Mihiejo 2:4 - Библия - Пэ Балтитко Романи чиб (Романэс) 2019

⁴ Дро дова́ дывэ́с мануша́ явэ́на тэ ракирэ́н притча пал тумэ́ндэ, и ёнэ явэ́на тэ ракирэ́н зоралэ́с киркэ ясвэ́нца, и тэ пхэнэ́н: ‘Амэ хасиям сарэ́са, о Дэвэ́л парудя амари́ до́ля [отдыя́ явирэ́нгэ-р.с.]: сыр тэ рисёл амари́ до́ля? Ёв роскэрдя́ амарэ́ фэ́лды машки́р амарэ́ вэргэ́ндэ.’”

Biblija - Pe Baltitko Romani čib (Romanes) 2019

⁴ Dro dová dyvés manušá javéna te rakirén pritča pal tuménde, i jone javéna te rakirén zoralés kirke jasvénca, i te phenén: ‘Ame xasijam sarésa, o Devél parudia amarí dólia [otdyjá javirénge-r.s.]: syr te risjol amarí dólia? Jov roskerdiá amaré féldy maškír amaré vergénde.’”

Mihiejo 2:4 Referans Kwoze

Avakumo 2:6

Ци на лэ́на сарэ́ кадалэ́ мануша́ (конэ́с ёв росчордя) тэ ракирэ́н притча проти лэ́стэ, и тэ высан лавэ́нца лэс, пхэни́: “Бида пэ лэ́стэ, кон прибарьякирэла кэ пэ дова́, со нанэ лэ́скиро – пэ кицы́ дурэды́р дава́ явэ́ла? Бида пэ кадалэстэ, кон обчхувэла пэс сымаденца (залогэнца)?”

Mihiejo 1:15

Нэ Мэ яна́ва миштыпэ́н-прилыибнаскирэс (наследникос) кэ ту, манушние Морешоскири; и барипэ́н Израилёскиро пириджала кэ Одоламо.

Ереме́ё 9:10

Мэ, Ереме́ё, ґазда́ва роибэ́н пал бэ́рги, и мэ обровавапэ пал чараибнытка фэ́лды пэ чхучэ́ маля (степи), и мэ ява́ва тэ ракира́в ясвэ́нца пал-дова́, со чхучэ́ маля хачинэ адя́кэ, со нико́н на дэ́ла ра́да тэ джал пирда́л лэ́ндэ. Зан кхэритконэ́-жывёлэнгири (мурдалэнгири) исын на шундлы. Сыр болыбны́тка чирикля́, адя́кэ-паць и кхэри́тка мурдала́ (ското) хасинэ́, ёнэ гинэ́ криг.

Isajos 24:3

Пхув исын обчорды сарэ́са и чхучи́, пхув сарэ́са исын росчорды, пал-дова́ со Рай Дэвэ́л пхэндя́ дава́ лав.

Isajos 6:11

Мэ пхэндём: “Ци ґара́ (длу́гэс) дава́ явэ́ла, Раё, Дэ́вла?” Ёв пхэндя́: “Пириячэ́ла, ко́ли далэ́ фо́рья явэ́на чхучэ́, нико́н на явэ́ла тэ дживэ́л дрэ лэ́ндэ, ко́ли джа́на мануша́ далэ́ кхэрэндыр, ко́ли дая́ пхув явэ́ла сарэ́са чхучи́.

Яви́р Зако́но 28:29

И ту явэ́са тэ мацынэс вастэ́са тэ псирэ́с дро пашдывэс, сыр короро́ вастэ́са тэ мацынэл, ке́ли псирэ́ла дро калыпэ́н (дрэ тёмныма), и ту́тэ на явэ́ла бахт дрэ тырэ́ дрома́, и явэ́на тэ притасавэн тут и тэ дукхавэн тут (тэ збидинэн тут) кажно дывэ́с, и нико́н на зракхэ́ла тут.

Čysly 23:7

И проракирдя ёв пэ́скири притча и пхэндя́: “Месопотамиятыр, яндя́ ман о Вала́ко, Моавоскиро кра́ли, васточнонэ бэргэндыр: ‘яв, прокош ма́нгэ Яково́с, яв, кэр фуипэ́н пэ Израилё!’

Marko 12:12

И ёнэ родэнас саштыпэн тэ ухтылэл Лэс, нэ дара́ндынэ манушэ́ндыр, пал-дова́ со ёнэ ґалынэ́, со Ёв ракирдя́ дава́ приме́ро (сыкаибэ́н) пал лэ́ндэ; ёнэ мэкнэ́ Лэс и гинэ́ криг.

Софония 1:2

“Мэ хасякира́ва саро́, со исын пэ сари́ пхув”, – ракирэ́ла Рай Дэвэ́л,

Mihiejo 2:10

Уштэ́н и джа́н адатхы́р; пал-дова́ со ада́й тумэ́ на откхинёна. Кадава́ штэ́то исын магирдо́, и хасякирэ́ла тумэн, и дава́ хасякирибэн явэ́ла кэ ко́нцо (кэ яго́ро).

Amoso 5:17

Дрэ сарэ́ винаграды́тка унты (сады) явэ́ла зорало́ ровибэн, пал-дова́, со Мэ проджава машки́р лэ́ндэ,” – ракирэ́ла Рай Дэвэ́л.

Amoso 5:1

Шунэ́н дава́ лав, савэ́са мэ, Амосо, ява́ва тэ тугинав ясвэ́нца пал тумэ́ндэ, мануша́лэ Израилёскирэ кхэрэ́стыр.

Ioil 1:13

Подпхандэнпэ жалобнонэ балытконэ гонэса, и ровэ́н зоралэ́с тумэ́, кон сан рашая́: тугинэ́н ровибнаса, тумэ́ кон кэрэ́ла Дэвлэ́скири буты́ анги́л алта́рё. Явэ́н, пасён сари́ рат, дрэ жалобна балытка гонэ́ тумэ́, кон кэрэ́ла буты́ мирэ́ Дэвлэ́скэ; пал-дова́ со буты́р на янэ́на свэ́нто дыибэ́н гивэстыр и тхадуно свэ́нто дыибэ́н дрэ Кхангири́ тумарэ́ Дэвлэ́скири.

Ioil 1:8

Ровэ́н зоралэ́с, мануша́лэ, и подпхандэнпэ жалобнонэ балытконэ гонэса, сы́рбы патывалы́ тэрны́ джувлы́, кон тугинэла пал ромэстэ пэ́скирэ тэрныпнастыр.

Езэкилё 16:44

Акэ, кажно (сва́ко), кон ракирэ́ла притчэнца (примерэнца), пхэнэ́ла пал ту́тэ: “Сави́ исын дай, адасави исын чхай!”

Езэкилё 2:10

И Ёв откэрдя ла анги́л ма́ндэ, и сыс лылвари́ зачхиндлы англэ и палэ, и сыс зачхиндло́ дрэ лылвари́: “Ровибэн, и тугипэн ясвэ́нца, и биба́хт.”

Ереме́ё 14:18

Ко́ли Мэ джа́ва пэ фэ́лда, акэ, исын паштэ́ мануша́, савэ́н курта́ла мулякирдя́! И ко́ли Мэ джа́ва андрэ́ фо́ро, акэ, исын мануша́, савэ́ нашавэна зор кэ мэрибэ́н барэ́ бокха́тыр! Пал-дова́ со дуйджинэ́: и проро́ко, и раша́й псирэ́на пир пхув, со ёнэ кокорэ́ на джинэ́на палсо́.’”

Ереме́ё 4:13

Акэ, вэ́рго джа́ла тэлэ́ сы́рбы о́блоки и лэ́скирэ марибны́тка вурдэна́ явэ́на сыр рискирибнаскири балва́л, а лэ́скирэ граё исын сыгэды́р орлэндыр (кидэндыр). “Бида амэ́нгэ! Пал-дова́ со амэ хасиям!”

Isajos 14:4

то ту багаса пхутькирды гилы́ пал Вавилоно́скирэ крали́стэ и пхэнэ́са: “Нанэ одолэ́с, кон ман мэнчынэлас, пирияця́ чорибэн!

Ióvo 27:1

И ракирдя́ Ио́во дурэды́р пэ́скири притча (масал) кадасавэ́ лавэ́нца:

2 Паралипоменоно 35:25

Оброндя Иосияс и Ереме́ё дрэ роибнаскири гилы́; и ракирдэ́ сарэ́ багаибнарья и багаибнарицы пал Иосиястэ дрэ роибнытка пэ́скирэ гиля́, савэ́ исын джиндлэ́ кэ дава́ дывэ́с, и пиридынэ лэн дро багаибэн Израилёскэ; и ґа́да, ёнэ исын зачхиндлэ́ дрэ лылвари́, роибнытконэ-гиленгири.

2 Kralip 1:17

И оброндя Дави́до Саулос и лэ́скирэ чхавэ́с Ионафанос далэ́ ровибнытконэ гиляса,

Čysly 24:15

И роспхэндя́ пэ́скири притча, и пхэндя́: “Ракирэ́ла Валаа́мо, Веороскиро чхаво́, ракирэ́ла мурш отчхакирдэ якхаса,

Čysly 24:3

И выпхэндя ёв пэ́скири притча, и пхэндя́: “Ракирэ́ла Валаа́мо, Веороскиро чхаво́, ракирэ́ла мурш отчхакирдэ якхаса,

Čysly 23:18

Ёв выпхэндя пэ́скиро приме́ро (притча) и пхэндя́: “Ушты́, Вала́ко, Сепфорооскиро чхаво́, шун и зарипир ман.

Ереме́ё 6:12

И лэ́нгирэ кхэра́ дэ́на явирэ манушэ́нгэ, лэ́нгирэ ромне́н и фэ́лды кхэтанэ́; пал-дова́ со Мэ ґазда́ва Миро васт пэ манушэ́ндэ пэ кодоя пхув”, – пхэндя́ Рай Дэвэ́л.

Ереме́ё 8:10

Палдава́ Мэ да́ва лэ́нгирэ ромне́н явирэ́нгэ, и лэ́нгирэ фэ́лды кодолэ́ манушэ́нгэ, савэ́ явэ́на хулая́ пэ лэ́ндэ. Пал-дова́ со кажно лэ́ндыр тыкнэстыр кэ са́мо барэды́р исын присыклыно и ґа́лко кэ барвалыпэ́н: пророкостыр кэ раша́й – кажно лэ́ндыр кэрэ́ла начачунэс.

Mihiejo 1:8

Палдава́ мэ, Михеё, ява́ва тэ обровав и тэ тугинав ясвэ́нца, мэ джа́ва обрискирдо и нанго; Мэ ява́ва и тэ выинав сыр шакалы, и тэ тугинав ровибнаса сыр страусы.

Ереме́ё 9:16

И Мэ росчхувава лэн тэ дживэ́н машки́р Наюдэ́ндэ, конэ́с на джиндлэ́ ни ёнэ, ни лэ́нгирэ дада́. И Мэ бичхава́ва курта́ла пал лэ́ндэ, анги́л дова́, сыр Мэ сарэ́са хасякира́ва лэн.’