Mihiejo 1:16 - Библия - Пэ Балтитко Романи чиб (Романэс) 2019

¹⁶ Кэр пэ́скэ плешка [злэ пэ́стыр бала́-р.с.] и обчхин пэ́скирэ бала́, ке́ли ило́ тыро́ явэ́ла тэ дукхал пал дрогонэ́ чхавэ́ндэ тырэндэ. Барьякир пэ́скири плешка сы́рбы о́рло (ки́до), пал-дова́ со ёнэ джа́на дро пле́но ту́тыр.

Biblija - Pe Baltitko Romani čib (Romanes) 2019

¹⁶ Ker péske plieška [zle péstyr balá-r.s.] i občhin péskire balá, kiéli iló tyró javéla te dukhal pal drogoné čhavénde tyrende. Barjakir péskiri plieška sýrby órlo (kído), pal-dová so jone džána dro pliéno tútyr.

Mihiejo 1:16 Referans Kwoze

Isajos 22:12

И Рай Дэвэ́л, Рай Дэвэ́л, болыбна́скирэ-янголэ́нгиро, кхарэ́ла кэ Пэ тумэн, соб (кай) тумэ́ тэ ровэ́н, тэ годлэн дро дава́ дывэ́с, соб (кай) тумэ́ тэ обчхинэн бала́, соб (кай) тэ обпхандэнпэ гонэса праскаса, саво́ урьена дрэ биба́хт.

Ереме́ё 7:29

Обчхин тырэ́ бала́, шукарни Ерусалимо́стыр, и чхурдэ криг лэн, и ров пэ вучэ́ штэ́ты, пал-дова́ со Рай Дэвэ́л на прилыя́ и мэкця́ ро́до, саво́ зоралэ́с холякирдя Лэс.

Ióvo 1:20

И уштыя́ Ио́во и рискирдя́ пэ́скиро урибэ́н, и мурадя сарэ́са пэ́скиро шэро́, и пыя́ пэ пхув, дыя́ паклоно,

Amoso 8:10

Мэ парувава тумарэ́ свэ́нки пэ зоралы́ ту́га и сарэ́ тумарэ́ гиля́ пэ зорало́ ровибэн; и Мэ яна́ва жалобна балытка гонэ́ пэ кажно трушу́л, и плеха пэ кажно шэро́. Мэ кэра́ва дро да дывэ́с бари ту́га пэ пхув, савья́са обровэна екхорэ чхавэ́с, и ко́нцо (яго́ро) далэскэ явэ́ла сыр кирко дывэ́с.

Ереме́ё 16:6

Сыр барэ́, адя́кэ-паць и тыкнэ́ мэрэ́на пэ дая́ пхув. Лэн на явэ́на тэ гаравэн, адя́кэ-паць и нико́н на явэ́ла тэ обровэл лэн; ци тэ чхинэл пэс, ци тэ обчхинэл бала́ пал лэ́ндэ.

Ереме́ё 6:26

“Мирэ́-манушэ́нгири чхаё, чхув пэ пэ́стэ жалобно гоно́, и катынпэ дрэ пра́ска! Зоралэ́с тугин сы́рбы пал екхорэ чхаворэстэ, киркэс обров пал-дова́ со екха́тыр пэрэ́ла (явэ́ла) пэ амэ́ндэ замарибнари”, – пхэндя́ Рай Дэвэ́л.

Isajos 15:2

Ёв ґаздэ́лапэ кэ Баито и Дивоно, ґаздэ́лапэ пэ вучэ́ штэ́ты, соб (кай) ёв тэ ровэл; ровэла Моа́во пал Нэво́ и Медева, лэ́ндэ сарэ́ндэ исын обчхиндлэ́ бала́, сарэ́ндэ исын вымурадэ чхора (брода).

4 Kralip 17:6

Пэ еня́то бэрш, сыр лыя́ тэ кралинэ́л Осия, Асирия́киро кра́ли лыя́ Сама́рия, и лыджия́ Израильтянэ́н тэ дживэ́н кэ Асирия, и чхудя́ лэн дрэ Халахо и дро Хаворо, пашы́л рэка (лэнь) Гозано, и дрэ фо́рья Мидиякирэ.

Яви́р Зако́но 28:41

Чхавэ́н и чхае́н биянэса, нэ на явэ́ла ту́тэ лэн, пал-дова́ со ёнэ джа́на дро пле́но.

Ереме́ё 47:5

Газа ячэ́ла бибалэнгири, Аскалоно [Ашкелоно-ю.о.] хасёла, – дова́, со ячэ́лапэ лэ́нгирэ долостыр? Сыр ґара́ ту явэ́са тэ чхинэс пэс дрэ ту́га?

Amoso 7:11

Пал-дова́ со Амосо адя́кэ пхэндя́: “О Иеровоамо мэрэ́ла куртала́тыр, а Израилё явэ́ла, чачипна́са, лыджино криг дро пле́но лэ́скирэ пхувья́тыр.”

Amoso 7:17

“Палдава́ адя́кэ ракирэ́ла Рай Дэвэ́л: ‘Тыри́ ромны́ явэ́ла биладжакуны джувлы́ дро фо́ро, а тырэ́ чхавэ́ и чхая́ пэрэ́на куртала́тыр, тыри́ пхув роскэрэна пэ паша́ шэлэса меринытконэса, и ту мэрэ́са пэ магирды пхув; и Израилё, чачипна́са, лыджа́на криг дро пле́но лэ́скирэ пхувья́тыр.”

Ереме́ё 4:8

Палдава́ подпхандэнпэ жалобнонэ гонэса, обровэн и ровэ́н годла́са: пал-дова́ со Ра́скирэ-Дэвлэ́скиро холякирибэ́н, на рисия́ амэ́ндыр.

Roiben 2:19

ґаздэпэ, дэ го́дла яври́ раты́, ке́ли кажно стрэ́га джа́ла, вычхув сыр пани́ пэ́скиро ило́ анги́л Растэ-Дэвлэ́стэ, ґа́здэ пэ́скирэ васта́ кэ Ёв ваш джиибэ́н тырэ́ тырнэ биятэнгиро, савэ́ нашавэна зор бокха́тыр пэ кажнонэ́-гасакиро вэнгло.