Mihiejo 4:12 - Библия - Пэ Балтитко Романи чиб (Романэс) 2019

¹² Нэ ёнэ на джинэ́на, со думинэ́ла Рай Дэвэ́л, и ёнэ на ґалёна, ке́ли Ёв дэ́ла лачхи́ годы́ лэ́нгэ, со Ёв кэдыя кхэтанэ́ лэн сыр ґарбы (снопы) пэ гиваобкэрибнаскири шу́рна.

Biblija - Pe Baltitko Romani čib (Romanes) 2019

¹² Ne jone na džinéna, so duminéla Raj Devél, i jone na ĥaljona, kiéli Jov déla lačhí godý lénge, so Jov kedyja khetané len syr ĥarby (snopy) pe givaobkeribnaskiri šúrna.

Mihiejo 4:12 Referans Kwoze

Isajos 55:8

Мирэ́ ду́мы – нанэ тумарэ́ ду́мы; Мирэ́ дрома́ – нанэ тумарэ́ дрома́, – ракирэ́ла Рай Дэвэ́л.

Ереме́ё 29:11

И Мэ Кокоро́ джино́м (джина́в) Мирэ́ планы ваш тумэ́нгэ’ – ракирэ́ла Рай Дэвэ́л’, – планы, соб (кай) тэ явэ́л рама́нё (миро), а на чорипэ́н, соб (кай) тумэ́ндэ тэ явэ́л лачхо́ ужакирибэ́н (наде́я) пэ дывэса́, со ишчо (инкэ́) явэ́на.

Luka 3:17

Лэ́скиро ґанадытко (лопата) исын дро Лэ́скиро васт, и Ёв жужакирэла Пэ́скири шу́рна и скэдэ́ла парно́ гив дрэ Пэ́скири пиралы́, а пхус хачкирэ́ла яга́са, сави́ на мурдёла.”

Isajos 21:10

О, домардо миро, чхаво́ мирэ́ фэлдатыр! Со шундём Ра́стыр-Дэвлэ́стыр, болыбна́скирэ-янголэнгирэстыр, Израилёскирэ Дэвлэ́стыр, дова́ и пхэндём мэ тумэ́нгэ.

Psalmy 147:19

[8] Ёв пхэнэ́ла статэчнэс Лэ́скиро лав Яково́скэ, Лэ́скирэ, стату́ты (уставы) и Лэ́скиро чачипэ́н Израилёскэ.

Psalmy 147:20

[9] Ёв на кэрдя́ адя́кэ ни екхэ Наюдытконэ́ нацыякэ, пал-дова́ со ёнэ на джинэ́на Лэ́скирэ чачипэна́. Аллилуя!

Isajos 10:7

Нэ ёв на адя́кэ подуминэла, на адя́кэ явэ́ла тэ мыслинэл лэ́скиро ило́ лэ́стэ: ‘Сыр бы тэ обчорэл, тэ замарэ́л бут народы?’

Isajos 29:7

Сыр суно́, сыр дыкхибэ́н ратя́киро, ячэ́ла народонэнгиро бутыпэн, савэ́ явэ́на тэ марэ́нпэ Ариилоса, савэ́ явэ́на тэ ґаздэ́напэ пэ лэ́стэ и стасавэна лэс.

Ереме́ё 51:20

Ту сан Ма́ндэ млото (свиринд/хамло), миро марибны́тко приладо (марды́тко), ту́са Мэ розмаравас пэ котэра́ на́цыи, и ту́са Мэ розмаравас пэ котэра́ кралипэна́;

Ioil 3:2

тэды Мэ адя́кэ-паць кэдава сарэ́ Наюды́тка на́цыи, и Мэ яна́ва лэн тэлэ́ пэ до́ло Иосафато́скиро, и Мэ ла́ва тэ сэндинавпэ лэ́нца одо́й пал Мирэ́ манушэ́ндэ, Миро миштыпэ́н – Израилё, савэ́н ёнэ росчхудэ тэ дживэ́н машки́р Наюды́тка на́цыи, и ёнэ роскэрдэ Мири́ пхув.

Ереме́ё 51:33

Ѓа́да, исын лав, со ракирэ́ла болыбна́скирэ-янголэ́нгиро Рай Дэвэ́л, Дэвэ́л Израилёскиро: “Чхай Вавилоноскири исын сы́рбы гиваобкэрибнаскири шу́рна, ке́ли исын пора тэ укэдэн [штакирэн-ю.о.] гив: нэ ишчо (инкэ́) на́бут и явэ́ла часо тэ счхинэн (укэдэн) ла́кирэ гива́.”