Mihiejo 1:13 - Библия - Пэ Балтитко Романи чиб (Романэс) 2019

¹³ Кон дживэ́ла кэ Лахисо, дэ андрэ́ ґэнштэн дро вурдэ́н марибны́тко; пал-дова́ со чорипэ́н Израилёскиро латхнэ́ дрэ ту́тэ.

Biblija - Pe Baltitko Romani čib (Romanes) 2019

¹³ Kon dživéla ke Lahiso, de andré ĥenšten dro vurdén maribnýtko; pal-dová so čoripén Izrailjoskiro lathné dre túte.

Mihiejo 1:13 Referans Kwoze

4 Kralip 18:17

И бичхадя́ Асирия́киро кра́ли Тартанос, и Рабсарисос, и Рабсакос Лахисостыр кэ кра́ли Езэки́я бутэ́ халадэнца дрэ Ерусалимо. И гинэ́, и явнэ́ ёнэ кэ Ерусалимо; и гинэ́, и явнэ́, и тэрдинэ́ пашы́л панескиро пролыджиибнытко (водопроводо) упратунэ вэндэрья́тыр (прудостыр), саво́ сыс пэ дром кэ фэ́лда, кай парнякирэнас похтана.

2 Паралипоменоно 32:9

Пало́ (после) дава́ бичхадя́ Сенахиримо, Асирия́киро кра́ли, пэскирэн дынарье́н дро Ерусалимо, – кокоро́ ёв сыс тэрдо́ проти Лахисо, и сари́ лэ́скири зор лэ́са, – кэ Езэки́я, Юдэя́киро кра́ли, и кэ сарэ́ Юдэи (Юдэя́кирэ), савэ́ сыс дрэ Ерусалимо, тэ пхэнэ́н:

Isúso 10:3

Палдава́ о Адониседэко, кра́ли Ерусалимоскиро, бичхадя́ кэ Гогамо, Хевроноскиро кра́ли, и кэ Фирамо, Иармуфоскиро кра́ли, и кэ Яфиё, Лахисоскиро кра́ли, и кэ Девиро, Еглоноскиро кра́ли, соб (кай) тэ пхэнэ́н:

Sykadyipén 2:20

Нэ Ма́ндэ исын вари-со проти ту́тэ: пал-дова́ со ту домэкэса, со ада́я джувлы́ Езавель, сави́ кхарэ́ла пэс пророчица, сыклякирэ́ла и затырдэла сы́рбы дрэ фэлы́ (петля) мирэ́ писхарье́н тэ дживэ́н джувле́нца би сэвлакиро, и тэ хан свэ́нто дыибэ́н (жэ́ртва) идолэ́нгэ.

Sykadyipén 2:14

Нэ ма́ндэ исын вари-со проти ту́тэ; ту́тэ исын кадасавэ́ мануша́, савэ́ рикирэнапэ пал Валаамоскиро сыклякирибэ́н, саво́ сыклякирдя́ Валакос тэ чхурдэл бар пэ дром тэ обштавэлпэ анги́л Израилёскирэ чхавэ́ндэ, соб (кай) ёнэ тэ хан свэ́нто дыибэ́н идолэ́нгэ и тэ дживэ́н джувле́нца би сэвлакиро.

Mihiejo 1:5

Саро́ дава́ пал Яково́скиро чорипэ́н, и пал грэ́хи, со кэрдя́ кхэр Израилёскиро. Саво́ исын чорипэ́н Яково́скиро? Ци дава́ на пал Сама́рия? Савэ далэ́ исын вучэ́ штэ́ты дрэ Юдэ́я? Ци дава́ саро́ исын на Ерусалимо́стыр?

Езэкилё 23:11

На дыкхи́ пэ дова́, со ла́кири пхэн, э Оголива́, дыкхэ́лас саро́ дава́, ёй ишчо (инкэ́) бутэды́р кэрэ́лас биладжакиро грэ́хо, и пыя́ бутэды́р дро ла́киро биладжаипэ́н, сыр ла́кири пхэн.

Ереме́ё 4:29

Кажно (сва́ко) ману́ш явэ́ла тэ нашэ́л криг годлатыр, со ґаздэ́на уклистэнгирэ халадэ́, и карье-дыибнарья лукостыр. Вари-савэ́ джа́на криг дрэ хашчы (заросли), и яви́р зарэсэна пэ бэ́рги. Кажно фо́ро явэ́ла мэкно́, и ние́кх ману́ш на явэ́ла тэ дживэ́л одо́й.

Ереме́ё 3:8

И дыкхця́ Юдэ́я дава́, ке́ли пир причына, со Израилё отгия́ патяибнастыр и лэ́скирэ мануша́ уса́ сыкавэнас камибэн кэ яви́р дэвлорэ́ сы́рбы налачхи джувлы́, то Мэ бичхадём Израилёскирэ манушэ́н криг Пэ́стыр, и дыём лэ́скэ розгиныбнытко лыл (фода), нэ лэ́скири здыибнаскири пхэн Юдэ́я на дарандыя, нэ ёй гия́ и ёй адя́кэ-паць сыкадя́ паты́в кэ яви́р дэвлорэ́.

Isajos 37:8

И рисия́ Рабсако, и дыкхця́, со Асирия́киро кра́ли марэлапэ Ливнаса, пал-дова́ со одова́ отгия́ Лахисостыр.

Isajos 10:31

Мадмена роспрастандыяпэ, одолэ́, кон дживэ́ла кэ Гевимо, сы́гэс уджана.

2 Паралипоменоно 11:9

и Адораимо, и Лахисо, и Азека,

4 Kralip 8:18

И псирдя́ ёв Израилёскирэ-кралье́нгирэ дромэ́са, сыр кэрдя́ Ахавоскиро кхэр, пал-дова́ со Ахавоскири чхай сыс лэ́скирэ ромня́са; и кэрдя́ налачхэ́с дрэ якха́ Ра́скирэ-Дэвлэ́скирэ.

3 Kralip 16:31

Лэ́скэ на ухтылэлас (сыс на́доси) дова́, со ёв пыя́ дрэ грэ́хи Еровоамоскирэ, кон сыс чхаво́ Наватоскиро, а ёв ишчо (инкэ́) лыя́ Езавель дрэ ромня́тэ, чха Ефваалоскирья, кон сыс кра́ли Сидоноскиро, и ёв лыя́ тэ дынаринэ́л Ваалоскэ и тэ дэл паты́в лэ́скэ.

3 Kralip 14:16

И отдэ́ла Рай Дэвэ́л Израилё пал грэ́хи Еровоамоскирэ, савэ́ ёв кокоро́ кэрдя́, и савэ́нца залыджия́ дро грэ́хо Израилё.”

Isúso 15:39

Лахисо, Воцкафо и Еглоно,

Vygiiben 32:21

И пхэндя́ Мо́йза Аароно́скэ: “Со кэрдэ́ ту́кэ адалэ́ мануша́, со ту залыджиян лэн дрэ баро́ грэ́хо?”

Džiibén 19:17

Ке́ли лэн вылыджинэ́ яври́, тэды екх лэ́ндыр пхэндя́: “Зра́кх пэ́скиро ди, на дыкх пала́л, и никай тэ на тэрдёс пашы́л дава́ до́ло; зракхпэ пэ бэ́рга, соб (кай) тэ на хасёс ту́кэ.”

3 Kralip 4:28

И ґэрсто (ячменё), и пхус ваш грэнгэ и ваш мулэнгэ янэ́нас кажно (сва́ко) дрэ пэ́скири стэчка (рядо) пэ штэ́то, кай сыс кра́ли.

4 Kralip 14:19

И доракирдэпэ проти лэ́стэ дро Ерусалимо, и настя́ ёв дро Лахисо. И бичхадэ́ пал лэ́стэ дро Лахисо, и замардэ́ лэс одо́й.

Isajos 36:2

И бичхадя́ Асирия́киро кра́ли Лахисостыр дро Ерусалимо кэ кра́ли Езэки́я, Рабсакос халадэнца; ёв тэрдия́ одо́й, кай тхадэлас пани́ панипролыджаибнытконэстыр упратунэ вэндэриньятыр (прудостыр), пэ дром пашы́л фэ́лда, кай парнякирэнас похтана.

Ióvo 39:10

Ци дэ́са ра́да ту шэлэнца тэ припхандэс бусонэ гурувэ́с кэ ле́сьни (борозны)? Ци явэ́ла ёв тэ пхаравэл пхув пал ту́тэ?

Ереме́ё 34:7

ке́ли крали́скирэ-Вавилоно́скиро халадыбэ́н марэласпэ проти Ерусалимо, и проти сарэ́ фо́рья дрэ Юдэ́я, со ячнэ́пэ: проти Лахисо и Азэка; пал-дова́ со фэ́ни далэ́ фо́рья зоралэ́ вантэнца ячнэ́пэ Юдэя́кирэ форье́ндыр.