Mihiejo 5:4 - Библия - Пэ Балтитко Романи чиб (Романэс) 2019

⁴ И Ёв тэрдёла и Ёв явэ́ла тэ чаравэл Лэ́скирэ-бакрэнгири стада Ра́скирэ-Дэвлэ́скирэ зоралыпнаса, лавэскирэ райканыпнаса Ра́стыр-Дэвлэ́стыр, Лэ́скирэ Дэвлэ́стыр. И ёнэ ячэ́напэ тэ дживэ́н би дара́киро, пал-дова́ со Ёв явэ́ла Баро́ пэ яго́ры (пэ краи́) пхувья́кирэ.

Biblija - Pe Baltitko Romani čib (Romanes) 2019

⁴ I Jov terdjola i Jov javéla te čaravel Léskire-bakrengiri stada Ráskire-Devléskire zoralypnasa, laveskire rajkanypnasa Rástyr-Devléstyr, Léskire Devléstyr. I jone jačénape te dživén bi darákiro, pal-dová so Jov javéla Baró pe jagóry (pe kraí) phuvjákire.

Mihiejo 5:4 Referans Kwoze

Mihiejo 7:14

(Дэ́вла!) Чарав дэстэса Тырэ́ манушэ́н, кон исын дро ґурто Тырэ́-миштыпнаскиро, савэ́ дживэ́на кокорэ́ пэ́скэ дро вэш, машки́р Кармило: мэк ёнэ тэ чаравэнпэ пэ Васа́но и пэ Галаа́до, сыр сыс дрэ ґаратунэ́ дывэса́.

Luka 1:32

Ёв явэ́ла баро́, и Лэс лэ́на тэ кхарэ́н Чхавэ́са Най Вучэдырэскирэса, и Рай Дэвэ́л дэ́ла Лэ́скэ Давидо́скиро троно, Лэ́скирэ Дадэ́скиро;

Sykadyipén 11:15

И эфта́то (битринэнтиро дэ́што) Янго́ло пхурдыя дрэ пэ́скиро ро́го (труба): и сыс зоралэ́ заня́ пэ болыбэ́н, со ракирдэ́: “Свэтытко Кралипэ́н амарэ́ Ра́скирэ-Дэвлэ́скиро и Лэ́скирэ Христосо́скиро явдя́ и Ёв явэ́ла тэ кралинэн пэ сарэ́ ве́ки.”

1 Petr 1:5

Пал савэ́ндэ Дэвэ́л Пэ́скирэ зорья́са явэ́ла тэ дыкхэ́л ваш зракхибэ́н, саво́ исын приготовиндло амэ́нгэ и явэ́ла сыкадо дро палатуно́ часо.

Juda 1:1

Юдастыр, Исусо́скирэ Христосо́скирэ писхаристыр, Яково́скирэ пшалэстыр, манушэ́нгэ, савэ́ ячнэ́ дро́га Дэвлэ́скэ Дадэ́скэ, и савэ́н Ёв прикхардя, и савэ́н зракхця́ Ису́со Христо́со:

Эфесянэнгэ 1:3

Мэк тэ явэ́л бахтякирдо́ Дэвэ́л и Дад амарэ́ Дэвлэ́скиро Исусо́скиро Христосо́скиро, Саво́ бахтякирдя́ амэн дро екхипэ́н Христоса кажнонэ́ Духо́скирэ бахтякирибна́са дро Болыбна́скиро свэ́то

Joannostir 20:17

Ису́со ракирэ́ла: “На чилав Ман, пал-дова́ со Мэ на рисиём кэ Миро Дад; джа́ кэ Мирэ́ пша́ла и пхэн лэ́нгэ: “Мэ рисёва́ва кэ Миро Дад и тумаро́ Дад и кэ Миро Дэвэ́л и кэ тумаро́ Дэвэ́л”.”

Joannostir 10:38

нэ ко́ли Мэ кэра́ва лэн, тумэ́ могинэ́на Ма́нгэ тэ на патя́н, а патя́н тэды дрэ Мирэ́ рэ́нды, соб (кай) тумэ́ тэ джинэ́н и тэ ґалён, со Миро Дад исын дрэ Ма́ндэ, и Мэ сом дрэ Лэ́стэ.”

Матфеё 25:31

И ке́ли явэ́ла Чхаво́ Манушэ́скиро кралитконэ слава́са и сарэ́ Лэ́скирэ Янголэнца, тэды Ёв бэшэ́ла пэ Лэ́скиро славу́тно троно;

Матфеё 16:18

И Мэ пхэна́ва ту́кэ: Ту сан Пэ́три, пэ дава́ бар Мэ кэра́ва Кхангири́ Мири́, и люноскири зор (мэрибэ́н) на лэ́ла упралыпэ́н пэ ла́тэ.

Матфеё 2:6

“И ту, Вифлее́мо, пхув Юдаскири, ту на сан тыкнэды́р Хуландыр Юдэя́тыр; пал-дова́ со ту́тыр выджа́ла Шэрало́, Саво́ явэ́ла тэ хулаинэ́л пэ Израилёскирэ манушэ́ндэ.”

Заха́рия 9:10

Тэ́ньци Мэ хасякира́ва марибны́тка вурдэна́ дро Ефре́мо и грэн дро Ерусалимо, Мэ хасякира́ва марибны́тко лу́ко; и Ёв пхэнэ́ла пал рама́нё манушэ́нгэ, и Лэ́скиро кралипэ́н явэ́ла морёстыр (дэрьявэстыр) кэ мо́рё (дэрья́в), и рэка́тыр (лэня́тыр) кэ/жы́ко пхувья́киро яго́ро (кэ ко́нцо).

Isajos 52:13

Акэ, писха́ри Миро бахтякирдо́ явэ́ла, ґаздэ́лапэ дрэ паты́в, явэ́ла шардо, и прилэ́ла барипэ́н.

Isajos 49:5

Акана́ ракирэ́ла Рай Дэвэ́л, Саво́ кхардя́ Ман ишчо (инкэ́) дрэ дакири лочови́, соб (кай) тэ явав Мэ Лэ́скирэ дынариса, соб (кай) Мэ тэ прикхарав кэ Ёв Яково́с, и, соб (кай) Израилё кэ Ёв тэ скэдэлпэ. Мэ прилыём паты́в дрэ якха́ Ра́скирэ-Дэвлэ́скирэ; Дэвэ́л Миро исын Мири́ зор.

Psalmy 145:12

соб (кай) тэ джинэ́н манушэ́нгирэ чхавэ́ пал Тырэ́-зоралыпнаскирэ рэ́нды и пал славу́тно райканы сла́ва Тырэ́ кралипнастыр.

Psalmy 98:3

Ёв дыя́ тэ рипирэл пал Пэ́скири лачхэ́-илы́ткима и лэ́скиро чачипэ́н Израилёскирэ кхэрэ́скэ: сарэ́ пхувья́кирэ яго́ры (краи́) дыкхнэ́, сыр амаро́ Дэвэ́л зракхэ́ла Пэ́скиро манушэ́н.

Psalmy 93:1

Рай Дэвэ́л кралинэла, Ёв уридя пэ Пэ́стэ райканы сла́ва: Рай Дэвэ́л уридяпэ и подпхандяпэ зоралыпнаса и Ёв зачхудя свэ́то, Саво́ на тринскирлапэ.

Psalmy 72:19

Мэк тэ явэ́л бахтякирдо́ Лэ́скиро лав пэ сарэ́ ве́ки! Мэк тэ явэ́л пхэрды́ сари́ пхув Лэ́скирэ слава́са. Ами́нь и ами́нь.

Psalmy 72:8

Лэ́скиро кралипэ́н явэ́ла екхэ морёстыр (дэрьявэстыр) кэ яви́р, Евфратонэ рэка́тыр (лэня́тыр) кэ пхувья́кирэ яго́ры (краи́).

Psalmy 22:27

Мэк тэ хан чалэ́с одолэ́, савэ́ ха́на мэ́ньки, а одолэ́, савэ́ родэ́на Рас-Дэвлэ́с, явэ́на тэ шарэ́н Лэс, мэк тэ дживэ́н тумарэ́ илэ пэ сарэ́ ве́ки!

Vygiiben 23:21

Ракх пэс анги́л Лэ́скиро муй, и шун Лэ́скири зан; на яв проти Лэ́стэ, пал-дова́ со Ёв на отмэкэ́ла тумаро́ грэ́хо; пал-дова́ со Миро лав исын дрэ Лэ́стэ.

Isajos 52:10

Сыкадя́ сарэ́нгэ Рай Дэвэ́л Пэ́скиро свэ́нто васт, соб (кай) тэ дыкхэ́н сарэ́ народы; сарэ́ пхувья́кирэ яго́ры (концы) дыкхэ́на амарэ́ Дэвлэ́скиро зракхибэ́н.

Isajos 45:22

Кэ Мэ обрисён и тумэ́ зракхэнапэ, сарэ́ яго́ры (краи́) пэ пхув, пал-дова́ со Мэ сом Дэвэ́л и нанэ явирэ́с.

Заха́рия 13:7

О, Курта́ля! Ѓаздэпэ пэ пастырёстэ Мирэстэ и пэ сэмэнцатэ Мирьятэ, ракирэ́ла янголэ́нгирэ-болыбна́скиро Рай Дэвэ́л. Замар пастырёс, и роспрастанапэ бакрэ́! И Мэ протырдава васт Миро кэ тыкнэ́.

Малахия 1:5

И тумарэ́ якха́ дыкхэ́на дава́, и тумэ́ пхэнэ́на: ‘Барипэ́н Ра́скирэ-Дэвлэ́скиро пириджала ме́жа Израилёскири’.

Isajos 8:7

то янэ́ла кэ ёв Рай Дэвэ́л баро́ пани́ – Асирия́кирэ крали́с лэ́скирэ барипнаса; и ґаздэ́лапэ дава́ пани́, выджа́ла пэ́скирэ брэгэндыр.