Mihiejo 4:2 - Библия - Пэ Балтитко Романи чиб (Романэс) 2019

² Бут на́цыи явэ́на и пхэнэ́на: “Явэ́н, и, ґаздасапэ пэ Ра́скирэ-Дэвлэ́скири бэ́рга, дро кхэр Яково́скирэ-Дэвлэ́скиро, соб (кай) Ёв тэ сыклякирэ́л амэн, сыр тэ джива́с пир Лэ́скиро, и соб (кай) амэ тэ псирас пир Лэ́скирэ шпэры (сцежки).’ Пал-дова́ со Сионо́стыр выджа́ла Зако́но, и Ерусалимо́стыр лав Ра́скирэ-Дэвлэ́скиро.”

Biblija - Pe Baltitko Romani čib (Romanes) 2019

² But nácyi javéna i phenéna: “Javén, i, ĥazdasape pe Ráskire-Devléskiri bérga, dro kher Jakovóskire-Devléskiro, sob (kaj) Jov te sykliakirél amen, syr te dživás pir Léskiro, i sob (kaj) ame te psiras pir Léskire špery (sciežki).’ Pal-dová so Sionóstyr vydžála Zakóno, i Jerusalimóstyr lav Ráskire-Devléskiro.”

Mihiejo 4:2 Referans Kwoze

Isajos 2:3

И джа́на бут народэнгирэ мануша́ и пхэнэ́на: “Явэ́н, ґаздасапэ пэ Ра́скирэ-Дэвлэ́скири бэ́рга, дро Яково́скирэ-Дэвлэ́скиро Кхэр, Ёв высыклякирэла амэн, и амэ ява́са тэ псирас Лэ́скирэ дромэ́нца,” пал-дова́, со выджа́ла Зако́но Сионо́стыр, а лав Ра́скирэ-Дэвлэ́скиро – Ерусалимо́стыр.

Ереме́ё 31:6

И явэ́ла дывэ́с, ке́ли э ракхибнаскирэ (стражы) пэ бэ́рга Ефре́мо, явэ́на тэ дэн го́дла: ‘Уштэ́н, джа́са пэ Сио́но кэ Рай Дэвэ́л, амаро́ Дэвэ́л’”

Apostolengiri Butý 1:8

нэ тумэ́ндэ явэ́ла зор, ке́ли Свэ́нто Ду́хо (Фа́но) джал тэлэ́ пэ тумэ́ндэ, и тумэ́ явэ́на Мирэ́ якхи́тка (свидетели) дро Ерусалимо и пэ сари́ Юдэ́я и Сама́рия и адя́кэ-паць пир сари́ пхув.”

Isajos 54:13

Сарэ́ Тырэ́ чхавэ́ явэ́на тэ сыклён Ра́стыр-Дэвлэ́стыр; явэ́ла лэ́ндэ баро́ рама́нё (миро).

Psalmy 25:12

Саво́ исын ману́ш, кон дарэ́ла Ра́стыр-Дэвлэ́стыр! Лэ́стыр ёв высыклёла дром, со лэ́скэ трэй тэ выкэдэл.

Joannostir 7:17

Кон камэ́ла тэ кэрэ́л Лэ́скири во́ля, одова́ явэ́ла тэ джинэ́л пал дава́ сыклякирибэ́н, ци ёв исын Дэвлэ́стыр, ци Мэ ракира́ва Кокоро́ Пэ́стыр.

Римлянэнгэ 15:19

ґэртыкакирэ зорья́са и дивэнца, Дэвлэ́скирэ Духо́скирэ зорья́са адя́кэ, со мэ пхэрдэ́с роспхэндём Христососкири бахталы́ зан (звесь) Ерусалимо́стыр и пашы́л дава́ фо́ро кэ Илирика;

Luka 24:47

и, соб (кай) тэ пхэнэлпэ лав ваш Лэ́скирэ-Манушэ́скиро рисибэн грэхэ́ндыр кэ Дэвэ́л, соб (кай) Ёв тэ отмэкэ́л грэ́хи машки́р сарэ́ на́цыи, лыи тэ кэрэ́л дава́ Ерусалимо́стыр.

Marko 16:20

И ёнэ выгинэ́ и роспхэндлэ́ лав усенде (везде), Рай Дэвэ́л сыс пашы́л лэ́нгирэ рэ́нды и Ёв допхэнэлас лэ́нгирэ лавэнгиро чачипэ́н знамение́нца (ґертыкэ́нца), савэ́ джа́нас ада́й жэ пал лэ́нгирэ лава́.

Заха́рия 14:16

Пало́ дова́ сарэ́ яви́р Наюдытконэ́ нацые́ндыр, савэ́ явэ́нас тэ марэ́лпэ Ерусалимоса, лэ́на бэрш бэршэстыр тэ явэ́н тэ кэрэ́н шэрэ́са анги́л Крали́стэ Растэ-Дэвлэ́стэ янголэ́нгирэ-болыбнаскирэстэ, и тэ кэрэ́н будэнгиро (кушчэнгиро) Свэ́нко.

Apostolengiri Butý 13:42

Ке́ли Па́вли и Варнава джа́нас явирэ синагогатыр, лэн кхардэ́, соб (кай) ёнэ тэ явэ́н дро яви́р са́вато и тэ ракирэ́н дова́-паць.

Joannostir 6:45

Акэ, исын чхиндло́: ‘Явэ́на сарэ́ сыклякирдэ́ Дэвлэ́стыр’. Кажно, кон шундя́ Дадэ́с и сыклыя Лэ́стыр, явэ́ла кэ Мэ;

Яви́р Зако́но 6:1

Акана́ исын припхэныбэна́, упхэныбэна́ и зако́ны, савэ́ ракирдя́ Рай Дэвэ́л, Дэвэ́л тумаро́, тэ сыклякирэс тумэн, соб (кай) тумэ́ тэ кэрэ́н адя́кэ пэ доя́ пхув, пэ сави́ тумэ́ джа́на, соб (кай) тэ явэ́н тумэ́ хулая́ пэ ла́тэ;

Заха́рия 2:11

– И припрастана кэ Рай Дэвэ́л бутджинэ мануша́ дрэ дова́ дывэ́с и ёнэ явэ́на Лэ́скирэ мануша́; и Ёв лэ́ла тэ дживэ́л дрэ тумэ́ндэ андра́л, и тумэ́ доджинэпэ, янголэ́нгирэ-болыбна́скиро Рай Дэвэ́л бичхадя́ Ман кэ ту.

Osija 6:3

Амэ́нгэ трэй тэ джинас буты́р, амэ́нгэ трэй тэ причхувас тэ джинас буты́р Рас-Дэвлэ́с, Лэ́скиро явибэн явэ́ла сыр зло́ко, Ёв явэ́ла сыр брышы́нд, сыр ґаратуно брышы́нд (позднё), со панякирэла пхув.’

Psalmy 110:2

Рай Дэвэ́л бичхавэ́ла Тырэ́-зорьякиро крали́тко дэсто́ Сионо́стыр: “Ту хулаин машки́р Тырэ́ вэргэ́ндэ.”

Psalmy 119:1

Бахталэ́ исын одолэ́, савэнгиро джиибэ́н исын би дошэнгиро, савэ́ дживэ́на пир Ра́скирэ-Дэвлэ́скиро Зако́но.

Psalmy 119:171

Мэк тэ шарэ́н мирэ́ ушта́ Тут, ке́ли Ту сыклякирэса ман Тырэ́ статутэнгэ.

Psalmy 122:1

Гилы́ анги́л Кхангири́ Давидоскири. Мэ со́мас радо, ке́ли ёнэ пхэндлэ́ ма́нгэ. Явэ́н дрэ Ра́скирэ-Дэвлэ́скири Кхангири́.

Isajos 56:7

Мэ яна́ва лэн пэ Мири́ свэ́нто бэ́рга, Мэ обрадынава (лошакирава) лэн дро Миро кхэр, кай мангэ́напэ; лэ́нгирэ цэ́ла схачкирибэна и свэ́нта дыибэна́ лачхэ́ явэ́на пэ Миро алта́рё (жэртвенико), пал-дова́ со Миро кхэр кхарэ́лапэ кхэрэса, кай мангэ́напэ сарэ́ народы.

Ереме́ё 42:3

соб (кай) Рай Дэвэ́л, тыро́ Дэвэ́л, мэк тэ сыкавэ́л амэ́нгэ дром, савэ́са трэй тэ джас и дова́, со амэ́нгэ тэ кэра́с.”

Заха́рия 9:10

Тэ́ньци Мэ хасякира́ва марибны́тка вурдэна́ дро Ефре́мо и грэн дро Ерусалимо, Мэ хасякира́ва марибны́тко лу́ко; и Ёв пхэнэ́ла пал рама́нё манушэ́нгэ, и Лэ́скиро кралипэ́н явэ́ла морёстыр (дэрьявэстыр) кэ мо́рё (дэрья́в), и рэка́тыр (лэня́тыр) кэ/жы́ко пхувья́киро яго́ро (кэ ко́нцо).