Mihiejo 2:8 - Библия - Пэ Балтитко Романи чиб (Романэс) 2019

⁸ “На΄гара тумэ́, кон са́нас Мирэ́ мануша́, ґаздынэ́пэ сыр вэ́рги проти Ма́ндэ – тумэ́ злэна зорья́са упратуно урибэ́н и тэлатуны и́дя манушэ́ндыр, савэ́ джа́на пашы́л бидаракирэс, савэ́ рисёна марибнастыр.

Biblija - Pe Baltitko Romani čib (Romanes) 2019

⁸ “Na'gara tumé, kon sánas Miré manušá, ĥazdynépe syr vérgi proti Mánde – tumé zlena zorjása upratuno uribén i telatuny ídia manušéndyr, savé džána pašýl bidarakires, savé risjona maribnastyr.

Mihiejo 2:8 Referans Kwoze

Isajos 9:21

Мана́сия ха́ла Ефремос, Ефре́мо ха́ла Манасияс, а кхэтанэ́ ёнэ ха́на Юдас. И на пириячэ́ла Лэ́скири холы́, и васт Лэ́скиро исын протырдыно.

Psalmy 55:20

Дэвэ́л явэла тэ шунэ́л и отпхэнэ́ла лэ́нгэ, дава́ Ёв, Саво́ исын пэ троно пэ сарэ́ ве́ки. Сэ́ла. Нэ ёнэ на парудёна, нанэ лэ́ндэ трашаибэ́н Дэвлэ́стыр.

2 Kralip 20:19

Мэ мирнонэ, чачунэ́ Израилёскирэ форье́ндыр; а ту камэ́са тэ хасякирэс фо́ро, и саво́ исын сы́рбы дай и форьенгири пир Израилё: ваш со ту́кэ тэ пхагирэс Ра́скирэ-Дэвлэ́скиро миштыпэ́н?”

Ереме́ё 12:8

Миро миштыпэ́н – Мирэ́ мануша́, ячнэ́ сыр шчэр (ле́во) дро вэш, ёнэ ґаздынэ́ пэ́скири зан пэ Ма́ндэ, палдава́ Мэ нашты́ тэ дыкха́в пэ лэ́ндэ.

Mihiejo 3:2

Нэ тумэ́ сан мануша́, кон бидыкхэла лачхипэ́н тэ кэрэ́л, нэ тумэ́нгэ исын пир ило́ биба́хт (чорипэ́н): тумэ́, савэ́ лучкирэна цы́па манушэ́ндыр, и лэ́нгири лоч (джидэ́ маса́) лэ́нгирэ кокалэндыр;

Mihiejo 3:3

савэ́ ха́на лоч (джидэ́ маса́) мирэ́ манушэ́ндыр, савэ́ лучкирэна цы́па лэ́ндыр, и пхагирэна лэ́нгирэ кокалы́, и чингирэна лэн пэ котэра́ сыр мас ваш пири́, сыр лоч (джидэ́ маса́) ваш кака́ви (котло).”

Mihiejo 7:2

Э патяибнытка мануша́ лачхэ́ илэ́са хасинэ́ пэ пхув, и нанэ чачунэ́ манушэ́н машки́р муршэндэ. Ёнэ сарэ́ подракхэна тэ прочхувэн рат, кажно (сва́ко) ману́ш чорьёлапэ пал пэ́скирэ пшалэ́стэ фэляса (сеткаса).

Mihiejo 7:3

Лэ́нгирэ васта́ рискирдэ́ тэ кэрэ́н биба́хт (фуипэ́н): о тхага́ри пхучэла почастунко (да́ро), о сэнда́ри (наенгиро) родэ́ла мыто (взятка), и барэ́ рая выпхэнэна лэ́нгири бибахталы мысля пэ годы́, со ёнэ камэ́на; и ёнэ адя́кэ кхэтанэ́ пиририскирэна чачипэ́н.