Mihiejo 5:1 - Библия - Пэ Балтитко Романи чиб (Романэс) 2019

¹ Акана́ скэ́дэ кхэтанэ́ халадэ́н, э чхай халадэнгири, пал-дова́ со амэн обчхудэ трусця́л вэ́рги, и ёнэ пэкавэна Израилёскирэ сэндарис кхияса (тростяса) пир чхам (шчока).

Biblija - Pe Baltitko Romani čib (Romanes) 2019

¹ Akaná skéde khetané xaladén, e čhaj xaladengiri, pal-dová so amen občhude trusciál vérgi, i jone pekavena Izrailjoskire sendaris khijasa (trostiasa) pir čham (ščoka).

Mihiejo 5:1 Referans Kwoze

Roiben 3:30

Ёв подчхувэла пэ́скири чхам (шчока) кодолэ́скэ, кон марэла лэс; мэк тэ обракирэн лэс пхэрдэ́с.

Ióvo 16:10

Э мануша́ путравэна пэ́скирэ якха́ пэ ма́ндэ, ёнэ пэкавэна ман пир чхама (шчоки), бангякири, ёнэ кэдэнапэ кхэтанэ́ пэ ма́ндэ.

2 Коринфянэнгэ 11:20

Ци вырикирэна тумэ́, ке́ли вари-кон лэ́ла упралыпэ́н пэ тумэ́ндэ, ци дживэ́ла пал тумарэ́ ловэ́, ци обчорэла тумэн, ци пхутёла, ци марэла тумэн пир муй?

Apostolengiri Butý 23:2

Нэ раша́нгиро барыдыро́ Анания припхэндя́ манушэ́нгэ, савэ́ сыс тэрдэ́ пашы́л Павлистэ тэ марэ́н лэс пир ушта́.

Joannostir 19:3

И ёнэ ракирдэ́: “Яв джидо́, Кра́ли Юдэ́нгиро!” – и мардэ́ Лэс пир чама (шчоки).

Joannostir 18:22

Ке́ли Ёв пхэндя́ дава́, екх стрэгарьендыр, саво́ сыс тэрдо́ пашы́л, пэкадя́ Исусо́с пир чам (шчока), ракири́: “Сыр Ту отпхэнэса раша́нгирэ барыдырэ́скэ?”

Матфеё 26:67

Тэды чунгардынэ Лэ́скэ дро муй, и мардэ́ Лэс; яви́р пэкавэнас Лэс пир муй,

Isajos 33:22

Пал-дова́ со Рай Дэвэ́л исын амаро́ Сэнда́ри, Рай Дэвэ́л дэ́ла амэ́нгэ Зако́но, Рай Дэвэ́л исын амаро́ Кра́ли, Ёв зракхэ́ла амэн.

Яви́р Зако́но 28:49

Бичхавэ́ла пэ ту́тэ Рай Дэвэ́л манушы́тко нацыя (народо) дурипнастыр, ягороскирэ пхувья́тыр: сыр о́рло (ки́до) привурняна мануша́, савэнгири чиб ту на галёса,

Матфеё 27:30

И чунгардэнас пэ Лэ́стэ, и лынэ́ дэсто́ и мардэ́ лэ́са Лэс пир шэро́.

Матфеё 5:39

Нэ Мэ ракира́ва тумэ́нгэ: на кэр фуипэ́н палэ одолэ́скэ, кон кэрдя́ фуипэ́н ту́кэ; нэ кон пэкавэла тут дрэ тыри́ чачи́ (право) чам (шчока), тэ́ньчи ри́скир кэ ёв яви́р.

Avakumo 3:16

Ке́ли мэ шундём, мирэ́ маса́ лынэ́ тэ издран, мирэ́ ушта́ лынэ́ тэ издран локхэс далэ́ занятыр: кирныпэн загия́ дрэ мирэ́ кокалы́; и мэ яцём тэ тринскиравпэ пэ пэ́скиро штэ́то. Нэ ма́нгэ трэй тэ явав штыл дро дывэ́с дарано, ке́ли явэ́ла вэ́рго пэ мирэ́ манушэ́ндэ пэ́скирэ халадэнца.

Avakumo 1:6

Пал-дова́ со Мэ, акэ, ґазда́ва Халдеен, кирки и сы́гно нацыя, сави́ кхарэ́лапэ (двигинэлапэ) пир пхувья́киро буґлыпэ́н, соб (кай) тэ заухтылэн джиибна́скирэ штэ́ты, савэ́ исын на лэ́нгирэ.

Amoso 2:3

И Мэ хасякира́ва сэндарис машки́р лэ́ндэ, и Мэ мулякирава сарэ́ лэ́нгирэ тхагарьен кхэтанэ́ лэ́са”, – ракирэ́ла Рай Дэвэ́л.

Ioil 3:9

Тэ дэн дая́ зан (звесь) машки́р Наюдытконэ́ на́цыи: кэдэнпэ пэ марибэ́н. Джангавэн зоралыпнаскирэ муршэ́н адя́кэ, соб (кай) тэ явэ́н сарэ́ марибнаскирэ мурша́ пашылэды́р, мэк ёнэ тэ явэ́н.

Езэкилё 24:2

“Манушэ́скиро чхава! Зачхин пэ́скэ сыр кхарэлпэ дава́ дывэ́с, дро кадава́ дывэ́с Вавилоно́скиро кра́ли явэ́ла тэ обджал трусця́л халадыбнаса Ерусалимо.

Ереме́ё 25:9

акэ, Мэ бичхава́ва, и Мэ ла́ва сарэ́ сэм΄и (ирья́) паш-ратитконэ́ (севернонэ) рига́тыр’, – ракирэ́ла Рай Дэвэ́л, – ‘и Мэ бичхава́ва лэн кэ Навуходоносо́ро, кра́ли пир Вавило́но, Миро писха́ри, и Мэ яна́ва лэн проти дая́ пхув, и проти манушэ́ндэ, кон дживэ́ла пэ дая́ пхув, и проти сарэ́ далэ́ Наюды́тка на́цыи, савэ́ исын трусця́л, и Мэ сарэ́са хасякира́ва лэн, и Мэ кэра́ва адя́кэ, со мануша́ явэ́на тэ дивинэнпэ трашатыр (дара́тыр) пэ лэ́ндэ, тэ дэн шоля сабнаса и лэ́нгэ явэ́ла ве́чно хась/ хасибэ́н.

Ереме́ё 4:7

Шчэр (ле́во) выджа́ла пэ́скирэ хашчатыр и хасякирибнаскиро пэ Наюдытконэ́ манушэ́ндэ: ёв джа́ла пэ́скирэ, штэто́стыр тэ чхучакирэл Юдэякири пхув, соб (кай) фо́рья дрэ Юдэ́я тэ явэ́н чхучэ́, би манушэ́нгиро.

Isajos 10:6

Мэ бичхава́ва лэс пэ грэхоскиро народо, пэ народо, со прилыя́ Мири́ холы́; Мэ да́ва лэ́скэ припхэныбэ́н, соб (кай) тэ чорэл барэ́ чорибнаса, соб (кай) тэ дорэсэл дорэсыбэ́н, соб (кай) тэ кэрэ́л далэ́ народо́стыр бла́та пэ вули́ца (га́са).

Isajos 8:9

Марэ́нпэ, народы, нэ дарэ́н, шунэ́н, сарэ́ пхувья́, савэ́ исын дур адатхы́р! Лэн курта́ла пэ марибэ́н, нэ дарэ́н, лэн курта́ла, нэ дарэ́н!

4 Kralip 24:2

И бичхадя́ пэ лэ́стэ Рай Дэвэ́л баро́ кэ дар халадыбэ́н Халдее́нгиро, и халадыбэ́н Сириянэнгиро, и халадыбэ́н Моавитянэнгиро, и халадыбэ́н Амонитянэнгиро, – бичхадя́ лэн пэ Юдастэ, соб (кай) тэ хасякирэ́л лэс пир Ра́скирэ-Дэвлэ́скиро лав, саво́ Ёв пхэндя́ пирда́л Пэ́скирэ писхарье́ндэ, пророкэ́ндэ.

3 Kralip 22:24

И тэ́ньчи подги́я Сэдэки́я, Хенаанаскиро чхаво́, и пэкадя́ Михеёс дрэ чам (шчока), пхэни́: “Кай, сыр дава́ акана́ отгия́ ма́ндыр Ду́хо (Фа́но) Ра́стыр-Дэвлэ́стыр, соб (кай) тэ ракирэ́л ту́тыр?”

Džiibén 35:19

И Рахи́ль мыя́, и ґарадэ́ ла пэ дром дрэ Ефрафа, дава́ исын Вифлее́мо.

Džiibén 49:10

На отджала Юдастыр скипетро и законоскиро дыибнари лэ́скирэ трушулэндыр, кэ дава́ часо, пака явэ́ла Раманёскиро (Примирителё), и лэс явэ́на тэ кандэ́н мануша́.

Яви́р Зако́но 33:27

Тыро́ Рай Дэвэ́л исын ґаратуно штэ́то тэ гарадёс, и ту сан тэл вечна васта́; Ёв традэ́ла криг вэргэ́н (врогэн) тырэ́ мо́стыр и пхэнэ́ла: “Хасякир лэн!”

Сэндарьенгири Лылвари́ 17:7

Екх тэрно́ ману́ш Юдэя́кирэ Вифлеемостыр, Юда́скирэ родыцо́стыр, о Левито, тэды дживдя́ одо́й;

Pritčy 8:23

Мэ, годыпэ́н, со́мас помакхно самонэ векэндыр, англыпна́стыр, анги́л дова́, сыр пхув сыс чхуды́.

Isajos 9:5

Пал-дова́, со кажнонэскирэ-халадэскирэ тыраха марибнастыр, урибэ́н лэ́скиро, саво́ исын дро рат, схачкирэна, отдэна, соб (кай) яг тэ схал лэн.

Езэкилё 21:32

Тут похала яг; тыро́ рат ячэ́лапэ дро машкира́л пэ пхув, на явэ́на тэ рипирэ́н пал ту́тэ, пал-дова́, со Мэ, Рай Дэвэ́л, Дэвэ́л, пхэндём дава́.’”

Дание́лё 9:25

Адя́кэ джин и ґалёв: со долэ́ дывэсэ́ндыр, ке́ли выджа́ла припхэныбэ́н тэ ґаздэ́н нэвэ́с Ерусалимо, кэ/жы́ко о Помакхно (Меси́я) [Христо́со, Баро́ Рай-р.с.] исын эфта́ эфтытка (седьмины) и шовдэша́ дуй эфтытка, и ґаздэ́на нэвэ́стыр вули́цы (га́сы) и ва́нты, нэ дрэ пхарэ́ часы.