Матфеё 9:15 - Библия - Пэ Балтитко Романи чиб (Романэс) 2019

¹⁵ И пхэндя́ лэ́нгэ Ису́со: “Нау́што могинэ́на Тэрнэскирэ гости тэ явэ́н смэнтна (печальна) дрэ бьявитко шту́ба, пака Тэрно́ исын лэ́нца? Дывэса́ явэ́на, ке́ли Тэрно́ явэ́ла лыно́ лэ́ндыр, и тэды ёнэ явэ́на тэ постинэн.

Biblija - Pe Baltitko Romani čib (Romanes) 2019

¹⁵ I phendiá lénge Isúso: “Naúšto moginéna Terneskire gosti te javén smentna (piečal'na) dre bjavitko štúba, paka Ternó isyn lénca? Dyvesá javéna, kiéli Ternó javéla lynó léndyr, i tedy jone javéna te postinen.

Матфеё 9:15 Referans Kwoze

Sykadyipén 19:9

И Янго́ло пхэндя́ ма́нгэ: “Зачхин: ‘Бахталэ́ исын одолэ́, савэ́н кхардэ́ пэ Свэнтонэ́-Бакрорэ́скиро бьяв.’” И Ёв ишчо (инкэ́) допхэндя: “Ѓа́да, исын чачунэ́ Дэвлэ́скирэ лава́.”

Joannostir 3:29

Тэрны́ исын ваш Тэрнэскэ, а Тэрнэскиро дру́го (мал), саво́ исын тэрдо́ пашы́л, шунэ́ла лэс и радынэ́лапэ, ке́ли шунэ́ла, со ёв ракирэ́ла. Кадая́ мири́ бахт явдя́ сарэ́са кэ мэ.

Sykadyipén 21:2

И мэ, Иа́но, дыкхцём Свэ́нто Фо́ро, нэво́ Ерусалимо, саво́ джа́лас тэлэ́ Дэвлэ́стыр болыбна́стыр. Фо́ро сыс скэдыно́ и шукар уридо́ сы́рбы тэрны́ ваш ла́кирэ ромэ́скэ.

Apostolengiri Butý 14:23

Па́вли Варнаваса дрэ кажно кхангири́ чхудэ́ годэпхурэн пир постиныбэн и мангипэ́н и отдынэ́ лэн Ра́скэ-Дэвлэ́скэ, дрэ Савэ́стэ ёнэ патяндынэ́.

1 Коринфянэнгэ 7:5

На отпхэнэнпэ екх екхэстыр, ко́ли фэ́ни (то́ка) екх пир доракирибэ́н екх екхэ́са пэ вари-саво́ часо, соб (кай) тэ́ньчи тэ отдэ́н пэс постоскэ и патерьякэ (молитвакэ) Дэвлэ́скэ ваш дова́, соб (кай) на́лачхо тэ на злыджал тумэн пал дова́, со тумэ́ на рикирэ́на пэс дрэ васта́.

Joannostir 16:6

Нэ долэ́стыр, со Мэ пхэндём дова́ тумэ́нгэ, тумаро́ ило́ яця́ тэ пиридживэл.

Isajos 22:12

И Рай Дэвэ́л, Рай Дэвэ́л, болыбна́скирэ-янголэ́нгиро, кхарэ́ла кэ Пэ тумэн, соб (кай) тумэ́ тэ ровэ́н, тэ годлэн дро дава́ дывэ́с, соб (кай) тумэ́ тэ обчхинэн бала́, соб (кай) тэ обпхандэнпэ гонэса праскаса, саво́ урьена дрэ биба́хт.

2 Коринфянэнгэ 11:27

мэ бут кэрдём буты́ и со́мас залыно (залымо) пхарэ́ бутяса, со́мас бисоибнаскиро, бокхало. Ма́ндэ сыс труш (смэга); мэ постиндём пир шыл и би идякиро.

Матфеё 9:14

Тэ́ньци явнэ́ кэ Ёв Ианоскирэ сыкляибны́тка и ракирна: “Со́скэ амэ и Фарисе́и постинаса, нэ Тырэ́ сыкляибны́тка на постинэна?”

Матфеё 9:16

Нико́н на чхувэ́ла котэ́р (куско) нэво́ тхан пэ пхурано́ урибэ́н; пал-дова́ со присудо котэ́р розрискирла и лёха (дира) явэ́ла ишчо (инкэ́) барэды́р.

Marko 2:19

Ису́со отпхэндя́ лэ́нгэ: “Ци могинэ́на дру́ги (мала́) Тэрнэскирэ тэ отпхэнэнпэ хабнастыр, ко́ли ёнэ исын пэ Лэ́скиро бьяв? Пака Тэрно́ исын лэ́нца, палсо́ лэ́нгэ тэ постинэнпэ?

Marko 2:20

Нэ явэ́на дывэса́, ке́ли Тэрно́ явэ́ла лыно́ криг лэ́ндыр, тэды ёнэ явэ́на тэ постинэнпэ дро дова́ дывэ́с.

Luka 5:34

Ёв пхэндя́ лэ́нгэ: “Ци могинэ́на (сашты́) тумэ́ тэ зачхувэн Тэрнэскирэ малэн (другэн) тэ отпхэнэнпэ хабнастыр, ко́ли ёнэ исын пэ Лэ́скиро бьяв, ке́ли Тэрно́ (Жэнихо) исын лэ́нца?

Luka 5:35

Нэ явэ́на дывэса́, ке́ли Тэрно́ явэ́ла лыно́ криг лэ́ндыр, тэды ёнэ явэ́на тэ постинэн дрэ долэ́ дывэса́.”

Luka 17:22

Тэды Ису́со ишчо (инкэ́) пхэндя́ сыкляибнытконэ́нгэ: “Явэ́на дывэса́, ке́ли тумэ́ древа́н закамэна хоць пэ екх дывэ́с тэ дыкхэ́н Чхавэ́с Манушэскирэс, ке́ли Ёв сыкадёла, нэ тумэ́ на дыкхэ́на;