Mihiejo 3:12 - Библия - Пэ Балтитко Романи чиб (Романэс) 2019

¹² Пал тумэ́ндэ палдава́ Сио́но явэ́ла пхарадо сыр фэ́лда, и Ерусалимо́стыр ячэ́лапэ бэ́ргица руи́ны, а бэ́рга тэл Кхэрэ́скиро фунда́менто ячэ́лапэ сыр бэ́ргица дро вэш.

Biblija - Pe Baltitko Romani čib (Romanes) 2019

¹² Pal tuménde paldavá Sióno javéla pharado syr félda, i Jerusalimóstyr jačélape bérgica ruíny, a bérga tel Kheréskiro fundámiento jačélape syr bérgica dro veš.

Mihiejo 3:12 Referans Kwoze

Ереме́ё 26:18

“Михай Морашостыр ангилпхэнэлас дро дывэ́с, ке́ли о Езэки́я сыс кра́ли пир Юдэ́я, и пхэндя́ сарэ́ манушэ́нгэ Юдэя́тыр, ракири́: ‘Адя́кэ ракирэ́ла болыбна́скирэ-янголэ́нгиро Рай Дэвэ́л: “Сио́но явэ́ла пхарадо сыр пхув плуґостыр (пхарадятыр), Ерусалимо́стыр ячэ́напэ руи́ны [бара́-р.с.], И бэ́рга, кай исын Кхангири́, явэ́ла сыр бэ́ргица машки́р вэш.

Psalmy 79:1

Асафоскиро Пса́лмо. О Дэ́вла! Наюды́тка на́цыи гинэ́ андрэ́ дро Тыро́ мэкно́ миштыпэ́н. Ёнэ магирдэ́ Тыри́ Свэ́нто Кхангири́, ёнэ кэрдэ́ Ерусалимо́стыр радэ бара́.

Матфеё 24:2

Ёв ракирэ́ла лэ́нгэ адя́кэ: “Дыкхэ́на дава́ саро́? Чачэс, Мэ ракира́ва тумэ́нгэ: на ячэ́лапэ ада́й ни екх бар пэ бар, саво́ тэ на явэ́л пхагирдо́.”

Mihiejo 1:6

“Палдава́ Мэ кэра́ва Самариятыр груда руинэндыр пэ фэ́лда, – штэ́то, соб (кай) тэ почхувэн винаградо: Мэ вычхурдава ла́кирэ бара́ пэ до́ло, и Мэ отчхакирава ла́кирэ фундаменты.

Psalmy 107:34

умалотна пхувья́ пэ лондо шуко штэ́то – пал долэ́ манушэ́нгиро фуипэ́н, кон дживэ́ла одо́й.

Ереме́ё 9:11

Мэ кэра́ва Ерусалимо́стыр руи́ны, штэ́то, дро саво́ дживэ́на шакалы. Мэ кэра́ва Юдэя́кирэ форье́ндыр чхучо́ штэ́то, со нико́н на дживэ́ла.

Ереме́ё 17:3

то Мири́ бэ́рга пэ фэ́лда, миштыпэ́н тыро́, саро́ барвалыпэ́н Мэ отда́ва тэ чорэн, и адя́кэ-паць вучэ́ штэ́ты пал грэ́хи пэ пхув кэ яго́ры.

Ереме́ё 22:6

Пал-дова́ со адя́кэ пхэндя́ Рай Дэвэ́л пал Юдэя́киро кхэр: “Ту сан шука́р ваш Ма́нгэ сыр Галаа́до, сыр вучипэ́н пэ Ливаноскири бэ́рга: нэ Мэ, чачэс, кэра́ва ту́тыр чхучи́ пхув, фо́ро, дро саво́ нико́н на дживэ́ла.

Ереме́ё 35:17

Палдава́ адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л: “Акэ, Мэ яна́ва пэ Юдэ́я, и пэ сарэ́ манушэ́ндэ, кон дживэ́ла кэ Ерусалимо, саро́ фуипэ́н, со Мэ кхардём лэн, нэ ёнэ на отпхэндлэ́ Ма́нгэ.’”

Ереме́ё 44:2

“Адя́кэ ракирэ́ла болыбна́скирэ-янголэ́нгиро Рай Дэвэ́л, Дэвэ́л Израилёскиро: ‘Тумэ́ дыкхнэ́ сари́ биба́хт (би́да), со Мэ яндём пэ Ерусалимо и пэ сарэ́ фо́рья Юдэя́кирэ; и, акэ, далэ́ фо́рья исын чхучэ́ (пуста), и ние́кх (нико́н) на дживэ́ла одо́й,

Ереме́ё 52:13

и ёв хачкирдя́ Кхангири́ Ра́скирэ-Дэвлэ́скири, и кхэр крали́скиро, и сарэ́ кхэра́ дро Ерусалимо, и сарэ́ кхэра́ барэ́ манушэ́нгирэ, ёв хачкирдя́ яга́са.

Roiben 5:18

пал-дова́ со Бэ́рга Сио́но яця́ чхучи́, и шакалы псирэ́на пир ла́тэ.

Isajos 32:14

Райканэ кхэра́ (харомы) ячкирэна, фо́ро, саво́ шуминэла, ёв чхурдыно́ явэ́ла. Офело и вучарды́ (башня) явэ́на штэтоса, кай гаравэнапэ ослы (мега́рья) и ста́ды, савэ́ чаравэнапэ.

Ереме́ё 9:10

Мэ, Ереме́ё, ґазда́ва роибэ́н пал бэ́рги, и мэ обровавапэ пал чараибнытка фэ́лды пэ чхучэ́ маля (степи), и мэ ява́ва тэ ракира́в ясвэ́нца пал-дова́, со чхучэ́ маля хачинэ адя́кэ, со нико́н на дэ́ла ра́да тэ джал пирда́л лэ́ндэ. Зан кхэритконэ́-жывёлэнгири (мурдалэнгири) исын на шундлы. Сыр болыбны́тка чирикля́, адя́кэ-паць и кхэри́тка мурдала́ (ското) хасинэ́, ёнэ гинэ́ криг.

Ереме́ё 22:5

Нэ ко́ли тумэ́ на шунэ́на далэ́ лава́, тэды Мэ совлахава пэ Пэ́стэ’, – ракирэ́ла Рай Дэвэ́л, – со дава́ Кхэр явэ́ла чхучо́.”