Матфеё 8:11 - Библия - Пэ Балтитко Романи чиб (Романэс) 2019

¹¹ Мэ пхэна́ва тумэ́нгэ, со бут яви́р явэ́на вастоко́стыр и западостыр (пал-панендыр) и бэшэна пал сками́нд Авраамоса, Исакоса и Яковоса дро Кралипэ́н дро Болыбна́скиро Раё,

Biblija - Pe Baltitko Romani čib (Romanes) 2019

¹¹ Me phenáva tuménge, so but javír javéna vastokóstyr i zapadostyr (pal-paniendyr) i bešena pal skamínd Avraamosa, Isakosa i Jakovosa dro Kralipén dro Bolybnáskiro Rajo,

Матфеё 8:11 Referans Kwoze

Эфесянэнгэ 3:6

соб (кай) и Наюдэ́нгэ тэ явэ́н кхэтанэ́ Юдэнца дро Дэвлэ́скиро бахтякирибэ́н и, соб (кай) ёнэ тэ ячэн пашэ́нца екхэ масэ́ндыр, адя́кэ-паць и дыно́ лав отлыджалапэ лэ́нгэ, саво́ сыс дыно́ дро Исусо́стэ Христосо́стэ пир бахталы́ зан.

Малахия 1:11

Мирэ́ лавэ́скэ явэ́ла бари паты́в машки́р Наюды́тка на́цыи (народы), одотхы́р, кай кхам уштэ́ла и кэ дова́ штэ́то, кай кхам заджа́ла. Пэ кажно штэ́то дрогонэ́-смолакиро тхувипэн явэ́ла Ма́нгэ, жужо́ свэ́нто дыибэ́н; ваш дова́, со Мирэ́ Лавэ́скэ явэ́ла бари паты́в машки́р Наюды́тка на́цыи,” – ракирэ́ла янголэ́нгирэ-болыбна́скиро Рай Дэвэ́л.

Luka 12:37

Бахталэ́ исын одолэ́ дына́рья, конэ́с хула́й латхэ́ла, со ёнэ на сутэ́; чачэс, Мэ пхэна́ва тумэ́нгэ, со хула́й приготовинэлапэ и бэшлякирэла лэн пал сками́нд тэ откхинён; и джа́ла кэ ёнэ и ячэ́ла тэ подэл лэ́нгэ.

Колосянэнгэ 3:11

палдава́ нанэ буты́р ни Елинос (Баламэс), ни Юдос, ни обчхиныбэн, ни наобчхиныбэн, ни бэдонэ-нацыякирэ манушэ́с, ни Скифос, ни дынари́с, ни вольнонэ манушэ́с, нэ саро́ и дро саро́ исын Христо́со.

Apostolengiri Butý 11:18

Ке́ли ёнэ шундлэ́ саро́ дава́, ячнэ́ штыл и лынэ́ тэ славинэ́н Дэвлэ́с, ракири́: “Бицяло́, со и Наюдэ́нгэ Дэвэ́л дыя́ во́ля тэ рискирэ́н пэ́скиро джиибэ́н кэ Дэвэ́л и тэ дживэ́н.”

Apostolengiri Butý 10:45

И Юдытка дэвлы́тка, савэ́ явнэ́ Пэтриса, дивиндлэ́пэ, со Свэ́нто Ду́хо (Фа́но) гия́ тэлэ́ и пэ Наюдэ́ндэ;

Матфеё 24:31

И бичхавэ́ла Ёв Пэ́скирэ Янголэн барэ́ рогоса (трубаса), и скэдэ́ла кхэтанэ́, конэ́с Ёв выкэдыя́, штарэ́ ригэ́ндыр и екхэ болыбнытконэ ягоро́стыр (краёстыр) кэ яви́р.

Isajos 59:19

И явэ́на тэ дарэ́н Ра́скирэ-Дэвлэ́скирэ лавэ́стыр пэ западо (пэ пал-панитко риг), дарэ́на Лэ́скирэ барэ́ патыватыр пэ доя́ риг, кай кхам ґаздэ́лапэ. Ко́ли вэ́рго явэ́ла, сыр рэка (лэнь), то пхурдыпэн Ра́скиро Дэвлэ́скиро лэс вытрадэла.”

Sykadyipén 7:6

12 тысёнцы Асироскирэ родо́стыр, 12 тысёнцы Нефалимоскирэ родо́стыр, 12 тысёнцы Манасиякирэ родо́стыр;

2 Фесалоникийцэнгэ 1:5

дава́ исын допхэныбэ́н долэ́скэ, со явэ́ла чачуно́ Дэвлэ́скиро сэ́ндо, соб (кай) тумэ́ тэ явэ́н мол тэ заджа́н дро Дэвлэ́скиро Кралипэ́н, ваш саво́ тумэ́ и мэнчынэнапэ;

1 Коринфянэнгэ 15:20

Нэ Христо́со отджидыя́ мэрибна́стыр, са́мо пэ́рво одолэ́ндыр, кон мыя́.

1 Коринфянэнгэ 6:9

Ци тумэ́ на джинэ́на, со начачунэнгэ на явэ́ла паш дро Кралипэ́н дро Болыбна́скиро Раё? На хохавэнпэ: ни одолэ́, савэ́ кэрэ́на блэ́ндо, ни идолэ-мангипнаскирэ, ни одолэ́, савэ́ кэрэ́на марки, ни одолэ́ мурша́, савэ́ исын сы́рбы джувля́, ни одолэ́, савэ́ дживэ́на муршэнца сыр джувле́нца,

Apostolengiri Butý 14:27

Ке́ли Апо́столы рисинэ́ палэ дрэ Антио́хия, ёнэ скэдынэ́ кхангири́, и пал саро́ роспхэндлэ́, со Дэвэ́л кэрдя́ пир лэ́ндэ, и сыр Ёв Наюдэ́нгэ псирадя вудара́ ваш патяибэ́н.

Apostolengiri Butý 14:22

и ёнэ подрикирэнас сыкляибнытконэ́н и патякирэнас лэн, соб (кай) ёнэ тэ явэ́н зоралэ́ дро патяибэ́н и ракирдэ́: “Амэ́нгэ явэ́ла трэй бут тэ пиридживас анги́л дава́, соб (кай) тэ заджас дро Дэвлэ́скиро Кралипэ́н.”

Luka 16:22

И сыс адя́кэ: ке́ли мыя́ бо́го Лазарё, тэды Янго́лы залыджинэ лэс тэ явэ́л пашы́л Авраамостэ.

Матфеё 3:2

и раки́рла: “Приґалён пэ́скирэ грэ́хи (бизы), какана́ явдя́ пашылэды́р Кралипэ́н дро Болыбна́скиро Раё.”

Дание́лё 2:44

И дро дывэса́ кодолэ́ кралипнаскирэ о Дэвэ́л Болыбна́скиро чхувэ́ла кралипэ́н, саво́ дро ве́ки на пхадёла, и кодова́ кралипэ́н на явэ́ла пиридыно явирэ народоскэ; ёв пхаравэла и пхагирэ́ла сарэ́ кралипэна́, и ёв кокоро́ явэ́ла тэ тэрдёл дро ве́ки,

Ереме́ё 16:19

Раё Дэ́вла! Ту сан миро зоралыпэ́н и мири́ тва́рдыма, и пал Ту́тэ Мэ гарадёвава дрэ трашанэ (даракунэ) дывэса́, кэ Ту явэ́на бут мануша́ сарэ́ ягорэндыр (краендыр) пэ пхув и пхэнэ́на: “Амарэ́ дада́, чачэс, дорэснэ́ (долынэ) мэкно́ миштыпэ́н, саво́ исын хохано́ и хартытко (никчэмно), и лэ́стыр нанэ ни саво́ лачхипэ́н.

Isajos 52:10

Сыкадя́ сарэ́нгэ Рай Дэвэ́л Пэ́скиро свэ́нто васт, соб (кай) тэ дыкхэ́н сарэ́ народы; сарэ́ пхувья́кирэ яго́ры (концы) дыкхэ́на амарэ́ Дэвлэ́скиро зракхибэ́н.

Isajos 49:6

И Ёв пхэндя́: “Дава́ исын набаро́ рэ́ндо ваш Ту́кэ, со ту явэ́са Миро писха́ри, соб (кай) тэ дживэ́л ро́дыцо Яково́скиро, соб (кай) тэ рисёл ячаибэ́н Израилёскиро; нэ дава́ ишчо (инкэ́) нанэ саро́. Нэ кэра́ва Мэ Тут дудэса (свэтоса) ваш манушэ́нгэ, соб (кай) тэ джинэ́н Миро зракхибэ́н сарэ́ яго́ры (концы) пэ пхув.”

Isajos 11:10

И явэ́ла дро дова́ дывэ́с: кэ корнё (рукх) Исеёскиро, саво́ ячэ́ла сыр сцяго тэ прикхарэл народы, обрисёна Наюды́тка на́цыи, и барипнаса явэ́ла лэ́скиро откхиныбэн.

Psalmy 98:3

Ёв дыя́ тэ рипирэл пал Пэ́скири лачхэ́-илы́ткима и лэ́скиро чачипэ́н Израилёскирэ кхэрэ́скэ: сарэ́ пхувья́кирэ яго́ры (краи́) дыкхнэ́, сыр амаро́ Дэвэ́л зракхэ́ла Пэ́скиро манушэ́н.

Psalmy 22:27

Мэк тэ хан чалэ́с одолэ́, савэ́ ха́на мэ́ньки, а одолэ́, савэ́ родэ́на Рас-Дэвлэ́с, явэ́на тэ шарэ́н Лэс, мэк тэ дживэ́н тумарэ́ илэ пэ сарэ́ ве́ки!

Džiibén 49:10

На отджала Юдастыр скипетро и законоскиро дыибнари лэ́скирэ трушулэндыр, кэ дава́ часо, пака явэ́ла Раманёскиро (Примирителё), и лэс явэ́на тэ кандэ́н мануша́.

Džiibén 28:14

и явэ́ла баро́ тыро́ ро́до, сыр пхувья́киро пра́хо; и ту явэ́са тэ дживэ́с дур аж кэ мо́рё (дэрья́в), и кэ васто́ко, и кэ паш-рат, и кэ паш-дывэ́с; и бахтякирэнапэ ту́тыр и тырэ́ родо́стыр сарэ́ кхэри́тка ро́ды (пле́ми) пэ пхув;

Džiibén 22:18

и явэ́на бахтякирдэ пир тыро́ ро́до сарэ́ пхувья́кирэ манушы́тка ро́ды, пал-дова́, со ту кандыян Мири́ зан.”

Džiibén 12:3

Мэ бахтякирава манушэ́н, савэ́ явэ́на тэ бахтякирэн тут, и кон прокошэл тут, одолэ́н Мэ прокошава; и дрэ ту́тэ явэ́на бахтякирдэ сарэ́ кхэри́тка ро́ды пэ пхув.”

Isajos 49:12

Акэ, явэ́на мануша́ дурипнастыр, явэ́на паш-ратятыр (северостыр) и морёстыр (дэрьявэстыр), а яви́р явэ́на Синимоскиро пхувья́тыр.”

Матфеё 8:10

И сыр Ису́со шундя́ дава́, дивиндяпэ и пхэндя́ манушэ́нгэ, савэ́ гинэ́ пал Лэ́стэ: “Чачэс, Мэ пхэна́ва тумэ́нгэ: Мэ на латхём дасаво патяибэ́н и дро Израилё.

Матфеё 21:41

Ракирэ́на Лэ́скэ: “Ёв домарэла холямэс адалэн злыднитконэ манушэ́н и винагра́днико здэла явирэ винаградарьенгэ, савэ́ явэ́на тэ отдэ́н лэ́скэ барьякирдэ́ (пло́ды) дро аплодоскиро часо.”