Mihiejo 3:11 - Библия - Пэ Балтитко Романи чиб (Романэс) 2019

¹¹ лэ́нгирэ шэралэ́ сэндинэна пал почасту́нки (подарки), лэ́нгирэ рашая́ сыклякирэ́на пал плэскирибэн (покиныбэн), и лэ́нгирэ проро́ки сыклякирэ́на пал ловэ́, на дыкхи́ пэ дова́, со ёнэ рикирэнапэ Ра́скэ-Дэвлэ́скэ и пхэнэ́на ёнэ: “Ци нанэ Рай Дэвэ́л машки́р амэ́ндэ? На явэ́ла биба́хт (би́да) амэ́нгэ.”

Biblija - Pe Baltitko Romani čib (Romanes) 2019

¹¹ léngire šeralé sendinena pal počastúnki (podarki), léngire rašaja sykliakiréna pal pleskiriben (pokinyben), i léngire proróki sykliakiréna pal lové, na dykhí pe dová, so jone rikirenape Ráske-Devléske i phenéna jone: “Ci nane Raj Devél maškír aménde? Na javéla bibáht (bída) aménge.”

Mihiejo 3:11 Referans Kwoze

Ереме́ё 6:13

Пал-дова́ со кажно (сва́ко) лэ́ндыр, най тыкнэды́р манушэ́стыр кэ най барэды́р исын присыклыно кэ ґалкима, и, кажно (сва́ко) лэ́ндыр, пророкостыр кэ раша́й кэрэ́ла начачунэс.

Isajos 1:23

Тхага́рья (кня́зи) тырэ́ на кэрэ́на пир чачипэ́н, лэ́нгирэ дру́ги (мала́) исын чора. Сарэ́ ёнэ камэ́на мыто, праста́на пал ловэ́. Ёнэ на уштэна (затэрдёна) пал пиротэндэ (сиротэндэ) и пивлякиро (удовакиро) рэ́ндо на доджа́ла кэ ёнэ.

Mihiejo 3:5

Палдава́ адя́кэ ракирэ́ла Рай Дэвэ́л пал пророкэ́ндэ, савэ́ кэрдэ́ адя́кэ: “Со мирэ́ мануша́ дынэпэ дукха́; савэ́ дандырэнапэ и дэ́на го́дла: ‘Рама́нё.’ Нэ кон на дэ́ла ничы́ лэ́нгэ дро муй, тэды ёнэ джа́на марибна́са проти лэ́стэ:

Ереме́ё 7:4

На допатян зоралэ́с хоханэ́ лавэнгэ, со пхэнэ́на: ‘Дава́ исын Ра́скирэ-Дэвлэ́скири Кхангири́, Ра́скирэ-Дэвлэ́скири Кхангири́, Ра́скирэ-Дэвлэ́скири Кхангири́.’

1 Petr 5:2

ракхэ́н Дэвлэ́скирэ манушэ́н, савэ́ исын машки́р тумэ́ндэ, кэрэ́н дава́ на пир трэ́бима, а сыр трэй Дэвлэ́скэ и на пал дова́, со тумэ́ сорбы сан бокхалэ́ кэ ловэ́, а пал-дова́ со тумэ́ камэ́на дава́ илэ́стыр;

Titoske 1:11

трэй, соб (кай) тумэ́ тэ запхандэн муй лэ́нгэ, савэ́ змарэна чачунэ́ дромэ́стыр бут сэм΄и (ирья́), а ваш пэ́скиро биладжаипнытко тырдыпэ́н кэ ловэ́ ёнэ сыклякирэ́на одова́, со на трэй.

Mihiejo 7:3

Лэ́нгирэ васта́ рискирдэ́ тэ кэрэ́н биба́хт (фуипэ́н): о тхага́ри пхучэла почастунко (да́ро), о сэнда́ри (наенгиро) родэ́ла мыто (взятка), и барэ́ рая выпхэнэна лэ́нгири бибахталы мысля пэ годы́, со ёнэ камэ́на; и ёнэ адя́кэ кхэтанэ́ пиририскирэна чачипэ́н.

Isajos 48:2

Ёнэ пхэнэ́на, со ёнэ исын свэнтонэ́ форо́стыр, со Дэвэ́л Израилёскиро, Конэ́скиро лав исын Рай Дэвэ́л, болыбна́скирэ-янголэ́нгиро, подрикирэ́ла лэн.

Ереме́ё 8:10

Палдава́ Мэ да́ва лэ́нгирэ ромне́н явирэ́нгэ, и лэ́нгирэ фэ́лды кодолэ́ манушэ́нгэ, савэ́ явэ́на хулая́ пэ лэ́ндэ. Пал-дова́ со кажно лэ́ндыр тыкнэстыр кэ са́мо барэды́р исын присыклыно и ґа́лко кэ барвалыпэ́н: пророкостыр кэ раша́й – кажно лэ́ндыр кэрэ́ла начачунэс.

1 Kralip 8:3

Нэ лэ́скирэ чхавэ́ на псирдэ́ лэ́скирэ дромэ́нца, а отгинэ́ дро пэ́скиро ко́фо, и лынэ́ почасту́нки (подарки), и сэндиндлэ хоханэ́с.

Čysly 16:15

Мо́йза древа́н холя́сыя, и пхэндя́ Ра́скэ-Дэвлэ́скэ: “На ри́скир Тырэ́ якха́ пэ лэ́нгиро яныбэ́н. Мэ на лыём лэ́ндыр ни екхэ осло́с, и на кэрдём фуипэ́н ниекхэскэ лэ́ндыр.”

Juda 1:11

Бида лэ́нгэ! Пал-дова́ со ёнэ гинэ́ Каиноскирэ дромэ́са и пал барвалыпэ́н ёнэ кокорэ́ отдынэ́ пэс грэхоскэ, сыр Валамо и ёнэ мэрэ́на дро бу́нто, сыр Кареё.

1 Ximaske 3:3

тэ на явэ́л матымари, тэ на явэ́л захало, нэ тэ явэ́л ковлэ́-илытко, тэ явэ́л раманёно (ми́рно), тэ на явэ́л ґа́лко кэ ловэ́,

Amoso 9:10

Сарэ́ грэхи́тка Мирэ́ манушэ́ндыр мэрэ́на куртала́тыр, савэ́ ракирэ́на: ‘Бари би́да на дорэсэ́ла амэн и на пирилэла амэн.”

Osija 4:18

Лэ́нгиро матыбэн исын джунгало́ (брыдко), ёнэ дурэды́р кэрэ́на биладжакунэ́ рэ́нды, лэ́нгирэ тхагарьенгэ (князенгэ) трэй илэ́стыр бипатыв.

Isajos 56:11

Кадалэ́ исын джукэла захалэ илэ́са, ёнэ нисыр на чалёна, кадалэ́ исын чхупна́рья (пастыри) бигодякирэ; сарэ́ дыкхэ́на пэ пэ́скиро дром; кажно лэ́ндыр родэ́ла ко́фо пэ́скэ, нанэ явирэ манушэ́н.

Матфеё 3:9

И на думинэн тэ ракирэ́н пэ́скэ: ‘Авраа́мо сыс дад амаро́;’ пал-дова́ со мэ ракира́ва тумэ́нгэ, со Дэвэ́л могинэ́ла далэндыр барэндыр тэ ґаздэл биятэ́н Авраамо́скэ.

Малахия 1:10

“Ци исын вари-кон машки́р тумэ́ндэ, соб (кай) ёв фэды́р тэ пхандэл вудара́, и тэ на росхачкирэн тумэ́ яг ивья́ (напра́снэс) пэ Миро алта́рё? Мэ на радынавапэ тумэ́ндыр”, – ракирэ́ла янголэ́нгирэ-болыбна́скиро Рай Дэвэ́л. И Мэ на прилава свэ́нто дыибэ́н тумарэ́ вастэ́ндыр.

Софония 3:3

Лэ́скирэ тхага́рья (кня́зи) машки́р лэ́ндэ исын сы́рбы шчэра́ (левы), со рыкинэна; лэ́нгирэ сэнда́рья исын сы́рбы бэльвэлитка рува́, савэ́ на ячкирэна ни екх кокалкицо ваш атасятуно дывэ́с.

Езэкилё 22:27

Ла́кирэ тхага́рья исын сыр рува́, савэ́ родэ́на хабэ́н, чхувэ́на рат, хасякирэна манушэ́нгиро ди, соб (кай) тэ латхэ́н барвалыпэ́н напатывалэс.

Езэкилё 22:12

Кэ ту мануша́ лэ́на мыто (взятка), соб (кай) тэ чхувэ́н рат, ту дэсас ловэ́ тэло ко́фо (процэнто), и лэсас барэды́р бажын (лихва) ту зорья́са отлэсас миштыпэ́н тырэ́ пшалэстыр, а пал Ма́ндэ бистырдян, – ракирэ́ла Рай Дэвэ́л, Дэвэ́л.

Pritčy 17:23

Фуй ману́ш чхувэ́ла мыто (взятка) палэ брэк, соб (кай) тэ рисёл чачипнастыр пэ сэ́ндо.

Isajos 5:23

Савэ пал ловэ́ отмэкэна одолэ́с, кон исын банго́, а манушэ́с, саво́ исын чачуно́, обчорэна.

Ереме́ё 23:17

Ёнэ кажно мо́ло ракирэ́на одолэ́нгэ, савэ́ дыкхэ́на вучипна́стыр пэ Ма́ндэ: ‘Адя́кэ пхэндя́ Рай Дэвэ́л: ‘Тумэ́ндэ явэ́ла рама́нё.’ И ишчо (инкэ́) ёнэ ракирэ́на одолэ́нгэ, савэ́ псирэ́на пир пэ́скирэ пхарэ́ шэрэ́: ‘На явэ́ла биба́хт пэ тумэ́ндэ.’

Ереме́ё 26:7

И сарэ́ рашая́, и проро́ки, и сарэ́ мануша́ шундлэ́, сыр Ереме́ё ракирэ́лас далэ́ лава́ дрэ Кхангири́ Ра́скирэ-Дэвлэ́скири.

Езэкилё 34:2

“Манушэ́скиро чхава! Пхэн пир лав ангилпхэныбэ́н пэ Израилёскирэ чхупнарьендэ (пастырендэ), пхэн пир лав ангилпхэныбэ́н, пхэн лэн, чхупнарьенгэ: Адя́кэ ракирэ́ла Рай Дэвэ́л, Дэвэ́л: ‘Бида Израилёскирэ чхупнарьенгэ, савэ́ кокорэ́ пэс чаравэнас! Ци на бакрэ́н трэй тэ чаравэн чхупнарьенгэ?

Osija 4:8

Ёнэ чалякирэнапэ Мирэ́-манушэ́нгирэ грэхэ́нца, со янэ́на Мирэ́ мануша́, а лэ́нгиро ило́ тырдэлапэ кэ кэрэ́л чорипэ́н.

Amoso 5:14

Родэ́н лачхипэ́н, а на фуипэ́н, соб (кай) тумэ́ тэ дживэ́н, и палдава́ Рай Дэвэ́л, янголэ́нгирэ-болыбна́скиро Дэвэ́л, явэ́ла тумэ́нца, сыр тумэ́ и ракирэ́на.

Малахия 2:9

“Палдава́ Мэ адя́кэ кэрдём тумэн накутякирдэ (презреннонэ) и джунгалэ́ манушэ́нца анги́л сарэ́ манушэ́ндэ, адя́кэ сыр тумэ́ на ракхнэ Мирэ́ дрома́, и тумэ́ прилэнас манушэ́нгири риг дро Зако́но Дэвлэ́скиро.”

Čysly 22:7

И гинэ́ Моавитянэнгирэ пхурыдыра́ и Мадиамоскирэ пхурыдыра́ почастункэнца (дарэнца) дрэ васта́ пал драбакирибэн (магитко буты́), и явнэ́ кэ Валаа́мо, и пирипхэндлэ лэ́скэ Валакоскирэ лава́.

Ереме́ё 5:12

Ёнэ отпхэндэпэ Ра́стыр-Дэвлэ́стыр и пхэндлэ́: “Рай Дэвэ́л нисо́ на кэрэ́ла амэ́нгэ. Биба́хт (би́да) на явэ́ла пэ амэ́ндэ. Амэ на дыкхаса ни курта́ла, ни бокх.

Софония 3:4

Лэ́скирэ проро́ки исын балвалитка, савэ́нгэ нашты́ тэ патяс, лэ́скирэ рашая́ магирэна свэ́нто штэ́то; ёнэ пхагирэна Мойза́скиро Зако́но, сыр камэ́на.