Mihiejo 4:3 - Библия - Пэ Балтитко Романи чиб (Романэс) 2019

³ И явэ́ла Ёв тэ сэндякирэ́л бут манушы́тка на́цыи и сыкавэ́ла Ёв банг зоралэ́-нацыенгири, савэ́ исын дур, ёнэ пирикэрэна курталы пэ плуги (пхарадя), и лэ́нгирэ чхурдыбнытка бустя́ (коп΄и) пэ серпы (чхиндлэ́); соб (кай) нацыя тэ на ґаздэл курта́ла проти яви́р нацыя, и соб (кай) ёнэ тэ на сыклён буты́р тэ марэ́нпэ.

Biblija - Pe Baltitko Romani čib (Romanes) 2019

³ I javéla Jov te sendiakirél but manušýtka nácyi i sykavéla Jov bang zoralé-nacyiengiri, savé isyn dur, jone pirikerena kurtaly pe plugi (pharadia), i léngire čhurdybnytka bustiá (kop'i) pe sierpy (čhindlé); sob (kaj) nacyja te na ĥazdel kurtála proti javír nacyja, i sob (kaj) jone te na sykljon butýr te marénpe.

Mihiejo 4:3 Referans Kwoze

Isajos 2:4

Ёв явэ́ла тэ сэндякирэ́л бут народы, Ёв сыкавэ́ла сэндарискиро лав кэ бут ро́ды; пирикэрэна пэ́скирэ курталы (мечы) пэ плуги (пхарадя) и чхурдыпнытка бустя́ (коп΄и) пэ чхиндлэ́ (серпы), на явэ́на тэ сыклён сыр, тэ лыджа́н марибэ́н.

Osija 2:18

Пэ дова́ дывэ́с Мэ чхува́ва завето ваш лэ́нгэ фэлдытконэ мурдалэ́нца (зверенца), болыбнытконэ чирикленца и цапненца (ползучонэ джидыпнэнгэ), савэ́ ползынэна пир пхув. И Мэ пхагирава лу́ко и курта́ла, соб (кай) ёнэ тэ на явэ́н пэ доя́ пхув, и Мэ кэра́ва адя́кэ, соб (кай) ёнэ тэ пасён би дара́киро, и соб (кай) тэ на явэ́л марибэ́н.

Apostolengiri Butý 17:31

пал-дова́ со Ёв выкэдыя́ дывэ́с, ке́ли Ёв явэ́ла тэ сэндякирэ́л свэ́то чачунэ́ сэндоса пир Манушэ́стэ, Савэс Ёв выкэдыя́, Ёв сыкадя́ дава́ выкэдыибэн сарэ́ манушэ́нгэ, ке́ли отджидякирдя́ Лэс мулэ́ндыр.”

Isajos 65:25

Рув и бакроро́ явэ́на кхэтанэ́ тэ чаравэнпэ; шчэр (ле́во) явэ́ла тэ хал пхус, сыр гурув, а сап ха́ла пра́хо. Ёнэ на явэ́на тэ замарэ́н, на явэ́на тэ хасякирэ́н (тэ кэрэ́н чорипэ́н) пэ Мири́ свэ́нто бэ́рга”, – ракирэ́ла Рай Дэвэ́л.

Psalmy 98:9

Анги́л Растэ-Дэвлэ́стэ, пал-дова́ со Ёв джа́ла тэ сэндякирэ́л пхув: Ёв явэ́ла тэ сэндякирэ́л свэ́то пир чачипэ́н и Ёв чачунэ́с явэ́ла тэ сэндякирэ́л манушыпнаскирэ на́цыи.

Psalmy 96:13

анги́л Растэ-Дэвлэ́стэ, Саво́ джа́ла тэ сэндякирэ́л пхув. Ёв явэ́ла тэ сэндякирэ́л свэ́то чачунэ́с, и Ёв явэ́ла тэ сэндякирэ́л манушэ́н Пэ́скирэ патяибна́са.

Sykadyipén 19:11

И мэ дыкхцём псирадо (отпхандло) Болыбна́скиро Раё и, акэ, сыс парно́ грай. Пэ лэ́стэ сыс бэшто́ уклисто́/э́ Кодова́, Кон кхарэ́лапэ Чачуно́ и Патяибны́тко, Саво́ сэндякирэ́ла чачунэ́с и марэлапэ пал чачипэ́н.

Заха́рия 14:3

Тэ́ньци явэ́ла Рай Дэвэ́л и холясо́ла пэ Наюды́тка на́цыи, сыр холя́сыя пэ лэ́ндэ дро марибнаскиро дывэ́с.

Заха́рия 9:10

Тэ́ньци Мэ хасякира́ва марибны́тка вурдэна́ дро Ефре́мо и грэн дро Ерусалимо, Мэ хасякира́ва марибны́тко лу́ко; и Ёв пхэнэ́ла пал рама́нё манушэ́нгэ, и Лэ́скиро кралипэ́н явэ́ла морёстыр (дэрьявэстыр) кэ мо́рё (дэрья́в), и рэка́тыр (лэня́тыр) кэ/жы́ко пхувья́киро яго́ро (кэ ко́нцо).

Mihiejo 5:15

И Мэ выпхэрдякирава тэ отдав фуипэ́н палэ холя́са и холякирибнаса пэ Наюды́тка на́цыи, савэ́ на шундлэ́ Ман.’

Ioil 3:2

тэды Мэ адя́кэ-паць кэдава сарэ́ Наюды́тка на́цыи, и Мэ яна́ва лэн тэлэ́ пэ до́ло Иосафато́скиро, и Мэ ла́ва тэ сэндинавпэ лэ́нца одо́й пал Мирэ́ манушэ́ндэ, Миро миштыпэ́н – Израилё, савэ́н ёнэ росчхудэ тэ дживэ́н машки́р Наюды́тка на́цыи, и ёнэ роскэрдэ Мири́ пхув.

Дание́лё 2:44

И дро дывэса́ кодолэ́ кралипнаскирэ о Дэвэ́л Болыбна́скиро чхувэ́ла кралипэ́н, саво́ дро ве́ки на пхадёла, и кодова́ кралипэ́н на явэ́ла пиридыно явирэ народоскэ; ёв пхаравэла и пхагирэ́ла сарэ́ кралипэна́, и ёв кокоро́ явэ́ла тэ тэрдёл дро ве́ки,

Isajos 60:12

Народо и кралипэна́, савэ́ на закамэна тэ кэрэ́н буты́ ту́кэ, хасёна; кадасавэ́ народы хасёна сарэ́са.

Isajos 51:5

Пашылэды́р исын Миро чачипэ́н; и джа́ла упрэ́ Миро зракхибэ́н и васт Миро сэндякирэ́ла народы. Островы явэ́на тэ рикирэ́н наде́я пэ Ма́ндэ, и явэ́ла наде́я пэ Миро васт.

Isajos 25:3

Палдава́ явэ́на тэ шарэ́н Тут зоралэ́ народы; фо́рья, кай даранэ кхэри́тка ро́ды дживэ́на, явэ́на тэ дарэ́н Ту́тыр.

Isajos 9:7

Зор Лэ́скири и рама́нё (миро) на пириячэ́ла пэ Давидо́скиро троно дро Лэ́скиро кралипэ́н, соб (кай) Ёв (Дэвэ́л) тэ подрикирэ́л лэс сэндоса и чачипна́са далэ́ дывэсэ́стыр и пэ саро́ ве́ко. Зэвлыныпэн Ра́скирэ-Дэвлэ́скиро кэрэ́ла дава́.

Psalmy 82:8

Тэрдёв анги́л, о Дэ́вла, сэндякир пхув, пал-дова́ со сарэ́ манушы́тка на́цыи явэ́на Тырэ́, сыр Тыро́ мэкно́ миштыпэ́н.

Psalmy 72:7

Дрэ лэ́скирэ дывэса́ чачипэ́н и рама́нё явэ́на пэ най шукарэдыр штэ́то ўсенде (везде), пака чхон исын пэ болыбэ́н.

Psalmy 46:9

Явэ́н, дыкхэ́н Ра́скирэ-Дэ-влэскирэ бутя́, Кон кэрдя́ замэкибэн пэ пхув;

1 Kralip 2:10

Рай Дэвэ́л тринскирэла криг манушэ́с, саво́ кошэлапэ Лэ́са; болыбна́стыр Ёв грымитинэла пэ лэ́ндэ. Рай Дэвэ́л явэ́ла тэ сэндякирэ́л пхувья́кирэ яго́ры (краи́), и Ёв дэ́ла зор Пэ́скирэ крали́скэ, и ґаздэ́ла Пэ́скирэ помакхибнарискиро шынг (ро́го).”

Psalmy 72:3

Бэ́рги янэ́на рама́нё (миро) манушэ́нгэ, а бэ́ргицы чачипэ́н.

Заха́рия 8:20

Адя́кэ ракирэ́ла янголэ́нгирэ-болыбна́скиро Рай Дэвэ́л: “Ишчо (инкэ́) явэ́на тэ явэ́н яви́р мануша́ и джиибна́скирэ бутэ́ форье́ндыр;

Psalmy 46:10

Кон кэрэ́ла адя́кэ, со марибэна кэ пхувья́кирэ яго́ры (краи́) кончынэнапэ, Ёв пхагирэ́ла лу́ко и пхагирэ́ла чхурдыпнытко буст (коп΄е) пэ котэра́; Ёв хачкирэ́ла сарэ́са яга́са марибны́тка вурдэна́.

Osija 2:20

и Мэ ангрустынава (обрэнчынава) тут Ма́нца, со ту явэ́са патяибны́тко кэ Мэ, и Ту явэ́са тэ джинэ́с Ман, Рас-Дэвлэ́с.