Mihiejo 5:3 - Библия - Пэ Балтитко Романи чиб (Романэс) 2019

³ Палдава́ Рай Дэвэ́л ячкирэ́ла Израилё кэ/жы́ко дасаво часо, ке́ли ёй, савьякэ трэй тэ биянэ́л, биянэ́ла, тэды кодолэ́ Лэ́скирэ пшалэ, кон яця́пэ, рисёна палэ кэ Израилёскирэ чхавэ́.

Biblija - Pe Baltitko Romani čib (Romanes) 2019

³ Paldavá Raj Devél jačkiréla Izrailjo ke/žýko dasavo časo, kiéli joi, savjake trej te bijanél, bijanéla, tedy kodolé Léskire pšale, kon jaciápe, risjona pale ke Izrailjoskire čhavé.

Mihiejo 5:3 Referans Kwoze

Матфеё 1:21

ёй биянэ́ла Чхавэ́с, ту дэ́са Лэ́скэ лав Ису́со, пал-дова́ со Ёв зракхэ́ла Пэ́скирэ манушэ́н грэхэ́ндыр.”

Mihiejo 4:7

И Мэ кэра́ва лангалэндыр Миро отячибэн, и Мэ кэра́ва одолэ́ндыр, савэ́н традынэ дур, зоралы́ нацыя.’ И явэ́ла Рай Дэвэ́л тэ раинэл пэ бэ́рга Сио́но, ададывэсатунэ дывэсэ́стыр и пэ сарэ́ ве́ки.”

Osija 11:8

Со Ма́нгэ тэ кэра́в ту́са, Ефреме? Сыр Мэ выдава тут, Израиле? Сыр Мэ тэ кэра́в ту́са сыр Адмаса [Адамаса-р.с.]? Сыр Мэ сашты́ тэ кэра́в ту́кэ одова́, со кэрдём Сэвоимоскэ [Цэвоимоскэ-ю.о.]? Миро ило́ рисия́ дрэ Ма́ндэ, Мири́ ла́ска (жалость) росхачия.

Mihiejo 7:13

Нэ доя́ пхув явэ́ла чхучи́ (пусто) пал банг кодолэгири, кон дживэ́ла пэ ла́тэ, и пал дова́ чорипэ́н, со ёнэ кэрдэ́.

Osija 2:14

“Палдава́ Мэ затырдава (уракирава) ла и яна́ва ла пэ чхучи́ пхув, и Мэ ява́ва тэ ракира́в илыткэс ла́са.

Osija 2:9

Пал-дава́ Мэ рисёва́ва палэ, и Мэ ла́ва палэ Миро гив (маро́) дро умалотно часо, и Мири́ мол (вино) дро ла́киро сезоно, и Мэ ла́ва палэ Мири́ вы́лна и Миро ґандладо (лёно), со дыно́ сыс ла́кэ тэ учхакирэл ёй пэ́скиро нангипэ́н.

Римлянэнгэ 8:29

Палдова́ со, конэ́с Ёв кокоро́ англэды́р выкэдыя́, одолэ́н и освэнцындя тэ кэрэ́н, соб (кай) ёнэ тэ подджан пэ Лэ́скирэ Чхавэ́стэ, адя́кэ, соб (кай) Ёв тэ явэ́л англатуно́ машки́р бутэндэ пшалэ́ндэ.

Матфеё 25:40

И отпхэнэ́ла лэ́нгэ Кра́ли: ‘Чачэс, ракира́ва тумэ́нгэ: ‘Дова́, со тумэ́ кэрдэ́ дава́ Мирэ́ пшалэ́нгэ, савэ́ндэ нанэ дасави́ зор, тумэ́, хай, кэрдэ́ Ма́нгэ.’

Матфеё 12:50

Пал-дова́ со, кон кэрэ́ла саро́ пир Мирэ́ Дадэ́скири во́ля, Саво́ исын дро Болыбна́скиро Раё, кодова́ исын Ма́нгэ пшал и пхэн и дай.”

Mihiejo 6:14

Ту явэ́са тэ хас, нэ ту на явэ́са чалы; бокх (чхучипэн) явэ́ла андрэ́ тыро́ кужум (жэлудко). Ту явэ́са тэ лыджас криг вари-со [отчхувэса пэ́скэ-р.с.], нэ ту на зракхэ́са дова́, и кодова́, со ту зракхэ́са, Мэ да́ва тэл курта́ла.

Ереме́ё 31:1

“Дро долэ́ дывэса́’, – ракирэ́ла Рай Дэвэ́л,’ – Мэ ява́ва Дэвэ́л ваш сарэ́ кхэри́тка ро́ды (пле́ми) Израилёстыр и ёнэ явэ́на Мирэ́ мануша́.”

Isajos 11:11

Явэ́ла дро дова́ дывэ́с адя́кэ: ишчо (инкэ́) протырдэла Рай Дэвэ́л Пэ́скиро васт, соб (кай) тэ рискирэ́л ячаибэ́н Пэ́скирэ народо́стыр, саво́ ячэ́лапэ кэ Асуро, дро Еги́пто, кэ Патросо, кэ Хусо, кэ Еламо, кэ Сенааро, кэ Емафо, пэ островы, савэ́ исын пир мо́рё (дэрья́в).

2 Паралипоменоно 30:7

И на явэ́н адасавэ́, сыр тумарэ́ дада́ и тумарэ́ пша́ла, савэ́ на пир Зако́но кэрдэ́ анги́л Растэ-Дэвлэ́стэ, пэ́скирэ дадэнги́рэ Дэвлэ́стэ; и Ёв отдыя́ лэн пэ хасибэ́н, сыр тумэ́ дыкхэ́на.

3 Kralip 14:16

И отдэ́ла Рай Дэвэ́л Израилё пал грэ́хи Еровоамоскирэ, савэ́ ёв кокоро́ кэрдя́, и савэ́нца залыджия́ дро грэ́хо Израилё.”

Amoso 5:15

Бидыкхэн тумэ́ чорипэ́н (биба́хт), нэ выкэдэн лачхипэ́н, и тумэ́ кэрэ́н адя́кэ, соб (кай) тэ явэ́л чачипэ́н пашы́л по́рта (вра́ты) форо́скири, сашты́ тэ явэ́л, со Рай Дэвэ́л, янголэ́нгирэ-болыбна́скиро Дэвэ́л, явэ́ла тэ тангинэ́л одолэ́н, кон ячэ́лапэ манушэ́ндыр Езаскирэндыр (Иосифостыр).”

Mihiejo 5:7

И отячибэн Яково́скирэ манушэ́ндыр явэ́ла машки́р бут манушы́тка на́цыи сы́рбы пахлын (роса) Ра́стыр-Дэвлэ́стыр, сы́рбы спорко брышы́нд пэ чар, савэ́ на явэ́на тэ ужакирэн манушэ́нгирэ (Адамоскирэ) чхавэ́н, савэ́нца на явэ́ла тэ хулаинэ́л ману́ш.

Mihiejo 5:8

И отячибэн Яково́скирэ манушэ́ндыр явэ́ла машки́р Наюды́тка на́цыи, дро машкира́л бутэ́-кхэри́тка ро́ды (пле́ми) сы́рбы шчэр (ле́во) машки́р вэшытконэ мурдалэ́ндэ (зверендэ), сы́рбы тэрно́ шчэр машки́р бакрэнгиро ґурто; саво́, ко́ли заджа́ла, то явэ́ла тэ штакирэл ґэрэ́нца пэ хасибэ́н, тэ роскушэл пэ котэра́, и нико́н на зракхэ́ла лэ́стыр.

Psalmy 67:3

Соб (кай) сарэ́ пэ пхув тэ джинэ́н Тыро́ дром, сарэ́ Наюды́тка на́цыи тэ джинэ́н, со Ту зракхэ́са.

Isajos 49:6

И Ёв пхэндя́: “Дава́ исын набаро́ рэ́ндо ваш Ту́кэ, со ту явэ́са Миро писха́ри, соб (кай) тэ дживэ́л ро́дыцо Яково́скиро, соб (кай) тэ рисёл ячаибэ́н Израилёскиро; нэ дава́ ишчо (инкэ́) нанэ саро́. Нэ кэра́ва Мэ Тут дудэса (свэтоса) ваш манушэ́нгэ, соб (кай) тэ джинэ́н Миро зракхибэ́н сарэ́ яго́ры (концы) пэ пхув.”

Ереме́ё 23:5

“Акэ, явэ́на дывэса́”, – ракирэ́ла Рай Дэвэ́л, – ке́ли Мэ чхува́ва упрэ́ нэвэ́стыр Давидо́скэ Рандь (Отбарипэн) чачуны́, Крали́с, ёв явэ́ла тэ раинэл и тэ кэрэ́л саро́ годэс. Ёв явэ́ла тэ кэрэ́л чачуно́ сэ́ндо и пир чачипэ́н пэ пхув.

Езэкилё 34:16

“Сави́ нашадяпэ – одоля латхава, сави́ сыс утрадыны – одоля рискира́ва, сави́ сыс дукхады – одоля пирипхандава, а одоля, сави́ яця́ древа́н тхулы и одоля, сави́ на кандэ́ла – лэн хасякира́ва Мэ; Мэ ява́ва тэ чаравав лэн чачипна́са.

Mihiejo 4:4

Нэ кажно (сва́ко) ману́ш явэ́ла тэ бэшэ́л тэл винаграды́тко хру́сто и тэл лэ́скирэ-инжыритко кашт (дрэ́во), и нико́н на явэ́ла тэ трашавэл лэн, пал-дова́ со янголэ́нгирэ-болыбна́скиро Рай Дэвэ́л дыя́ лав пал дава́.

Заха́рия 10:6

Мэ зоралякирава кхэр Юда́скиро и зракха́ва кхэр Ёзаскиро, и Мэ рискира́ва лэн палэ, пал-дова́ со ковлыя ило́ Миро пал лэ́ндэ, и ёнэ явэ́на, сы́рбы Мэ на мэкавас лэн: пал-дова́ со Мэ Рай-Дэвэ́л лэ́нгиро, и Мэ вышунава лэн.