Матфеё 8:5 - Библия - Пэ Балтитко Романи чиб (Романэс) 2019

⁵ Сыр Ёв гия́ дро Капернаумо, подги́я кэ Ёв шэлэнгирэ-халадытко барыдыро́ и мангдя́ Лэс тэ помогинэл,

Biblija - Pe Baltitko Romani čib (Romanes) 2019

⁵ Syr Jov gijá dro Kapiernaumo, podgíia ke Jov šelengire-xaladytko barydyró i mangdiá Les te pomoginel,

Матфеё 8:5 Referans Kwoze

Матфеё 27:54

И шэлэнгирэ-халадэ́нгиро барыдыро́ и халадэ́, савэ́ кхэтанэ́ ракхэнас Исусо́с, сыр дыкхнэ́ пхувья́киро триинскрибэн и саро́, со кэрдя́пэ, страха́дынэ зоралэ́с, ракири́: “Чачэс, дава́ сыс Чхаво́ Дэвлэ́скиро.”

Apostolengiri Butý 27:43

Нэ тысёнцэнгиро барыдыро́ камдя́ тэ зракхэ́л Павли́с и на домэкця лэн тэ кэрэ́н дава́ и припхэндя́ одолэ́нгэ, кон джинэ́ла тэ плывинэл, тэ ухтэн дро пани́ и тэ выджа́н пэ пхув,

Apostolengiri Butý 27:31

нэ Па́вли пхэндя́ тысёнцэнгирэ барыдырэ́скэ и халадэнгэ: “Ко́ли адалэ́ мануша́ на ячэ́напэ пэ па́рма, тэды и тумэ́ на могинэ́на тэ зракхэнпэ.”

Apostolengiri Butý 23:17

Тэды Па́вли кхардя́ екхэ шэлэнгирэ барыдырэ́с и пхэндя́ лэ́скэ: “Лы́джа кадалэс тэрнэ́ манушэ́с кэ тысёнцэнгиро барыдыро́, пал-дова́ со ёв камэ́ла вари-со тэ пхэнэ́л лэ́скэ.”

Матфеё 4:13

и гии Назаретостыр, явдя́ и яця́ тэ дживэ́л кэ Капернаумо пашы́л мо́рё (дэрья́в), пэ штэ́ты Завулоноскирэ и Нефалимоскирэ,

Apostolengiri Butý 27:13

И ке́ли яця́ набари балва́л паш-дывэсытконэ́ рига́тыр, ёнэ подуминдлэ, со ёнэ дорэснэ́ дова́, со лэ́нгэ трэй, ґаздынэ́ якорё тэ плывинэн (тэ дэн плима) на́дур брэгостыр пашы́л Крито.

Apostolengiri Butý 23:23

И ке́ли ёв выкхардя дуе́н пэ́скирэ барыдырэ́н и припхэндя́ лэ́нгэ: “Кэдэн дуйшэла́ халадэ́н тэ джа́н кэ Кесария, охтодэша́ уклистэ́ пэ грэ́ндэ и дуйшэла́ халадэ́ лукэнца пир трин мардэ́ коригэды́р (позжэды́р) долэ́стыр, сыр калёла яври́ дрэ еня́ (биекхэ́скиро дэш) мардэ́ (часы).

Apostolengiri Butý 22:25

Ке́ли лэс припхандэнас, соб (кай) тэ марэ́н, Па́вли пхэндя́ шэлэнгирэ барыдырэ́скэ, саво́ сыс тэрдо́ пашы́л: “Ци сашты́ тумэ́нгэ тэ марэ́н Римо́скирэ манушэ́с би сэндоскиро?”

Marko 15:39

А шэлэнгиро барыдыро́, саво́ сыс тэрдо́ анги́л Исусо́стэ, шундя́ Лэ́скири годлыма и дыкхця́, сыр Ёв мыя́, пхэндя́: “Адава́ ману́ш, чачэс, сыс Дэвлэ́скиро Чхаво́!”

Marko 2:1

И пир вари-кицы́ дывэса́ Ису́со нэвэ́стыр явдя́ дро Капернаумо, и прогия́ шуныбэ́н, со Ёв сыс кхэрэ́.

Матфеё 9:1

И загии дрэ ба́рка, Ёв традыя́ палэ и явдя́ дро Пэ́скиро фо́ро.

Матфеё 11:23

И ту, Капернаумо, кэ болыбэ́н ґаздэсапэ? Дро лю́но (адо) ту явэ́са чхурдыно́ тэлэ́: пал-дова́ со, ко́ли дасавэ́ ди́вы тэ явэ́н кэрдэ́ дро Содо́мо, сыр дрэ ту́тэ, ёв ячэласпэ кэ ададывэ́с.

Apostolengiri Butý 9:38

Нэ сыр Лида сыс на́дур Иопиятыр, и, ке́ли сыкляибны́тка шундлэ́ пал дова́, со Пэ́три исын дрэ Лида, ёнэ бичхадя́ кэ ёв дуе манушэ́н тэ мангэ́н лэс, соб (кай) ёв сыгэды́р тэ явэ́л кэ ёнэ.