Mihiejo 4:11 - Библия - Пэ Балтитко Романи чиб (Романэс) 2019

¹¹ Акана́ бут на́цыи скэдынэ́пэ проти ту́тэ, савэ́ ракирэ́на: “Мэк ёй тэ явэ́л магирды, и мэк амарэ́ якха́ тэ дыкхэ́н пэ Сио́но.”

Biblija - Pe Baltitko Romani čib (Romanes) 2019

¹¹ Akaná but nácyi skedynépe proti túte, savé rakiréna: “Mek joj te javél magirdy, i mek amaré jakhá te dykhén pe Sióno.”

Mihiejo 4:11 Referans Kwoze

Авдиёс 1:12

Нэ ту́кэ на трэиндя́ тэ дыкхэ́с холямэс пала́л пал тырэ́ пшалэ́стэ дро дывэ́с, сыр лэнас лэс лэ́скирэ пхувья́тыр; и тэ на радынэспэ хасибнастыр Юда́скирэ-чхаворэнгирэндыр, и тэ на откэрэс бу΄глэс муй сабнаса дро дова́ бибахтало́ дывэ́с.

Mihiejo 7:10

Тэ́ньци и мири́ вэргица явэ́ла тэ дыкхэ́л дава́, и ладж чхакирэла ла, сави́ пхэндя́ ма́нгэ: “Кай исын Рай Дэвэ́л тыро́ Дэвэ́л?” Мирэ́ якха́ явэ́на тэ дыкхэ́н ла, акана́ заштакирэна ґэрэ́нца ла, сыр бла́та пэ вули́цы (га́сы).

Ереме́ё 52:4

И сыс адя́кэ: пэ еня́то (би тринэнгиро дэ́што) бэрш, сыр о Сэдэки́я сыс кра́ли, Навуходоносо́ро, кра́ли Вавилоно́скиро, явдя́ дро дэ́што чхон, пэ дэ́што дывэ́с долэ́ чхонэ́скиро, ёв и лэ́скиро халадыбэ́н пэ Ерусалимо, ёв обчхудя́ фо́ро трусця́л халадэнца: и ёнэ кэрдэ́ вало трусця́л фо́ро проти лэ́стэ.

Psalmy 129:5

Мэк тэ явэ́н ладжакирдэ́ и тэ рисён палэ одолэ́, савэ́ бидыкхэна Сио́но;

Isajos 10:7

Нэ ёв на адя́кэ подуминэла, на адя́кэ явэ́ла тэ мыслинэл лэ́скиро ило́ лэ́стэ: ‘Сыр бы тэ обчорэл, тэ замарэ́л бут народы?’

Isajos 17:12

Бида и шумо бутэ́-манушэ́нгиро, ёнэ шуминэна сыр мо́рё (дэрья́в) брилинэла (ревинэла), пэ сы́гно шумо манушытконэ́-нацые́нгиро, савэ́ нашэ́на шумоса сыр шумо бутэ́-паненгиро!

Isajos 29:7

Сыр суно́, сыр дыкхибэ́н ратя́киро, ячэ́ла народонэнгиро бутыпэн, савэ́ явэ́на тэ марэ́нпэ Ариилоса, савэ́ явэ́на тэ ґаздэ́напэ пэ лэ́стэ и стасавэна лэс.

Езэкилё 26:3

Пал дова́, – адя́кэ ракирэ́ла Рай-Дэвэ́л, Дэвэ́л – акэ, Мэ сом проти ту́тэ, Ти́ро, Мэ ґазда́ва пэ ту́тэ бут на́цыи, сыр мо́рё (дэрья́в) ґаздэ́ла пэ́скирэ валны (вэлны).

Psalmy 83:5

ёнэ ракирэ́на: “Явэ́н тэ кэра́с, соб (кай) тэ вычхурдас лэн сыр нацыя, соб (кай) буты́р Израилёскиро лав тэ на рипирэлпэ.”

Езэкилё 38:17

Адя́кэ ракирэ́ла Рай Дэвэ́л, Дэвэ́л: “Ци сан ту кодова́, пал конэ́стэ Мэ ракиравас дрэ ґаратунэ́ дывэса́, ко́ли Мирэ́ писха́рья, Израилёскирэ проро́ки ангилпхэнэнас, со Мэ яна́ва тут пэ лэ́ндэ?”

Заха́рия 12:3

И явэ́ла дро дова́ дывэ́с, со Мэ кэра́ва Ерусалимо́стыр древа́н пхаро́ бар ваш сарэ́ манушэ́нгэ; сарэ́, кон камэ́ла тэ ґаздэл лэс, пхарьёла пэ котэра́, мэк тэ скэдэ́нпэ проти лэ́стэ сарэ́ мануша́ далэ́-пхувья́кирэ.