Mihiejo 4:8 - Библия - Пэ Балтитко Романи чиб (Романэс) 2019

⁸ И ту, вучарды́, (башня) соб (кай) тэ дыкхэ́н пал бакрэ́нгирэ ста́ды, бэ́ргица Сионоскирэ-чхакири, кэ ту явэ́ла и рисёла палэ раипэн, саво́ сыс вагэдыр (англэды́р), кралипэ́н Сионоскирэ-чхакири.

Biblija - Pe Baltitko Romani čib (Romanes) 2019

⁸ I tu, vučardý, (bašnia) sob (kaj) te dykhén pal bakréngire stády, bérgica Sionoskire-čhakiri, ke tu javéla i risjola pale raipen, savó sys vagedyr (angledýr), kralipén Sionoskire-čhakiri.

Mihiejo 4:8 Referans Kwoze

Isajos 1:26

И ява́ва тэ дав сэндарьен ту́кэ, сыр англэды́р и юнкарэн/годы́-дыибнаскирэн (советникэн), сыр сыс англэды́р; тэ́ньчи явэ́на тэ ракирэ́н пал ту́тэ: Фо́ро, кай исын чачипэ́н; дава́ баро́ фо́ро исын патяибны́тко.”

Заха́рия 9:10

Тэ́ньци Мэ хасякира́ва марибны́тка вурдэна́ дро Ефре́мо и грэн дро Ерусалимо, Мэ хасякира́ва марибны́тко лу́ко; и Ёв пхэнэ́ла пал рама́нё манушэ́нгэ, и Лэ́скиро кралипэ́н явэ́ла морёстыр (дэрьявэстыр) кэ мо́рё (дэрья́в), и рэка́тыр (лэня́тыр) кэ/жы́ко пхувья́киро яго́ро (кэ ко́нцо).

Sykadyipén 22:5

И рат на явэ́ла буты́р и лэ́нгэ на явэ́ла трэй лампакиро дуд (свэ́то) и дуд кхамэстыр, пал-дова́ со Рай Дэвэ́л явэ́ла тэ дэл лэ́нгэ дуд. И ёнэ явэ́на тэ кралинэн пэ сарэ́ ве́ки.

Заха́рия 9:12

Рисён кэ тва́рдыма (диз) тумэ́, стардэ мануша́лэ, савэ́ндэ исын ишчо (инкэ́) наде́я! Дова́, пал со акана́ ракира́ва, Мэ отплэскирава ту́кэ (дуй мо́лы).

Авдиёс 1:21

И явэ́на зракхибнаскирэ пэ бэ́рга Сио́но тэ сэндякирэн бэ́рга Исавоскири, и явэ́ла кралипэ́н Ра́скирэ-Дэвлэ́скиро.”

Džiibén 35:21

И гия́ Израилё, чхудя́ пэ́скири ша́тра пал вучарды́ (башня) Гадэро (Эдэро).

Эфесянэнгэ 1:21

вучэды́р барэ́ рандыр, сарэ́ зорьендыр и кажнонэ́ зорья́тыр дро дава́ свэ́то и кажнонэ́ лавэ́стыр, со исын на екх дро дава́ ве́ко, нэ и дро ве́ко, саво́ анги́л явэ́ла;

Marko 12:1

И Ису́со лыя́ тэ ракирэ́л манушэ́нгэ примерэнца (сыкаибнэнца): “Екх ману́ш чхудя́ винагра́днико, и тыно пашы́л лэ́стэ, вы ґанадя ґанби́н (яма) тэ тасавэл мол (вино) и кэрдя́ вучарды́ (вышка) тэ ракхэ́н, и здыя лэс винаградарьенгэ дро наймо и кокоро́ традыя́.

Дание́лё 2:44

И дро дывэса́ кодолэ́ кралипнаскирэ о Дэвэ́л Болыбна́скиро чхувэ́ла кралипэ́н, саво́ дро ве́ки на пхадёла, и кодова́ кралипэ́н на явэ́ла пиридыно явирэ народоскэ; ёв пхаравэла и пхагирэ́ла сарэ́ кралипэна́, и ёв кокоро́ явэ́ла тэ тэрдёл дро ве́ки,

2 Kralip 5:7

Нэ Дави́до лыя́ тва́рдыма (диз) Сио́но: дава́ – фо́ро Давидо́скиро.

Čysly 24:19

Кон бияндёла Яковостыр, одова́ заухтылэла и хасякирэ́ла, со яця́пэ форо́стыр.”

Матфеё 21:33

Шунэ́н яви́р сыкаибэ́н: ‘Екх ману́ш, кхэрэ́скиро хула́й, чхудя́ винагра́днико и тыно пашы́л лэ́стэ, выґанадя ґанби́н тэ тасавэл мол (вино) и кэрдя́ вучарды́ (вышка) ваш ракхибэн и отдыя́ лэс винаградарьенгэ, а кокоро́ гия́ пэ́скэ.

Дание́лё 7:18

Нэ прилэ́на кралипэ́н свэ́нта мануша́ Най Вучэдырэскирэ и лэ́на тэ хулаинэн пэ дава́ кралипэ́н пэ ве́ко и пэ сарэ́ ве́ки.”

Isajos 5:2

Ёв обкэрдя (облыджия) лэс тыноса, жужакирдя лэс барэндыр, чхудя́ дрэ лэ́стэ лачхэ́ винаградоскирэ кашта́, кэрдя́ кхэр дрэ лэ́стэ, выґанадя одо́й штэ́то, соб (кай) тэ тасавэн винаградо, и ужакирэлас, со янэ́ла ёв лачхо́ барьякирдо́ (пло́до), а ёв яндя́ барьякирдо́ на́лачхо.

Isajos 10:32

Ишчо (инкэ́) дывэ́с явэ́ла тэрдо́ ёв кэ Нова [Ноб-ю.о.]; сыкавэ́ла пэ́скирэ вастэ́са би́да Сионоскэ, Ерусалимо́скирэ бэргакэ.

Psalmy 48:3

Бэ́рга Сио́но исын шука́р и вучи́, ёй исын сарэ́-пхувья́кири ра́дыма, и исын пэ паш-ратитка (северна) яго́ры (кра́и), фо́ро, кай исын баро́ кра́ли.

Psalmy 61:3

Ягорэ́ндыр (крае́ндыр), со исын пэ пхув, мэ кхара́ва Тут, ке́ли миро ило́ исын тэлэ́: залыджа ман пэ бэ́рга, со исын вучэды́р ма́ндыр.

Mihiejo 2:12

Нэ Мэ, чачэс, кэдава кхэтанэ́ сарэ́н тумэн, о Яково, Мэ чачипна́са скэда́ва ячкирдэ́ манушэ́н Израилёскирэн; Мэ чхува́ва кхэтанэ́ (кхэтанякирава) лэн сыр бакрэ́н дрэ Восора (Боцра) сы́рбы стада машки́р лэ́нгирэ чарьитка фэ́лды: ёнэ явэ́на зоралэ́с тэ дэн го́дла, пал-дова́ со лэн ада́кицы бут мануша́ исын.”

Ниеми́я 3:25

Пал лэ́стэ сыс о Фалало, Узаёскиро чхаво́, анги́л вэнгло и кэ вучарды́ (башня), со вытэрдёла крали́скирэ-упратунэ кхэрэ́стыр, кай исын пашы́л грэ́да (дво́ро) темницакири (штарибнаскири). Пал лэ́стэ сыс Федаия, Парошоскиро чхаво́.

Psalmy 24:7

Псиравэн (откэрэн) буґлэс по́рты тэ явэ́н ґаздынэ́ ґаратунэ́ вудара́ дро Кхангири́. Славу́тно Кра́ли заджа́ла дрэ лэ́ндэ.

Гиленгири (Соломоно́скири) Гилы́ 4:4

Тыри́ мэн исын сыр Давидо́скиро сты́лбо, со кэрдо́ тэ чхувэ́н састыра́ марибны́тка: одо́й убладэ бар саструнэ́ шчы́ты, сыр исын зоралыпнаскирэ-муршэскирэ шчы́ты.

Заха́рия 9:9

Ра́дынпэ зоралэ́с бахтятыр, Сионо́скири чхай, дэ го́дла радыма́тыр, Ерусалимо́скири чхай: акэ, кра́ли тыро́ явэ́ла кэ ту, чачипна́скиро и зракхибнаскиро, ковлэ́-илытко, уклисто пэ ослицатэ и пэ тэрнэ́ ослостэ, савэскири дай псирдя́ тэло ґа́мо.