца).

Ереме́ё 33:15

‘дрэ долэ́ дывэса́ и дро дова́ часо Мэ кэра́ва адя́кэ, со чачипнаскири Рандь [Отбарипэн-р.с.] выбарьёла Давидо́скэ, и Ёв явэ́ла тэ сэндякирэ́л и тэ кэрэ́л пир чачипэ́н пэ пхув.

Isajos 65:8

Адя́кэ ракирэ́ла Рай Дэвэ́л: “Ко́ли барьёла винаградо, тэ́ньчи ракирэ́на: ‘На чхин лэс, пака ёв выбарьёла, дрэ лэ́стэ исын бахтякирибэ́н; адя́кэ Мэ кэра́ва ваш Мирэ́ писхарье́нгэ, соб (кай) тэ на хасякира́в сарэ́н.

Isajos 59:19

И явэ́на тэ дарэ́н Ра́скирэ-Дэвлэ́скирэ лавэ́стыр пэ западо (пэ пал-панитко риг), дарэ́на Лэ́скирэ барэ́ патыватыр пэ доя́ риг, кай кхам ґаздэ́лапэ. Ко́ли вэ́рго явэ́ла, сыр рэка (лэнь), то пхурдыпэн Ра́скиро Дэвлэ́скиро лэс вытрадэла.”

Isajos 44:28

Саво́ ракирэ́ла пал Кирастэ: “Миро чхупна́ри; ёв кэрэ́ла саро́ пир Мири́ во́ля, ёв пхэнэ́ла кэ Ерусалимо. “Ту на явэ́са буты́р роспхагирдо, пхэнэ́ла кэ Кхангири́: “Ту явэ́са чхуды́ пэ штэ́то!”

Isajos 7:14

Нэ кокоро́ Рай Дэвэ́л дэ́ла ґерты́к/ досыкаибэн тумэ́нгэ: акэ, э патывалы́ тэрны́ джувлы́ прилэ́ла и биянэ́ла чхавэ́с, и дэ́на Лэ́скэ лав: Эмануило.

Pritčy 30:29

Исын трин джидалэ, савэ́ штавэна райканэс, и штар, савэ́ пир линия джа́на анги́л:

Pritčy 30:18

Исын трин чачипэна́, со исын древа́н ди́вна ваш ма́нгэ, и исын штар чачипэна́, со мэ на ґалёвава:

Psalmy 72:7

Дрэ лэ́скирэ дывэса́ чачипэ́н и рама́нё явэ́на пэ най шукарэдыр штэ́то ўсенде (везде), пака чхон исын пэ болыбэ́н.

Pritčy 6:16

Акэ, исын шов чачипэна́, со Рай Дэвэ́л древа́н на камэ́ла; ґа́да, эфта́ (битринэ́нгиро дэш) чачипэна́, савэ́ исын джунгалэ́ Лэ́скэ:

Isajos 14:25

Соб (кай) Мэ тэ розмарав Асуро пэ Мири́ пхув, тэ ростасавав лэс пэ Мирэ́ бэ́рги; и пэрла лэ́ндыр лэ́скиро ґа́мо, злэлапэ пхарипэ́н лэ́нгирэ псикэндыр.”

Заха́рия 10:11

И ёнэ джа́на пир бари би́да пир мо́рё (дэрья́в) и Мэ хасякира́ва валны моритка адя́кэ, со тэрдёна сарэ́ хорипна рэкакирэ (лэнякирэ), тыкнёла Асуроскиро пхутькирибэ́н и отлэна скипетро Египто́стыр.