Mihiejo 1:7 - Библия - Пэ Балтитко Романи чиб (Романэс) 2019

⁷ Сарэ́ ла́кирэ вычхиндлэ́ муя́ явэ́на пхагирдэ́ пэ котэра́ (куски), и сарэ́ ла́кирэ да́ры, сыр биладжакунэ́ джувлякирэ, явэ́на хачкирдэ́ яга́са. Мэ хасякира́ва сарэ́ ла́кирэ и́долы, пал-дова́ со ёй (Сама́рия) кэрдя́ лэн пал да́ры, со дэнапэ биладжакунэ́ джувля́кэ, и кадалэ́ да́ры рисёна ваш да́ры явирэ биладжакунэ́ джувля́кэ.”

Biblija - Pe Baltitko Romani čib (Romanes) 2019

⁷ Saré lákire vyčhindlé muiá javéna phagirdé pe koterá (kuski), i saré lákire dáry, syr biladžakuné džuvliakire, javéna xačkirdé jagása. Me xasiakiráva saré lákire ídoly, pal-dová so joj (Samárija) kerdiá len pal dáry, so denape biladžakuné džuvliáke, i kadalé dáry risjona vaš dáry javire biladžakuné džuvliáke.”

Mihiejo 1:7 Referans Kwoze

Яви́р Зако́но 23:18

На ян ловэ́ биладжакунэ́-джувлякирэ и тими́н джуклэскири дрэ Ра́скирэ-Дэвлэ́скиро, тырэ́ Дэвлэ́скиро Кхэр, ни пир сави́ совэ́л, пал-дова́ со адалэ́ дуйджинэ́ исын магирипэ́н анги́л Растэ-Дэвлэ́стэ, тырэ́ Дэвлэ́стэ.

Osija 2:12

И Мэ чхучакирава ла́кирэ винаграды́тка барья (посадки) и ла́кирэ инжыритка дрэвицы, пэ савэ́ ёй ракирэ́ла: ‘Ѓа́да, кадалэ́ исын мирэ́ мазу́рья (награды), со мирэ́ камлытка мурша́ дынэ́ ма́нгэ.’” И Мэ кэра́ва лэ́ндыр вэш, соб (кай) фэлды́тка мурдала́ (звери) тэ хан лэн.

Sykadyipén 18:3

Кра́лья пэ пхув кэрдэ́ ладжаипэ́н ла́са и ку́пцы (тылга́рья) пир пхув барвалынэ ла́кирэ зоралэ́-бимеракирэ барвалыпнастыр.”

Osija 8:6

И дава́ гуруворо адя́кэ-паць Израилёстыр: графа́ри (спецо тэ рисынэл) вычхиндя дава́, и палдава́ ёв исын на дэвэл. Кадава́ гуруворо Самариякиро явэ́ла пхагирдо́ пэ котэра́.

Sykadyipén 18:9

Кра́лья пир пхув, савэ́ сыс кхэтанэ́ ла́са дро блэ́ндо и дживэ́нас бимеракиро барвалэс ла́са, ке́ли дыкхэ́на тхув ягатыр, со хачкирэлас ла, тэды ёнэ явэ́на тэ ровэ́н пхарэ́с и тэ дэн го́дла ясвэ́нца пал ла́тэ.

Ioil 3:3

Ёнэ чхурдэнас жре́биё пал Мирэ́ манушэ́ндэ, и ёнэ дэ́нас тэрнэ́ манушэ́с тэ парувэн пэ биладжакунятэ, и ёнэ бикнэнас патываля джувля́ пал мол (вино) и ёнэ пинэ́.

Osija 2:5

Пал-дова́ со лэ́нгири дай кхэлдя биладжакунэс; ёй сыс пхари́ лэ́нца напатывалэ́с: пал-дова́ со ёй пхэндя́: “Мэ джа́ва пал мирэ́ камлытконэндэ, савэ́ дэ́на ма́нгэ миро маро́, и миро пани́, и мири́ вы́лна (шэрсь), миро ґандладо (лёно), миро оливи́тко дзэт (елеё) и миро пибэ́н.”

Isajos 27:9

И далэ́са злэлапэ (выкхосэлапэ) грэ́хо Яково́скиро, злэлапэ грэ́хо лэ́стыр, ко́ли ёв розмарэла сарэ́ бара́ алтарёстыр (жэртвеникостыр) дрэ котэра́ звёскакирэ, на явэ́на тэрдэ́ дэмбитка вэладиня (рошчы) и и́долы кхамэскэ.

2 Паралипоменоно 31:1

И пэ ко́нцо (яго́ро) сарэ́ далэскэ, гинэ́ сарэ́ Израильтя́ни, савэ́ одо́й сыс, дрэ Юдэя́кирэ фо́рья, и розмардэ статулы, чингирдэ тэлэ́ свэнцона вэша́, и роспхагирдэ́ вучипэна́ и алта́ри пэ сари́ Юдэ́я и пэ пхув Вениаминоскири, Ефремо́скири и Манасияскири, пэ ко́нцо (яго́ро). И пало́ дова́ рисинэ́ сарэ́ Израилёскирэ чхавэ́, кажно дро пэ́скиро хулаибэн, дрэ пэ́скирэ фо́рья.

Яви́р Зако́но 9:21

Грэ́хо тумаро́, саво́ тумэ́ кэрдэ́, – гуруво́рэс мэ лыём, хачкирдём сарэ́са лэс дрэ яг, розмардём лэс и сарэс скхостём кэ дова́, со ёв яця́ тыкнинько, сыр пра́хо, и мэ чхурдыём дава́ пра́хо дро сы́гно рэ́кица (лэнори́), сави́ тхадыя бэрга́тыр.

Левито 26:30

Мэ роспхагирава кэ пхув тумарэ́ вучипэна́, и роспхагирава тумарэ́ сты́лбы, и чхурдава тэлэ́ тумарэ́ тру́пы пэ тумарэ́-идолэнгирэ котэра́, и ячэ́на джунгалэ́ (брытка) тумэ́ Мирэ́ дескэ;

1 Kralip 5:4

И уштынэ́ ёнэ тася́рлэс пэ зло́ко пэ яви́р дывэ́с, и ґа́да, Дагоно сыс пашто́ мо́са пэ пхув анги́л Дэвлэ́скиро ковчэго; шэро́ Дагоноскиро и дуй лэ́скирэ васта́ сыс паштэ́ отчингирдэ, кажно (сва́ко) розмардэс, пэ прого, яця́пэ екх Дагоноскиро шталто (торсо).

Isajos 2:18

А и́долы сарэ́са хасёна.

Isajos 23:17

И явэ́ла: ко́ли эфтадэша́ бэрш проджа́на, то Рай Дэвэ́л заджа́ла кэ Ти́ро, ёв лэ́ла пэ́скири бажын, ёв лэ́ла нэвэ́с тэ кэрэ́л биладжакирэ рэ́нды сарэ́ кралипнэнца пир сари́ пхув.

Езэкилё 6:6

Дрэ сарэ́ штэ́ты, кай тумэ́ дживэ́на, фо́рья явэ́на чхучэ́, вучэ́ штэ́ты явэ́на роспхагирдэ́ ваш дова́, соб (кай) тэ авэн чхучэ́ и роспхагирдэ́ тумарэ́ алта́ри, соб (кай) тэ явэ́н зачхурдынэ тумарэ́ и́долы, соб (кай) тэ явэ́н роспхагирдэ́ сты́лбы кхамэскэ, соб (кай) тэ явэ́н бистырдэ тумарэ́ бутя́.

Osija 2:14

“Палдава́ Мэ затырдава (уракирава) ла и яна́ва ла пэ чхучи́ пхув, и Мэ ява́ва тэ ракира́в илыткэс ла́са.

Osija 8:5

Тыро́ гуруворо ячкирдя́ тут, э, Сама́рия! Мири́ холы́ ґаздыя́пэ проти лэ́ндэ. Сыр ґара́ (длу́гэс) явэ́ла кэ дова́, ке́ли ёнэ ячэ́напэ бибангипнаскирэ.