Mihiejo 2:2 - Библия - Пэ Балтитко Романи чиб (Романэс) 2019

² Ёнэ исын ґалка (скэмпа) кэ фэ́лды, и ёнэ лэ́на лэн зорья́са. Ёнэ исын ґалка кэ кхэра́, и ёнэ откэдэна лэн манушэ́ндыр. И ёнэ притасавэ́на (обкэдэна) манушэ́с и лэ́скиро кхэр, и манушэ́с кокорэс, и лэ́скиро мэкно́ миштыпэ́н.

Biblija - Pe Baltitko Romani čib (Romanes) 2019

² Jone isyn ĥalka (skempa) ke féldy, i jone léna len zorjása. Jone isyn ĥalka ke kherá, i jone otkedena len manušéndyr. I jone pritasavéna (obkedena) manušés i léskiro kher, i manušés kokores, i léskiro meknó mištypén.

Mihiejo 2:2 Referans Kwoze

Isajos 5:8

Бида тумэ́нгэ, кон кинэла екх кхэр пал яви́р, екх фэ́лда пал яви́р фэ́лда, адя́кэ, со нанэ штэ́то ваш явирэ манушэ́нгэ, адя́кэ, со, сы́рбы тумэ́ сан екхджинэ пэ пхув.

Amoso 8:4

Шунэ́н дава́, тумэ́, кон чорьёла тэ накхавэл манушэ́н дрэ трэ́бима, и тэ хасякирэ́л сарэ́ чорорэн пэ пхув,

Ереме́ё 22:17

Нэ тырэ́ якха́ и тыро́ ило́ исын рискирдо ваш тыри́ ґалкима кэ барвалыпэ́н и тэ прочхувэс бибангипнаскиро (набанго) рат, и ваш дова́, соб (кай) тэ притасавэс, и тэ лэс пэ зор.

Езэкилё 18:12

ко́ли ёв притасавэлас чорорэс и кодолэ́ манушэ́с, саво́ мангэ́ла, ко́ли ёв залэла зорья́са, на отдэ́ла сымады́, ко́ли ёв обрисёла пэ́скирэ якхэ́нца пэ кэрдэ́ дэвлорэ́, кэрэ́ла джунгалыпэ́н (брыткима).

1 Ximaske 6:10

Пал-дова́ со зорало́ тырдыпэ́н кэ ловэ́-дава́ исын пэ́рво дром, со янэ́ла кажно фуипэ́н, исын бут мануша́, савэ́ пир бари ґалкима кэ ловэ́ отрисинэ патяибнастыр и отдынэ́ пэс пэ бари би́да.

Матфеё 23:13

Бида тумэ́нгэ, дуемуитка лылвари́тка и Фарисе́и, савэ́ зачхакирэна вудара́ дро Кралипэ́н дро Болыбна́скиро Раё анги́л манушэ́ндэ; пал-дова́ со тумэ́ кокорэ́ на заджа́на, и тумэ́ сан тэрдэ́ пэ дром одолэ́ндэ, савэ́ камэ́на тэ заджа́н.

Малахия 3:5

И Мэ ява́ва пашылэды́р кэ тумэ́ тэ сэндякирав пхарэ́с тумэн; Мэ ява́ва сыр сы́гно дудвало (обличытелё) проти джиныбнаскирэн пир чэргэня́ (чарадеен), проти биладжакунэскирэн (блэндарьен), проти одолэ́ндэ, кон хоханэ́с совлахала; проти одолэ́ндэ, кон хохавэла лавэ́нца бутярнэн, и проти одолэ́ндэ, кон притасавэла пивлен (удовэн), и пиротэн (сиротэн), и проти одолэ́ндэ, кон рисёла думэса кэ явирэ – тхэмэ́скирэ-манушэ́скиро право, – адя́кэ сыр ёнэ на дарэ́на Ма́ндыр”, – ракирэ́ла янголэ́нгирэ-болыбна́скиро Рай Дэвэ́л.

Mihiejo 3:9

Акана́, шунэ́н дава́ тумэ́, шэралалэ кхэрэ́стыр Яковоскирэстыр, и барыдыра́ тхэмэ́скирэ кхэрэ́стыр Израилёскирэстыр, савэ́нгэ исын джунгало́ (брыдко) чачипэ́н, и савэ́ пиририскирэна патяибны́тко отлыджаибэн кэ чачипэ́н;

Езэкилё 22:12

Кэ ту мануша́ лэ́на мыто (взятка), соб (кай) тэ чхувэ́н рат, ту дэсас ловэ́ тэло ко́фо (процэнто), и лэсас барэды́р бажын (лихва) ту зорья́са отлэсас миштыпэ́н тырэ́ пшалэстыр, а пал Ма́ндэ бистырдян, – ракирэ́ла Рай Дэвэ́л, Дэвэ́л.

4 Kralip 9:26

Чачо́, рат Навуфеёскиро и рат, лэ́скирэ-чхавэ́нгиро, дыкхцём мэ тася́, ракирэ́ла Рай Дэвэ́л, и Мэ отхава палэ (отомстинава) ту́кэ пэ дая́ фэ́лда. И адя́кэ лэ, чхурдэ лэс пэ фэ́лда, пир Ра́скирэ-Дэвлэ́скиро лав.”

Vygiiben 20:17

На тырдэпэ кэ тырэ́ пашатунэскиро кхэр; на причху́в ило́ кэ тырэ́-пашатунэскири ромны́, ни лэ́скирэ писхари́с, ни лэ́скирэ писхарица, ни лэ́скирэ гурувэ́с, ни лэ́скирэ осло́с, ничи́, со исын тырэ́ пашатунэстэ.”

Ióvo 31:38

Ко́ли мири́ пхув тэ дэл го́дла пэ ма́ндэ, и ко́ли ла́кирэ лесьни (борозды) тэ ровэ́н кхэтанэ́ пэ ма́ндэ,

3 Kralip 21:1

И пал одолэ́ сарэ́ рэ́нды сыс адя́кэ: Навуфеёстэ, саво́ сыс Изреельтянино, сыс винагра́днико (дракх) пашы́л бари фэлатин/колов (дворцо) Ахавоскири, саво́ сыс кра́ли пэ Израиле.

Езэкилё 8:17

И пхэндя́ ма́нгэ: “Дыкхэ́са ци, манушэ́скиро чхаво́? Нау́што/хай ишчо (инкэ́) на́бут Юдакирэ кхэрэ́скэ долэ́ джунгалыпэна, савэ́ ёнэ кэрдэ́ ада́й, нэ ёнэ инкэ́ (ишчо) пхэрдякирдэ пхув нахратымаса, и ёнэ рисинэ́ тэ кошэнпэ Ма́нца. Акэ, ёнэ подлыджана рандя́ (вэ́тки) кэ пэ́скирэ накха.

Езэкилё 22:13

Акэ, палдава́ Мэ дивинавпэ, со аж мардём пэс пир васта́ трэ начачипнастыр, сыр тут тырдэла кэ барвалыпэ́н, сыр рат чхувэ́лапэ машки́р ту́тэ.

Езэкилё 33:26

Тумэ́ думинэ́на, со курта́ла подрикирэ́ла тумэн, тумэ́ кэрэ́на джунгалэ́ рэ́нды, екх тумэ́ндыр магирэла – явирэскирэ ромня́, и камэ́на, соб (кай) пхув тэ явэ́л тумари́?

Езэкилё 46:18

Нашты́, соб (кай) тэ лэл тхага́ри народоскирэ-мэкнэ́ миштыпна́стыр, ко́ли ёв отлэла лэ́ндыр; ёв исын банго́ тэ дэл пэ́скирэ мэкнэ́ миштыпна́стыр пэ́скирэ чхаворэнгэ (биятэнгэ), соб (кай) нико́н мирэ́ народо́стыр тэ на явэ́л вытрадыно пэ́скирэ миштыпна́стыр.”

Amoso 2:7

Ёнэ древа́н тырдэнапэ кэ пра́хо пхувья́киро, тэ явэ́л пэ шэро́ чорорэскиро, и ёнэ пиририскирэна дром, савэ́са псирэ́на напхутькирдэ мануша́, а дад и чхаво́ псирэ́на кэ екх джувлы́, соб (кай) тэ магирэ́н свэ́нто Миро лав.

Mihiejo 6:12

Барвалэ́ мануша́ далэ́ форо́стыр исын древа́н начачунэ [нахрата-ю.о.], и кодолэ́ сарэ́, кон дживэ́ла дро дава́ фо́ро, хохавэнас, и чиб лэ́нгири исын хоханы дро лэ́нгирэ ушта́.

Isajos 3:14

Дэвэ́л сэндякирэлпэ пхурэдырэнца Пэ́скирэ народо́стыр, лэ́скирэ ранца: “Тумэ́ обчордэ винагра́днико; дрэ тумарэ́ кхэра́ ракхэлапэ дова́, со тумэ́ чордэ чорорэстыр.

Езэкилё 45:9

Адя́кэ ракирэ́ла Рай-Дэвэ́л: “Ухты́лла (до́си), Израилёскирэ тхагарьялэ (кня́зи). Пириячэн тэ кэрэ́н нахрата рэ́нды тэ обчорэн. Кэрэ́н сэ́ндо и чачипэ́н, пириячэн тэ вытрадэн Миро народо лэ́скирэ пхувья́тыр, – ракирэ́ла Рай Дэвэ́л, Дэвэ́л.

Amoso 4:1

“Шунэ́н дава́ лав, тумэ́-джувля́лэ Васаностыр, савэ́ ячнэ́ тхулэ сы́рбы рэцы (телицы), савэ́ исын пэ бэ́рги дрэ Сама́рия, савэ́ притасавэ́на чорорэн, савэ́ на дэ́на тэ дживэ́н кодолэ́нгэ, кон исын дрэ трэ́бима и, савэ́ ракирэ́на пэ́скирэ хулангэ: ‘Янэ́н мол (вино), ява́са тэ пьяс ла!’”