Mihiejo 3:6 - Библия - Пэ Балтитко Романи чиб (Романэс) 2019

⁶ Палдава́ явэ́ла тумэ́нгэ рат заме́ст дыкхибэ́н, и явэ́ла тумэ́нгэ цямлыпэ́н заме́ст дова́, соб (кай) тумэ́ тэ роспхэнэ́н сунэ́; кхам джа́ла тэлэ́ пэ пророкэ́ндэ, а дывэ́с ячэ́ла цямло ваш лэ́нгэ.”

Biblija - Pe Baltitko Romani čib (Romanes) 2019

⁶ Paldavá javéla tuménge rat zamiést dykhibén, i javéla tuménge ciamlypén zamiést dová, sob (kaj) tumé te rosphenén suné; kham džála telé pe prorokénde, a dyvés jačéla ciamlo vaš lénge.”

Mihiejo 3:6 Referans Kwoze

Isajos 29:10

Дыя́ тумэ́нгэ Рай Дэвэ́л соибнытко, закэрдя тумарэ́ якха́, проро́ки, закэрдя тумарэ́ шэрэ́, джиныбнарья (маги).

Isajos 59:10

Родаса дром, сыр корорэ́ родэ́на, ва́нта, псираса, сы́рбы нанэ амэ́ндэ якха́; пэраса дывэсэ́ сы́рбы ратя́киро; машки́р джидэндэ амэ сам сыр мулэ́.

Ереме́ё 15:9

Э дай, сави́ бияндя́ эфта́ тыкнэн, ёй выпхурдыя палатуно́ ду́хо (фа́но); ла́киро кхам гия́ тэлэ́, мэк дава́ ишчо (инкэ́) исын дывэ́с; ёй исын ладжакирды и запхагирды дрэ годы́. И кон ячэ́лапэ, кодолэ́н Мэ пиридава курталакэ анги́л лэ́нгирэ вэргэ́ндэ’, – пхэндя́ Рай Дэвэ́л.

Ереме́ё 13:16

Барьякирэ́н (славинэ́н) Рас-Дэвлэ́с, тумарэ́ Дэвлэ́с, анги́л дова́, сыр Ёв янэ́ла калыпэ́н (цёмныма), и анги́л дова́, сыр тумарэ́ ґэра́ обштавэнапэ (обстэмпинэнапэ) пир бэ́рги дрэ паш-калыпэ́н! И тумэ́ явэ́на тэ родэ́н дуд (свэ́то), нэ Ёв рискирэ́ла лэс дрэ мэрибнытко зэр (тень), и Ёв пирикэрэла лэс дрэ хор калыпэ́н.

Psalmy 74:9

Амэ на дыкхаса амарэ́ знаме́нии (ґертыка́), нанэ буты́р проро́ко, и ние́кх машки́р амэ́ндэ на джинэ́ла, кицы́ адя́кэ явэ́ла?

Езэкилё 7:26

Бари би́да явэ́ла пал бари би́да, шуныбэ́н пало́ шуныбэ́н. Явэ́на тэ мангэ́н дыкхибэ́н пророкостыр, на явэ́ла сыкляибэн рашастэ и лачхо́ лав годэ́ – пхурэндэ/пхурыдырэндэ.

Amoso 8:11

‘Акэ, явэ́на дывэса́’, – ракирэ́ла Рай Дэвэ́л, со Мэ бичхава́ва бокх пэ дая́ пхув, на бокх би марэскиро, на смэга пал пани́, а явэ́ла труш (жажда) пал лава́ Ра́скирэ-Дэвлэ́скирэ.

Mihiejo 2:6

“На ангилпхэнэн, проро́ки, – тумэ́ ракирэ́на кодолэ́нгэ, савэ́ ангилпхэнэна, на ангилпхэнэн лэ́нгэ, соб (кай) ладжаипэ́н тэ на ячэ́лпэ [тэ на латхэл тумэн-р.с.].

Ереме́ё 18:18

Тэ́ньци ёнэ пхэндлэ́: “Явэ́н, придуминаса вари-саво́ плано пэ Еремеёстэ; пал-дова́ со Зако́но на отпэрэла рашастыр ци годо́ лав манушэ́ндыр ци лав пророкостыр. Явэ́н, замараса чиба́са лэс, и мэк нико́н амэ́ндыр тэ на пришунэлпэ кэ лэ́скирэ лава́.”

Езэкилё 13:9

И явэ́ла Миро васт пэ далэ́ пророконэндэ, савэ́ дыкхэ́на дова́, со нисо́ на мол (чхучо́), и савэ́ ангилпхэнэна хохаибэ́н. Дрэ Мирэ́ манушэ́нгиро скэдыибэ́н ёнэ на явэ́на; дрэ Израилёскирэ-кхэрэ́скиро зачхиныбэн дрэ лылвари́ счхиныбнытко (списко) ёнэ на зачхинэнапэ, пэ Израилёскири пхув на заджа́на. И ёнэ ґалёна, со Мэ сом Рай Дэвэ́л, Дэвэ́л.