Матфеё 9:34 - Библия - Пэ Балтитко Романи чиб (Романэс) 2019

³⁴ Нэ Фарисе́и ракирэ́нас: “Дава́ исын налачхэ́-духэнгиро хула́й, савья́са зорья́са Ёв традэ́ла яври́ налачхэ́ ду́хи.”

Biblija - Pe Baltitko Romani čib (Romanes) 2019

³⁴ Ne Farisiéi rakirénas: “Davá isyn nalačhé-duhengiro xulái, savjása zorjása Jov tradéla javrí nalačhé dúhi.”

Матфеё 9:34 Referans Kwoze

Luka 11:15

Нэ вари-савэ́ лэ́ндыр ракирдэ́: “Ёв вытрадэла налачхэ́ ду́хи (фаны) Вельзэвулоскирэ зорья́са, саво́ исын хула́й пэ налачхэ́ ду́хи.”

Marko 3:22

Лылвари́тка (кни́жники), савэ́ явнэ́ Ерусалимо́стыр, допхэнэнас: “Дрэ Лэ́стэ исын Вельзэвуло. Ёв традэ́ла яври́ налачхэ́ ду́хи налачхэ́ зорья́са.”

Joannostir 3:20

Кажно, кон кэрэ́ла фуипэ́н, лэ́скэ исын на пир ило́ дуд (свэ́то), и ёв на джа́ла кэ дуд, пал-дова́, соб (кай) тэ ячэн джиндлэ́ налачхэ́ рэ́нды лэ́скирэ.

Матфеё 10:25

Ухты́лла (до́си) ваш сыкляибнытконэскэ, соб (кай) ёв тэ явэ́л дасаво, сыр лэ́скиро сыклякирибна́скиро (учытелё), и писха́ри дасаво, сыр лэ́скиро рай. Ко́ли сэмякирэ хула́с прокхардэ Вельзэвуло, сыр бутэды́р налачхэ́ лавэ́нца кхарна хула́скирэ кхэритконэн?’

Матфеё 11:18

И Иа́но явдя́, на ха́ла, на пьела, и ёнэ ракирэ́на: ‘Лэ́стэ исын на́лачхо ду́хо (фа́но).’

Матфеё 12:22

Тэ́ньци яндлэ́ кэ Ёв корорэ́ и кашукэ манушэ́с налачхэ́ духо́са и Ёв высастякирдя́ лэс адя́кэ, со короро́ и кашуко лыя́ тэ ракирэ́л и тэ дыкхэ́л.

Матфеё 12:27

И ко́ли Мэ традава яври́ налачхэ́ ду́хи Вельзэвулоса, тэды савэ́ зорья́са тумарэ́ чхавэ́ традэ́на? Палдава́ ёнэ явэ́на сэнда́рья тумэ́нгэ, со тумэ́ ракирэ́на начачипэ́н.

Joannostir 7:20

Мануша́ пхэндлэ́ дро отпхэныбэ́н: “Ци дава́ на́лачхо Ду́хо (Фа́но) исын дрэ Ту́тэ? Кон камэ́ла тэ мулякирэ́л Тут?”