Mihiejo 5:10 - Библия - Пэ Балтитко Романи чиб (Романэс) 2019

¹⁰ “И явэ́ла адя́кэ дро дова́ дывэ́с”, – ракирэ́ла Рай Дэвэ́л, – “со Мэ хасякира́ва Тырэ́ грэн тырэ́н машкиралыпнастыр, и Мэ розмарава пэ котэра́ тырэ́ марибны́тка вурдэна́.

Biblija - Pe Baltitko Romani čib (Romanes) 2019

¹⁰ “I javéla adiáke dro dová dyvés”, – rakiréla Raj Devél, – “so Me xasiakiráva Tyré gren tyrén maškiralypnastyr, i Me rozmarava pe koterá tyré maribnýtka vurdená.

Mihiejo 5:10 Referans Kwoze

Заха́рия 9:10

Тэ́ньци Мэ хасякира́ва марибны́тка вурдэна́ дро Ефре́мо и грэн дро Ерусалимо, Мэ хасякира́ва марибны́тко лу́ко; и Ёв пхэнэ́ла пал рама́нё манушэ́нгэ, и Лэ́скиро кралипэ́н явэ́ла морёстыр (дэрьявэстыр) кэ мо́рё (дэрья́в), и рэка́тыр (лэня́тыр) кэ/жы́ко пхувья́киро яго́ро (кэ ко́нцо).

Osija 14:3

Лэн пэ́са мангипнытка лава́ и рисён палэ кэ Рай Дэвэ́л, ракирэ́н Лэ́скэ: “Отмэк амэ́нгэ саро́ чорипэ́н и прилэ́ амэн ласкаса, соб (кай) амэ́нгэ тэ янас свэ́нта дыибэна́ амарэ́ уштэндыр.”

Osija 1:7

Нэ Мэ сыкава́ва ла́ска пэ кхэр Юда́скиро, и Мэ, Рай Дэвэ́л, лэ́нгиро Дэвэ́л, выракхава лэн, нэ на́ луко́са, на́ куртала́са, на́ марибна́са, на́ грэ́нца, на́ уклистэнгирэ халадэнца.”

Ереме́ё 3:23

Чачипэ́н, со амэ ивья́ патяндыям, со бэ́ргицы выракхэна амэн, со бутэ́-бэргэнгири зор подэла васт амэ́нгэ: чачипна́са Рай Дэвэ́л, амаро́ Дэвэ́л фэ́ни выракхэла амэн.

Isajos 2:7

Пхэрдия лэ́нгири пхув рупэ́са и сувнака́са; на пиригинэса лэ́нгиро барвалыпэ́н; пхэрдия лэ́нгири пхув грэнца и на пиригинэса лэ́нгирэ вурдэна́.

Яви́р Зако́но 17:16

Екх, соб (кай) ёв тэ на убарьякирэл (тэ на розлыджал) пэ́скэ бут грэн, и тэ на рискирэ́л манушэ́н дро Еги́пто ваш дова́, соб (кай) тэ убарьякирэл пэ́скэ буты́р грэн, пал-дова́ со Рай Дэвэ́л пхэндя́ тумэ́нгэ: “На рисён буты́р далэ́ дромэ́са”;

Agiejo 2:22

Мэ равава дрэ руи́ны троно кралипнэнгиро, Мэ хасякира́ва Наюдытконэ́ – кралипнэнгири зор. Мэ пириравава марибны́тка в урдэна кодолэнца, савэ́ традэ́на пэ лэ́ндэ: граё и лэ́нгирэ уклистэнгирэ (всадники) пэрэ́на, со кэ екх лэ́ндыр пэрэ́ла куртала́тыр лэ́скирэ пшалэскирьятыр.’